Jailer 2: ‘జైలర్ 2’లో గెస్ట్ రెల్ చేసేది బాలయ్య కాదట.. ఎవరంటే?
Rajinikanth and Balayya (Image Source: X)
ఎంటర్‌టైన్‌మెంట్

Jailer 2: ‘జైలర్ 2’లో గెస్ట్ రెల్ చేసేది బాలయ్య కాదట.. ఎవరంటే?

Jailer 2: లోకేష్ కనగరాజ్ (Lokesh Kanagaraj) దర్శకత్వంలో సూపర్ స్టార్ రజనీకాంత్ (Super Star Rajinikanth) హీరోగా వచ్చిన ‘కూలీ’ (Coolie) చిత్రం బాక్సాఫీస్ దగ్గర అనుకున్నంతగా సక్సెస్ అందుకోలేకపోయిన విషయం తెలిసిందే. మిగతా భాషల్లో ఏమోగానీ, తమిళ్‌లో మాత్రం ఈ సినిమా మంచిగానే కలెక్షన్స్ రాబట్టింది. ఇక ఈ సినిమా తర్వాత రజనీకాంత్ చేస్తున్న చిత్రం ‘జైలర్ 2’ (Jailer 2). సక్సెస్‌ఫుల్ చిత్రం ‘జైలర్‌’కు సీక్వెల్‌గా రూపుదిద్దుకుంటోన్న ఈ చిత్రం ప్రస్తుతం శరవేగంగా చిత్రీకరణను జరుపుకుంటోంది. ఈ సినిమాలో టాలీవుడ్ స్టార్ హీరో నందమూరి నటసింహం బాలకృష్ణ (Natasimham Balakrishna) కూడా ఓ కీలక పాత్రలో నటించబోతున్నట్లుగా ఇటీవల వార్తలు వైరల్ అయిన విషయం తెలిసిందే. బాలయ్య చేయనున్న ఈ పాత్రకు సంబంధించి ఇప్పుడు సోషల్ మీడియా సర్కిల్స్‌లో వేరే విధంగా వార్తలు మొదలయ్యాయి. ఆ వివరాల్లోకి వెళితే..

Also Read- Mana Shankara Vara Prasad Garu: ‘మన శంకరవరప్రసాద్ గారు’ నుంచి బ్లాస్టింగ్ అప్డేట్ వచ్చేసింది.. ఏంటంటే..

బాలయ్య అనుకున్న పాత్రలో ఆ నటుడు..

‘జైలర్’ (Jailer) సక్సెస్‌లో రజనీకాంత్‌తో పాటు గెస్ట్‌లుగా కనిపించిన కన్నడ స్టార్ నటుడు శివరాజ్ కుమార్, మలయాళ స్టార్ నటుడు మోహన్ లాల్ కూడా ప్రధాన కారణం అని చెప్పుకోవచ్చు. కథలో కీలకమైన సందర్భంలో వారిద్దరూ కనిపించి, సినిమాను ఓ స్థాయికి తీసుకెళ్లారు. ఇప్పుడలాంటి పాత్రలోనే నటసింహం బాలయ్య చేయబోతున్నారనేలా టాక్ నడిచింది. రజనీకాంత్, బాలయ్యలకు ఉన్న స్నేహం గురించి తెలియంది కాదు. టీడీపీ కార్యక్రమాల్లో కూడా రజనీకాంత్ అప్పుడప్పుడు చాలా ఉత్సాహంగా పాల్గొంటూ ఉంటారు. దీనిపై ఆ మధ్య పెద్ద రచ్చ కూడా అయింది. సరే ఆ రాజకీయాలు ఇప్పుడెందుకులే కానీ, బాలయ్య విషయానికి వస్తే.. ఈ సీక్వెల్‌లో బాలయ్య నటించడం లేదట. బాలయ్య స్థానంలో విలక్షణ నటుడు విజయ్ సేతుపతి (Vijay Sethupathi)ని అనుకుంటున్నట్లుగా తాజాగా సినీ సర్కిల్స్‌లో వార్తలు మొదలయ్యాయి.

Also Read- Harshaali Malhotra: తెలుగులో ఇష్టమైన హీరోలు ఎవరంటే..? ‘బజరంగీ భాయిజాన్’ ఫేమ్ చెప్పిన పేర్లు ఇవే!

క్లారిటీ ఎప్పుడొస్తుందో..?

‘జైలర్’ చిత్ర ప్రమోషన్స్‌లో కన్నడ, మలయాళ ఇండస్ట్రీ నటులను తీసుకున్నారు కానీ, టాలీవుడ్‌లో మీకు ఎవరు కనిపించలేదా? అనే ప్రశ్న దర్శకుడు నెల్సన్‌ (Nelson Dilipkumar)కు ఎదురైనప్పుడు.. మొదటగా ఓ పాత్రకు బాలకృష్ణనే అనుకున్నట్లుగా ఆయన చెప్పుకొచ్చారు. కానీ, ఆయనకు సరిపడా పాత్రను సృష్టించలేకపోవడంతో బాలకృష్ణను సంప్రదించలేదని చెప్పుకొచ్చాడు. కానీ, పార్ట్ 2 అనౌన్స్ అయినప్పటి నుంచి బాలయ్య ఇందులో నటించబోతున్నట్లుగా వార్తలు వైరల్ అవుతూనే ఉన్నాయి. కానీ, ఈసారి కూడా నెల్సన్ బాలయ్యని కాదని, విజయ్ సేతుపతిని తీసుకుంటున్నట్లుగా టాక్ నడుస్తుంది. అయితే ఇప్పటి వరకు దీనిపై అధికారిక ప్రకటన మాత్రం రాలేదు. ప్రస్తుతం ఎటువంటి అప్డేట్‌ని ఇవ్వకుండా కామ్‌గా షూటింగ్ చేస్తున్నాడు నెల్సన్. మరి ఈ వార్తలపై క్లారిటీ ఎప్పటికి వస్తుందో చూడాలి.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు

Just In

01

Balakrishna: బోయపాటి నోటి వెంట చిరు, ప్రభాస్ పేరు.. హర్టయిన బాలయ్య!

Tollywood: రషా తడానీ, హర్షాలి.. నెక్ట్స్ టాలీవుడ్‌ను ఊపేసే భామలు వీరేనా?

Sahakutumbanam: తన ఫ్రెండ్ చనిపోతే.. ఆసక్తికర విషయం చెప్పిన బుచ్చిబాబు సానా!

Jailer 2: ‘జైలర్ 2’లో గెస్ట్ రెల్ చేసేది బాలయ్య కాదట.. ఎవరంటే?

Bhartha Mahasayulaku Wignyapthi: కలర్‌ఫుల్‌గా ఫస్ట్ సింగిల్.. సాంగ్ ప్రోమో చూశారా?