Bigg Boss Telugu 9: బిగ్ బాస్ తెలుగు సీజన్ 9లో 84వ రోజు (Bigg Boss Telugu Season 9 Day 84) ఆదివారం, హోస్ట్ నాగార్జున తన టైమింగ్‌తో అందరినీ ఎంటర్‌టైన్ చేశారు. హౌస్‌మేట్స్‌తో ఆయన చేసిన ఎంటర్‌టైన్‌మెంట్‌కు సంబంధించి తాజాగా ప్రోమోస్ విడుదలయ్యాయి. ‘సండే మ్యాడ్‌నెస్’ అంటూ వచ్చిన ప్రోమోలో.. తనయుడు నాగ చైతన్య సినిమా మూవీ సాంగ్‌తో కింగ్ నాగార్జున (King Nagarjuna) ఎంట్రీ ఇచ్చారు. రావడమే సుమన్ డ్రస్‌పై ప్రశంసలు కురిపించిన నాగ్.. ఇప్పుడు మనం ఒక ఆట ఆడబోతున్నామని హౌస్‌మేట్స్‌తో చెప్పారు. ప్లాస్మా మీద 6 సెకన్ల పాటు ఒక సినిమా క్లిప్ కనిపిస్తుంది. దానిని చూసి ఏం సినిమానో కనిపెట్టాలని హౌస్‌మేట్స్‌కి సూచించారు. ఇమ్మానుయేల్ ‘జల్సా’ మూవీని, రీతూ ‘మన్మథుడు’ మూవీని, కళ్యాణ్ ‘ఎఫ్ 2’, ఇమ్మానుయేల్ ‘100 పర్సంట్ లవ్’ అని క్లిప్స్ చూసి చెప్పేశారు. ఇక లాస్ట్ వీక్ బెస్ట్ మూమెంట్ ఏంటో చెప్పనా భరణి? అంటూ ఓ వీడియోని నాగ్ ప్లే చేయించారు. అందులో రీతూ, భరణి డ్యాన్స్ చేస్తుంటే.. పైన చొక్కా లేకుండా ఇమ్ము వచ్చి డ్యాన్స్ చేస్తున్నాడు. ఈ వీడియో చూసి అందరూ హాయిగా నవ్వుకుంటున్నారు.

Also Read- Balakrishna: ‘నన్నే అంటి పెట్టుకున్నారు’.. బాలయ్య భార్య మాటలు హరికృష్ణను ఉద్దేశించా.. లేక?

ఇమ్ము మల్టీ టాలెంట్..

హౌస్ మోడ్ అంటూ వచ్చిన రెండో ప్రోమోలో.. ‘ఈ హౌస్‌లో ఎవరైతే ఉండటం కరెక్ట్ కాదో.. వాళ్ల బొమ్మ తీసి డస్ట్ బిన్‌లో పడేసి.. ఎందుకు అనేది వివరణ ఇవ్వాలి’ అని ఓ ట్రీ‌ని నాగ్ చూపిస్తున్నారు. ఈ ట్రీకి హౌస్‌మేట్స్ బొమ్మలు తగిలించి ఉన్నాయి. ఈ టాస్క్‌లో డిమోన్ పవన్, సుమన్ శెట్టి, తనూజ, ఇమ్మానుయేల్ వంటి వారంతా సంజనను ఆ ట్రీ నుంచి తీసేశారు. మధ్యలో సుమన్ శెట్టి.. ఫొటో తీసేసి చెప్పిన రీజన్‌కు నాగ్ కౌంటర్ వేశారు. ఇక ఇమ్ము కూడా సంజన ఫొటో తీసేయడంతో.. కొడుకే నీ ఫొటో తీసేశాడంటూ ఆమెపై కూడా నాగ్ ఓ పంచ్ పేల్చాడు. ఆ తర్వాత ఇమ్మానుయేల్ లేడీ వాయిస్‌లో పాట పాడి అందరినీ ఆశ్చర్యపరిచారు. ‘సింహారాశి’ సినిమాలోని ‘అమ్మా అని పిలిచి పిలిచి’ పాటను ఇమ్ము పాడి, అందరూ ఎమోషనల్ అయ్యేలా చేశాడు.

Also Read- Bhagyashri Borse: భాగ్యశ్రీ బోర్సేకి హిట్ పడినట్టేనా? ఐరన్ లెగ్ ఇమేజ్‌ని బీట్ చేసిందా?

ఎలిమినేటైంది ఎవరు?

‘ఎలిమినేషన్ డే’ అని వచ్చిన మూడో ప్రోమోలో.. ‘దివ్యా.. ఇప్పుడున్న 9 మంది కంటెస్టెంట్స్‌లో దేశముదురు ఎవరు?’ అని నాగ్ ప్రశ్నించగా.. సుమన్ శెట్టి అంటూ దివ్య సమాధానమిచ్చింది. కానీ బిగ్ బాస్ మాత్రం ఇమ్మూని దేశముదురుని చేసి పోస్టర్ వదిలారు. ఈ హౌస్‌లో జగదేక వీరుడు – అతిలోక సుందరి ట్యాగ్‌కు సరిపోయేది ఎవరు? అని భరణిని నాగ్ ప్రశ్నించారు. పవన్ అండ్ రీతూ అని భరణి సమాధానమిచ్చాడు. ఇక్కడ నాగ్ ఒక పంచ్ పేల్చారు. అనంతరం తనూజతో ఆ మూవీ పోస్టర్ రివీల్ చేశారు. చిన్న కరెక్షన్.. అతిచేసేసుందరి అని రాస్తే బాగుండేది అని నాగ్ ఇంకొంచెం ఫన్ యాడ్ చేశారు. ఈ హౌస్‌లో ‘గీతగోవిందం’ పోస్టర్‌కు ఎవరు సరిపోతారు? అని సుమన్ శెట్టిని నాగ్ అడిగారు. పవన్ అండ్ రీతూ అని సుమన్ చెప్పగానే.. వారిద్దరితో ఉన్న పోస్టర్ రివీలైంది. మొత్తంగా చూస్తే ఇక్కడ కూడా పవన్ – రీతూలనే టార్గెట్ చేసినట్లుగా అనిపిస్తుంది. ఈ ఫన్ టాస్క్ అనంతరం.. డైరెక్ట్‌గా ఎలిమినేషన్‌కు వెళ్లిపోయారు. ఈ వారం దివ్య, సుమన్ ఎలిమినేషన్‌లో ఉన్నారు. వీరిద్దరిలో ఎవరు ఎలిమినేట్ అయ్యారనేది ఉత్కంఠగా సాగింది. ‘సుమన్ అండ్ దివ్య.. మీ ఎదురుగా వాల్కనోస్ ఉన్నాయి. మీ పక్కన సొల్యూషన్ కనబడుతుంది. ఆ సొల్యూషన్ తీసుకుని, ఆ వాల్కనోలో పూర్తిగా పోసేయాలి. రెడ్ అయితే ఎలిమినేటెడ్.. గ్రీన్ అయితే యూ ఆర్ సేఫ్’ అని నాగ్ చెప్పారు. అయితే ఎలిమినేటైంది ఎవరనేది మాత్రం చూపించలేదు. కానీ, ఈ వారం ఓటింగ్ పర్సంటేజ్‌లో దివ్య బాగా వెనుకబడి ఉందని తెలుస్తోంది. ఆమెనే ఈ వారం ఎలిమినేట్ అయినట్లుగా సమాచారం.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు