Yash Toxic: రాకింగ్ స్టార్ యష్ (Rocking Star Yash) నటిస్తున్న ‘టాక్సిక్‌: ఎ ఫెయిరీ టేల్ ఫ‌ర్ గ్రోన్ అప్స్‌’ (Toxic: A Fairytale for grown-ups) రిలీజ్‌కు కౌంట్‌డౌన్ మొద‌లైంది. ఈ సినిమాపై ఎలాంటి అంచనాలు ఉన్నాయో ప్రత్యేకంగా చెప్పాల్సిన అవసరమే లేదు. 19 మార్చి, 2026న ఈ సినిమా వ‌ర‌ల్డ్ వైడ్ రిలీజ్ కానుందని ఇప్పటికే మేకర్స్ అధికారికంగా ప్రకటించారు. అంటే, సినిమా రిలీజ్‌కు కరెక్ట్‌గా వంద రోజుల స‌మయం మాత్ర‌మే ఉంది. వ‌చ్చే ఏడాది అంద‌రూ ఎంతో ఆస‌క్తిగా వెయిట్ చేస్తోన్న సినిమాలలో ‘టాక్సిక్’ (Toxic) కూడా ఒక‌టి. ఇప్ప‌టికే ఈ సినిమా నుంచి వచ్చిన అప్‌డేట్స్‌‌తో.. సినిమాపై ఉన్న అంచనాలు రోజురోజుకీ పెరుగుతున్నాయి. సినిమాపై ఉన్న ఎక్స్‌పెక్టేష‌న్స్‌ను నెక్ట్స్ లెవ‌ల్‌కు తీసుకెళ్లేలా తాజాగా చిత్ర యూనిట్ ‘టాక్సిక్‌: ఎ ఫెయిరీ టేల్ ఫ‌ర్ గ్రోన్ అప్స్‌’ నుంచి ఓ స‌రికొత్త‌, ప‌వ‌ర్‌ఫుల్ పోస్ట‌ర్‌ను రిలీజ్ చేసింది.

Also Read- CM Revanth Reddy: సీఎం రేవంత్ రెడ్డి‌ని కలిసిన టాలీవుడ్, బాలీవుడ్ సినీ ప్రముఖులు..

బ్యాడ్ యాష్ వైబ్‌‌తో..

ఈ పోస్టర్ ప్రస్తుతం వైరల్ అవుతోంది. ఈ పోస్టర్‌లో బాత్ టబ్‌లో స్నానం చేస్తున్నట్లుగా బ్యాక్ లుక్‌ని చూపించారు. ర‌గ్డ్ లుక్‌లో య‌ష్ ఇందులో క‌నిపిస్తున్నాడు. మెలి తిరిగిన కండ‌ల‌తో.. ర‌క్తంతో నిండిన బాత్ ట‌బ్‌లో కూర్చుని ఉన్నాడు. తన ముఖంపై కాంతి వెదజల్లుతోంది. అలాగే త‌ను బ‌య‌ట‌ ఉన్న దేనినో తదేకంగా చూస్తున్న‌ాడు. త‌న శ‌రీరంపై ఉన్న టాటూస్ చూస్తుంటే త‌న‌లోని బ్యాడ్ యాష్ వైబ్‌ను, క్యారెక్ట‌ర్‌ను పోస్ట‌ర్‌తో ఆవిష్క‌రించే ప్ర‌య‌త్నం చేశారనేది ఈ పోస్టర్ చూస్తుంటే తెలుస్తుంది. ఈ పోస్ట‌ర్‌ చూసిన అభిమానుల ఆనందానికి అవధులు లేవంటే నమ్మాలి. ఈ సినిమాను మంచి పండుగ సీజ‌న్‌లో రిలీజ్ చేస్తున్నారు. గుడి ప‌డ్వ, ఉగాది, ఈద్ క‌లిసిన వారాంతం ఈ మూవీ ప్రేక్షకుల ముందుకు రాబోతోంది.

Also Read- Maruthi: జపాన్‌లో ప్రభాస్ క్షేమంగా ఉన్నాడు.. డోంట్ వర్రీ.. అభిమాని ట్వీట్‌‌పై మారుతి!

సినిమాకు పనిచేస్తున్న టెక్నీషియన్స్ వీరే..

ఈ అప్డేట్‌లో ‘టాక్సిక్‌: ఎ ఫెయిరీ టేల్ ఫ‌ర్ గ్రోన్ అప్స్‌’ సినిమాకు సంబంధించిన స‌రికొత్త పోస్ట‌ర్‌తో పాటు.. సినిమా అద్భుతంగా రావ‌టంలో త‌మ‌దైన పాత్ర‌ను పోషిస్తోన్న టెక్నీషియ‌న్స్ వివ‌రాల‌ను కూడా చిత్ర యూనిట్ ప్ర‌క‌టించింది. జాతీయ అవార్డు గ్రహీత రాజీవ్ రవి సినిమాటోగ్రఫీ, KGF ఫేమ్ రవి బస్రూర్ సంగీతం, ఉజ్వల్ కులకర్ణి ఎడిటింగ్ వ‌ర్క్‌, టీపీ ఆబిద్ ప్రొడక్షన్ డిజైన్ బాధ్యతలను నిర్వహిస్తున్నారు. జాన్ విక్ వంటి చిత్రాల‌కు ప‌ని చేసిన హాలీవుడ్ యాక్షన్ డైరెక్టర్ జెజె పెర్రీ, జాతీయ అవార్డు గ్రహీత అన్బరివ్ కలిసి ఈ చిత్రంలోని కీలక యాక్షన్ సన్నివేశాలను రూపొందిస్తున్నట్లుగా మేకర్స్ తెలిపారు. య‌ష్‌, గీతూ మోహ‌న్ దాస్ రాసిన ఈ క‌థ‌ను గీతూ మోహ‌న్ దాస్ తెరకెక్కిస్తున్నారు. ఇంగ్లీష్‌, క‌న్న‌డ‌లో సినిమాను చిత్రీక‌రిస్తోన్నప్పటికీ ఈ చిత్రాన్ని హిందీ, తెలుగు, మ‌ల‌యాళం స‌హా ఇత‌ర భాష‌ల్లో అనువాదం చేసి రిలీజ్ చేయనున్నారు. కెవిఎన్ ప్రొడ‌క్ష‌న్స్‌, మాన్‌స్ట‌ర్ క్రియేష‌న్స్ బ్యాన‌ర్స్‌పై వెంక‌ట్ కె.నారాయ‌ణ‌, య‌ష్ ఈ భారీ బ‌డ్జెట్ ప్రాజెక్ట్‌ను నిర్మిస్తున్నారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు