Shambhala: షైనింగ్ పిక్చర్స్ బ్యానర్‌పై వెర్సటైల్ యాక్టర్ ఆది సాయి కుమార్ (Aadi Sai Kumar) హీరోగా.. యగంధర్ ముని దర్శకత్వంలో రాజశేఖర్ అన్నభిమోజు, మహీధర్ రెడ్డి నిర్మించిన చిత్రం ‘శంబాల’ (Shambhala Movie). అర్చన అయ్యర్, స్వసిక, రవివర్మ, మధునందన్, శివ కార్తీక్ తదితరులు కీలక పాత్రల్ని పోషించిన ఈ సినిమా డిసెంబర్ 25న భారీ ఎత్తున రిలీజ్ అయ్యేందుకు సిద్ధమైంది. ఈ క్రమంలో ప్రమోషన్స్‌లో భాగంగా రిలీజ్ చేసిన టీజర్, ట్రైలర్, పాటలు అన్నీ ఆడియెన్స్‌ను మెప్పించి, భారీ హైప్‌ని సొంతం చేసుకున్నాయి. ఇక రిలీజ్ డేట్ దగ్గర పడటంతో అంచనాల్ని మరింతగా పెంచేందుకు ‘శంబాల మిస్టిక్ ట్రైలర్‌’ను నేచురల్ స్టార్ నాని చేతుల మీదుగా ఆదివారం మేకర్స్ విడుదల చేశారు.

Also Read- Bigg Boss Grand Finale: ఈసారి బిగ్ బాస్ గ్రాండ్ ఫినాలే మాములుగా ఉండదు.. ప్రోమో వచ్చేసింది!

పెద్ద హిట్ అవ్వాలి

ఈ ట్రైలర్ విడుదల అనంతరం నేచురల్ స్టార్ మాట్లాడుతూ.. ‘శంబాల’ ట్రైలర్‌ని ఇప్పుడే చూశాను. అద్భుతంగా ఉంది. ఇలాంటి జానర్ చిత్రాలను ప్రేక్షకులు ఎప్పుడూ ఆదరిస్తుంటారు. ఇలాంటి సినిమాల్ని కరెక్ట్‌గా చేస్తే.. టెక్నికల్‌గా, మేకింగ్ పరంగా సెట్ అయితే ఎలాంటి ఇంపాక్ట్‌ను క్రియేట్ చేస్తుందో ఇది వరకే చాలా సార్లు చూశాం. ఈ ట్రైలర్ చాలా ప్రామిసింగ్‌గా ఉంది. బ్యాక్ గ్రౌండ్‌లో వచ్చే ఇంగ్లీష్ సాంగ్ కూడా అదిరిపోయింది. ఆ పాట చాలా స్టైలీష్‌గా ఉంది. ఆది నాకు ఎప్పటి నుంచో తెలుసు. మంచి నటుడు, మంచి డ్యాన్సర్ కూడా. మంచి నటుడికి మంచి సినిమా పడితే ఎలా ఉంటుందో ప్రత్యేకంగా చెప్పాల్సిన పని లేదు. ‘శంబాల’తో ఆదికి అలాంటి మంచి విజయం దక్కాలని మనస్ఫూర్తిగా కోరుకుంటున్నాను. ఈ మూవీ పెద్ద హిట్ అవ్వాలని కోరుతూ.. ‘శంబాల’ టీంకు ఆల్ ది బెస్ట్.. అని చెప్పారు. ఇక ‘శంబాల మిస్టిక్ ట్రైలర్‌’ను గమనిస్తే..

Also Read- Meera Raj: హాట్ టాపిక్‌గా ‘స‌న్ ఆఫ్’ బ్యూటీ.. ‘కాంచ‌న 4’లో ఛాన్స్!

వెన్నులో వణుకు పుట్టేలా..

ఆకాశం నుంచి ఓ ఉల్క పడటంతో ఈ ట్రైలర్ మొదలైంది. ‘పంచభూతాలను శాసిస్తుందంటే ఇది సాధారణమైనది కాదు’.. అనే డైలాగ్‌తో ఆ ఉల్క శక్తి ఏంటో తెలిపారు. ఇక ఊర్లో అందరూ వింతగా ప్రవర్తిస్తుండటం, ఆ ఉల్కను కట్టడి చేసేందుకు పూజలు నిర్వహిస్తుండటం, మఠాధిపీఠాధిపతులను తీసుకు రావడం చూపించారు. ఇక మిస్టరీని ఛేదించేందుకు నాస్తికుడైన హీరో రంగంలోకి దిగిన వెంటనే.. ‘కాశీ, కాకమ్మ, మజిలీ కథలు ఊరి జనాలకు చెప్పండి.. నాక్కాదు’ అని అనడం చూస్తే అతని పాత్ర ఇందులో ఎలా ఉండబోతోందో అర్థమవుతోంది. ఊర్లో వరుసగా హత్యలు, ఆత్మహత్యలు జరుగుతుంటాయి. ‘ఇప్పటి నుంచి మీ పిచ్చితనానికి ఎవ్వరినీ బలికానివ్వను.. అది ఆవైనా సరే.. చీమైనా సరే’ అని హీరో పరిష్కారం కనిపెట్టే దిశగా ప్రయత్నాలు చేస్తున్నట్లుగా చూపించారు. ఊరికి వ్యతిరేకంగా హీరో చేసే పోరుని ఈ ట్రైలర్ తెలియజేస్తుంది. ప్రవీణ్ కె బంగారి చూపించిన విజువల్స్, శ్రీ చరణ్ పాకాల ఆర్ఆర్ మాత్రం థియేటర్లలో ప్రేక్షకులకు ఫుల్ థ్రిల్లింగ్ ట్రీట్ ఇవ్వనుందనేది అర్థమవుతోంది. ట్రైలర్‌ చివరి సీన్ చూస్తే.. ఒక్కొక్కరికి వెన్నులో వణుకు పుట్టేలా ప్లాన్ చేశారు. ఇలా ఇప్పటికే టేబుల్ ప్రాఫిట్‌తో రిలీజ్‌కు సిద్ధమైన ఈ చిత్రం కచ్చితంగా బ్లాక్‌బస్టర్ అవుతుందని మేకర్స్ చెబుతున్నారు.