Epaper 
Ginger Benefits: చలికాలం వచ్చిదంటే చాలు.. చాలామందికి జలుబు, దగ్గు, జ్వరం, వైరల్ ఇన్ఫెక్షన్లు తగులుగా ఇబ్బంది కలిగిస్తాయి. అలాంటి సమయంలో ఇంట్లోనే దొరికే అల్లం అని వైద్యులు చెబుతున్నారు. ప్రతిరోజు ఉదయం లేచిన వెంటనే ఖాళీ కడుపుతో ఒక చిన్న అల్లం ముక్కను నోట్లో వేసుకుని నమలడం వలన జలుబు, దగ్గు, వాంతులు, తలనొప్పి వంటి సమస్యలు తగ్గుతాయి. ఇది సహజ, సులభమైన మార్గం కాబట్టి ప్రతీ ఒక్కరు పాటించవచ్చు.
చలికాలంలో జీర్ణక్రియ మెల్లగా జరగడం వల్ల గ్యాస్, మలబద్ధకం, ఉబ్బరం, అజీర్ణం వంటి సమస్యలు ఎక్కువగా ఎదురవుతాయి. అల్లం నమలడం లేదా మరిగించిన అల్లం నీటిని తాగడం వల్ల ఈ సమస్యలకు సహజంగా ఉపశమనం లభిస్తుంది. ఒక చిన్న అల్లం ముక్కను గ్లాసు వేడి నీటిలో మరిగించి వడగట్టి తాగితే అది కాషాయం లా పనిచేస్తుంది. ఇలా తాగితే రోగనిరోధకశక్తి పెరుగుతుంది, జీర్ణ వ్యవస్థ బాగా పనిచేస్తుంది, గ్యాస్, అల్సర్ వంటి సమస్యలు తగ్గుతాయి.
అల్లం నీరు రక్తంలోని చక్కెర స్థాయిలను నియంత్రించడంలో సహాయపడటం వల్ల డయాబెటిస్ ఉన్నవారికి కూడా ఉపయోగపడుతుంది. కిడ్నీ సమస్యలతో బాధపడేవారు దీన్ని నిమ్మరసం కలిపి తాగితే మరింత మంచి ఫలితం అందుతుంది. స్త్రీల్లో పీరియడ్స్ సమయంలో వచ్చే కడుపు నొప్పులు తగ్గడం, శరీరంలో పేరుకుపోయిన కొవ్వు కరిగిపోవడం, బరువు తగ్గడం లో కూడా అల్లం సహాయపడుతుంది.
కాబట్టి వైద్యులు సూచిస్తున్నట్లే, చలికాలంలో ప్రతిరోజూ ఉదయం అల్లం నమలడం లేదా మరిగించిన అల్లం నీటిని తాగడం ఆరోగ్యాన్ని కాపాడటానికి, జీర్ణ సమస్యలు, వైరల్ ఇన్ఫెక్షన్లు, గ్యాస్, అల్సర్, బరువు సమస్యలను నివారించడానికి చాలా మంచిది.
