Rashmika Vijay: ఆ పుకార్లకు ఫుల్ స్టాప్ పెట్టిన రష్మికా మందన్నా.. ఏం అన్నారంటే?

Rashmika Vijay: ప్రముఖ సినీ తారలు రష్మికా మందన్నా, విజయ్ దేవరకొండల మధ్య ఉన్న బంధం గురించి చాలా కాలంగా సినీ వర్గాలలో, అభిమానులలో తీవ్రమైన చర్చ జరుగుతోంది. తాజాగా, వీరిద్దరూ రాజస్థాన్‌లో 2023 ఫిబ్రవరిలో వివాహం చేసుకోబోతున్నారనే వదంతులు మీడియాలో, సోషల్ మీడియాలో విపరీతంగా చక్కర్లు కొట్టాయి. ఈ పుకార్లపై నటి రష్మికా మందన్నా స్పష్టతనిస్తూ, మౌనం వీడింది. తాజాగా ఇచ్చిన ఒక ఇంటర్వ్యూలో, ఈ పుకార్ల గురించి రష్మికా మందన్నాను ప్రశ్నించగా, ఆమె ఈ విషయంపై నేరుగా అవునని గానీ, కాదని గానీ చెప్పకుండా, చాలా తెలివిగా స్పందించింది. “మా వివాహం గురించి మాట్లాడాల్సిన సమయం వచ్చినప్పుడు, కచ్చితంగా మేమే మాట్లాడుతాము,” అని ఆమె బదులిచ్చింది. ఈ సమాధానం వారి బంధంపై ఉన్న సందిగ్ధతను పూర్తిగా తొలగించకుండా, మరింత ఆసక్తిని పెంచింది. “ప్రస్తుతానికి, మా జీవితాలలో చాలా ముఖ్యమైన విషయాలపై దృష్టి సారించాము. మా పనులు, ప్రాజెక్టులు, కెరీర్ వంటివి ముఖ్యమైనవి. ఈ సమయంలో, ఇతర విషయాల గురించి చర్చించడం అనవసరం,” అని రష్మికా పేర్కొంది.

Read also-AVM Saravanan: ప్రముఖ నిర్మాత ఏవీఎం శరవణన్ కన్నుమూత.. సినీ పరిశ్రమకు తీరనిలోటు..

పుకార్లకు దారితీసిన అంశాలు

రష్మికా, విజయ్ దేవరకొండ మొదటిసారిగా ‘గీత గోవిందం’ (2018) చిత్రంలో కలిసి నటించారు. ఆ తర్వాత ‘డియర్ కామ్రేడ్’ (2019) చిత్రంలో కూడా వీరిద్దరూ జోడీ కట్టారు. ఈ రెండు సినిమాల్లో వారి కెమిస్ట్రీ అద్భుతంగా పండడంతో, అభిమానులు వారిని నిజ జీవితంలో కూడా జంటగా చూడాలని ఆకాంక్షించారు. అంతేకాకుండా, పలు సందర్భాలలో వారిద్దరూ కలిసి విహారయాత్రలకు వెళ్లడం, పార్టీల్లో కనిపించడం వంటివి ఈ వదంతులకు మరింత బలం చేకూర్చాయి. గతంలో వారిద్దరూ కలిసి గోవాకు, ఆ తర్వాత మాల్దీవులకు రహస్యంగా వెళ్లారని వార్తలు వచ్చాయి. పలు సినిమా ఈవెంట్లలో ప్రైవేట్ వేడుకల్లో వారి సన్నిహిత ప్రవర్తన చర్చనీయాంశమైంది. అయితే, ఇప్పటి వరకు వారిద్దరూ తమ సంబంధం గురించి ఎప్పుడూ బహిరంగంగా ధృవీకరించలేదు. అయినప్పటికీ, వారిద్దరూ తరచుగా ఒకరి గురించి మరొకరు సానుకూలంగా మాట్లాడడం, ఒకరికొకరు మద్దతుగా నిలవడం వంటివి చేస్తుంటారు.

Read also-Akhanda 2 Review: ‘అఖండ 2: తాండవం’ ఫస్ట్ రివ్యూ వచ్చేసింది.. ఎన్ని స్టార్స్ ఇచ్చారో తెలుసా?

“అవును, నేను విజయ్‌నే పెళ్లి చేసుకుంటాను”

ఒక టౌన్‌హాల్ కార్యక్రమంలో, తన సహనటులలో ఎవరిని పెళ్లి చేసుకుంటారని రష్మికను అడిగినప్పుడు, ఆమె ఏమాత్రం తటపటాయించలేదు. “అవును, నేను విజయ్‌నే పెళ్లి చేసుకుంటాను,” అని ఆమె ఆత్మవిశ్వాసంతో సమాధానం చెప్పింది. ప్రేక్షకులనుండి ఈ సమాధానానికి పెద్ద ఎత్తున చప్పట్లు లభించాయి. ‘ది గర్ల్‌ఫ్రెండ్’ సినిమా ప్రమోషన్స్ సమయంలో, రష్మికా తన జీవిత భాగస్వామి ఎలా ఉండాలి అనే దాని గురించి కూడా వివరించింది. ఈ వ్యాఖ్యలు విజయ్‌ను ఉద్దేశించే అన్నారని చాలామంది నమ్ముతున్నారు. “రేపు నాపై ఒక యుద్ధం జరిగితే, ఆ మనిషి నా పక్షాన నిలబడి పోరాడతాడని నాకు తెలుసు. నేను కూడా అదే చేస్తాను ఏ రోజైనా నేను అతని కోసం బుల్లెట్‌ను కూడా స్వీకరించగలను. అటువంటి వ్యక్తి నాకు కావాలి,” అని ఆమె చెప్పింది. ఇప్పటికే వీరికి ఎంగేజ్ మెంట్ కూడా పూర్తిచేసుకున్నారు. ప్రస్తుతం ఫిబ్రవరి 2026లో వారి వివాహం జరగబోతుందని గట్టిగా వార్తలు వస్తున్నాయి.