Mana Shankara Vara Prasad Garu: మెగాస్టార్ చిరంజీవి (Megastar Chiranjeevi) మోస్ట్ ఎవైటెడ్ ఫ్యామిలీ ఎంటర్‌టైనర్ ‘మన శంకర వర ప్రసాద్ గారు’ (Mana Shankara Vara Prasad Garu) మూవీ నుంచి బ్లాస్టింగ్ అప్డేట్ వచ్చేసింది. హిట్ మెషిన్ అనిల్ రావిపూడి (Anil Ravipudi) దర్శకత్వంలో రూపుదిద్దుకుంటున్న ఈ సినిమా నుంచి ఇప్పటికే వచ్చిన ‘మీసాల పిల్ల’ సాంగ్ 72 మిలియన్లకు పైగా వ్యూస్‌ని రాబట్టి.. చార్ట్ బస్టర్ లిస్‌లో చేరి ఇప్పటికే హ్యుజ్ బజ్ క్రియేట్ చేసింది. లేడీ సూపర్ స్టార్ నయనతార (Nayanthara) ఈ చిత్రంలో మెగాస్టార్ చిరంజీవి సరసన హీరోయిన్‌గా నటిస్తున్నారు. కేథరీన్ థ్రెసా మరో హీరోయిన్‌గా నటిస్తోంది. తాజాగా ఈ మూవీ నుంచి ఓ బ్లాస్టింగ్ అప్డేట్‌ను మేకర్స్ వదిలారు. ఈ చిత్రంలో ‘సంక్రాంతికి వస్తున్నాం’తో సాలిడ్ హిట్‌ని అందుకున్న విక్టరీ వెంకటేష్ (Victory Venkatesh) కూడా ఓ పాత్రలో కనిపించబోతున్న విషయం తెలిసిందే. రీసెంట్‌గా వెంకటేష్ ఈ సినిమా షూట్‌లో జాయిన్ అయినట్లుగా మేకర్స్ అధికారికంగా ప్రకటించారు. ఇక ఇప్పుడు వచ్చిన అప్డేట్ ఏంటంటే..

Also Read- Harshaali Malhotra: తెలుగులో ఇష్టమైన హీరోలు ఎవరంటే..? ‘బజరంగీ భాయిజాన్’ ఫేమ్ చెప్పిన పేర్లు ఇవే!

బ్లాస్టింగ్ అప్డేట్ ఇదే..

హైదరాబాద్‌లోని గచ్చిబౌలిలో చిరంజీవి, వెంకటేష్‌లపై స్టైలిష్ డ్యాన్స్ నంబర్‌ను మేకర్స్ చిత్రీకరిస్తున్నట్లుగా మేకర్స్ అధికారికంగా ప్రకటించారు. ఫస్ట్ టైమ్ చిరంజీవి, వెంకటేష్ ఒక ఉత్సాహభరితమైన, గ్రాండ్ సెలబ్రేషన్ నంబర్‌లో కలిసి అలరిస్తున్నారు. వాస్తవానికి, చిరంజీవి రీ ఎంట్రీ ఫిల్మ్‌లోనే వెంకటేష్ ఓ గెస్ట్ రోల్ చేయాల్సి ఉందట. కానీ అప్పుడు కుదరలేదు. అందుకే ఈసారి అనిల్ రావిపూడి వెంకీ‌ని కూడా ఈ సినిమాలో యాడ్ చేసి, మెగా విక్టరీ ట్రీట్ ఇవ్వబోతున్నారు. భీమ్స్ సిసిరోలియో అద్భుతమైన బీట్స్‌తో పర్ఫెక్ట్ డ్యాన్స్ నంబర్‌ని ఈ స్టార్స్ కోసం కంపోజ్ చేసినట్లుగా తెలుస్తోంది. ఈ పాటలో 500 మందికి పైగా డ్యాన్సర్లు పాల్గొంటున్నారని, ఈ పాటలో సెట్‌ని కలర్, రిథమ్, వైబ్‌ల కార్నివాల్‌గా మార్చారని, ఇద్దరు స్టార్‌ల కెమిస్ట్రీ, ఎనర్జీ ప్రేక్షకులను, అభిమానులను ఫుల్‌గా ఎంటర్‌టైన్ చేయనుందని.. ఈ అప్డేట్‌ని మేకర్స్ తెలియజేశారు. బ్లాక్ బస్టర్ హిట్ ‘మీసాల పిల్ల’కి కొరియోగ్రఫీ చేసిన పొలకి విజయ్ ఈ పాటకు కూడా కొరియోగ్రఫీ అందిస్తున్నారని.. చిరంజీవి, వెంకటేష్ కలసి అదరగొట్టబోతున్న ఈ సాంగ్ సంక్రాంతికి పర్ఫెక్ట్ ఫీస్ట్ కానుందని మేకర్స్ వెల్లడించారు.

Also Read- Bigg Boss Telugu 9: రీతూ- పవన్‌లను మళ్లీ టార్గెట్ చేశారుగా.. ఈ వారం ఎలిమినేటైంది ఎవరంటే?

త్వరలో మెలోడియస్ రొమాంటిక్ సాంగ్‌

ఇక ‘మీసాల పిల్ల’ బ్లాస్ట్ తర్వాత త్వరలోనే చిరంజీవి, నయనతార‌లపై చిత్రీకరించిన ఒక మెలోడియస్ రొమాంటిక్ సాంగ్‌ను విడుదల చేయడానికి చిత్రబృందం సిద్ధమవుతోందని తెలుస్తోంది. ఈ పాట రిలీజ్ వివరాలను అతి త్వరలోనే ప్రకటించనున్నారు. షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్ బ్యానర్లపై నిర్మాతలు సాహు గారపాటి, సుష్మిత కొణిదెల ఈ చిత్రాన్ని నిర్మిస్తుండగా.. శ్రీమతి అర్చన సమర్పిస్తున్నారు. ఈ సినిమా కోసం ఫ్యాన్స్, ప్రేక్షకులు ఎంతగానో వేచి చూస్తున్నారు. రాబోయే సంక్రాంతిని పురస్కరించుకుని ఈ సినిమా ప్రపంచవ్యాప్తంగా గ్రాండ్‌గా రిలీజ్ చేయనున్నారు. అందుకే సినిమాకు ట్యాగ్‌లైన్ కూడా ‘సంక్రాంతికి వస్తున్నారు’ అని ఫిక్స్ చేశారు. త్వరలోనే విడుదల తేదీని కూడా ప్రకటించనున్నారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు