Allu Arjun: మళ్లీ అల్లు అర్జున్‌తోనే ‘గాడ్ ఆఫ్ వార్’.. త్రివిక్రమ్ మైథలాజికల్ మూవీపై క్లారిటీ!

Allu Arjun: టాలీవుడ్‌లో ప్రస్తుతం మోస్ట్ అవేటెడ్ కాంబినేషన్ ఏదైనా ఉందంటే అది ఐకాన్ స్టార్ అల్లు అర్జున్ మరియు మాటల మాంత్రికుడు త్రివిక్రమ్ శ్రీనివాస్ జోడీనే. గతంలో వీరిద్దరి కలయికలో వచ్చిన ‘జులాయి’, ‘సన్ ఆఫ్ సత్యమూర్తి’, ‘అల వైకుంఠపురములో’ వంటి చిత్రాలు బాక్సాఫీస్ వద్ద భారీ విజయాన్ని అందుకున్నాయి. ఇప్పుడు వీరిద్దరూ కలిసి ఒక భారీ బడ్జెట్ సోషియో-ఫాంటసీ లేదా మైథలాజికల్ యాక్షన్ డ్రామా చేయబోతున్నారన్న వార్త ఫిలిం నగర్ వర్గాల్లో హాట్ టాపిక్‌గా మారింది. ఈ చిత్రానికి #GodOfWar అనే వర్కింగ్ టైటిల్‌ను పరిశీలిస్తున్నారు.

Read also-Chiranjeevi: ‘మన శంకర వర ప్రసాద్ గారు’ మార్కెట్‌లోకి వచ్చేశారు..

అంతర్గత చర్చలు

తాజాగా అందిన సమాచారం ప్రకారం, ఈ ప్రాజెక్ట్ విషయంలో సినిమా టీమ్ లోపలే కొంతకాలంగా తర్జనభర్జనలు జరిగాయి. ఈ కథా నేపథ్యం చాలా వైవిధ్యంగా ఉండటంతో, కథానాయకుడిగా ఎవరిని ఎంపిక చేయాలనే విషయంలో టీమ్ రెండు గ్రూపులుగా విడిపోయిందట. ఒక వర్గం ఈ పాత్రకు గ్లోబల్ స్టార్ ఎన్టీఆర్ అయితే కరెక్ట్ అని భావించగా, మరో వర్గం మాత్రం అల్లు అర్జున్‌నే కొనసాగించాలని పట్టుబట్టింది. ఒక దశలో బన్నీ ఈ ప్రాజెక్ట్ నుండి తప్పుకున్నారని, ఎన్టీఆర్ లైన్లోకి వచ్చారని ఊహాగానాలు గట్టిగా వినిపించాయి.

Read also-AP Govt: సినిమా టికెట్ల ధరపై ఏపీ ప్రభుత్వం సంచలన నిర్ణయం

నిర్మాత నిర్ణయం

ఈ గందరగోళానికి నిర్మాత ఎస్. రాధాకృష్ణ (చినబాబు) ఫుల్ స్టాప్ పెట్టినట్లు తెలుస్తోంది. హారిక అండ్ హాసిని క్రియేషన్స్ బ్యానర్‌పై రూపొందనున్న ఈ చిత్రానికి ఆయన ప్రధాన వాటాదారు. అల్లు అర్జున్‌తో ఉన్న సుదీర్ఘ అనుబంధం, సినిమా మార్కెట్ సమీకరణాలను దృష్టిలో ఉంచుకుని, చినబాబు అల్లు అర్జున్‌నే హీరోగా ఖరారు చేసినట్లు సమాచారం. దీంతో ఈ ప్రతిష్టాత్మక చిత్రం తిరిగి ‘బన్నీ’ ఖాతాలోకి చేరింది. విశ్వసనీయ సమాచారం ప్రకారం, ఈ సినిమా మన పురాణాల్లోని ‘దేవుడు’ అంశాల ఆధారంగా రూపొందనుంది. కేవలం తెలుగులోనే కాకుండా పాన్-ఇండియా లెవల్‌లో అత్యున్నత సాంకేతిక విలువలలో, భారీ విజువల్ ఎఫెక్ట్స్‌తో ఈ చిత్రాన్ని తెరకెక్కించనున్నారు. త్వరలోనే ఈ ప్రాజెక్ట్‌పై అధికారిక ప్రకటన వచ్చే అవకాశం ఉంది.