Mandhana Wedding: స్మృతి మంధాన పెళ్లి వాయిదా సమయంలో ఇన్‌స్టాగ్రామ్‌లో ఆసక్తికర పోస్ట్.. అసలు విషయం ఇదే..

Mandhana Wedding: భారత మహిళా క్రికెట్ జట్టు స్టార్ ప్లేయర్, వైస్ కెప్టెన్ స్మృతి మంధాన కేవలం తన ఆటతీరుతోనే కాకుండా, తన వ్యక్తిగత జీవితం కారణంగా కూడా తరచుగా వార్తల్లో నిలుస్తుంటారు. ముఖ్యంగా ప్రముఖ బాలీవుడ్ సంగీత దర్శకుడు పలాష్ ముచ్చల్‌తో ఆమెపెళ్లి కూడా కుదిరింది. పెళ్లిరోజు మంధాన తండ్రికి హార్ట్ ఎటాక్ రావడంతో పెళ్లి వాయిదా పడిన విషయం తెలిసిందే. తాజాగా వీరిద్దరి రిలేషన్ కు సంబంధించి పెళ్లి ఆగిపోయింది అని అనేక వార్తలు వచ్చాయి. ఈ వార్తల నడుమ వీరిద్దరూ షేర్ చేసిన ఒకే రకమైన ఇన్‌స్టాగ్రామ్ పోస్ట్ ఇప్పుడు ఇంటర్నెట్‌లో హాట్ టాపిక్‌గా మారింది. పెళ్లి రోజునే జరిగిన ఊహించని పరిణామాలు ఇప్పుడు ఈ వివాహాన్ని సస్పెన్స్, పుకార్ల మధ్యకు నెట్టేశాయి. నవంబర్ 23, వివాహ వేడుక రోజున, స్మృతి మంధాన తండ్రి శ్రీనివాస్ అకస్మాత్తుగా అస్వస్థతకు గురై ఆసుపత్రిలో చేరారు. ఈ సంఘటన జరిగిన మరుసటి రోజు, పలాష్ ముచ్చల్ కూడా స్మృతి స్వస్థలమైన సాంగ్లీలోని ఒక ఆసుపత్రిలో చేరారు, అనంతరం మెరుగైన చికిత్స కోసం ఆయనను ముంబైకి తరలించారు. ఈ ఆరోగ్య అత్యవసర పరిస్థితుల కారణంగా వివాహం వాయిదా పడిందని క్రికెటర్ బిజినెస్ మేనేజర్ అధికారికంగా ప్రకటించారు.

Read also-Bhagyashri Borse: భాగ్యశ్రీ బోర్సేకి హిట్ పడినట్టేనా? ఐరన్ లెగ్ ఇమేజ్‌ని బీట్ చేసిందా?

ఆరోగ్య కారణాల వల్ల వివాహం వాయిదా పడిందని అధికారిక ప్రకటన వచ్చినా, సోషల్ మీడియా వినియోగదారులలో అనుమానాలకు, చర్చలకు దారితీసిన అంశం ఏమిటంటే.. స్మృతి మంధాన తీసుకున్న నిర్ణయం. స్మృతి తన ఇన్‌స్టాగ్రామ్ ఖాతా నుండి పెళ్లికి సంబంధించిన పోస్ట్‌లు అన్నింటినీ తొలగించింది. పలాష్‌తో కలిసి దిగిన కొన్ని సాధారణ ఫోటోలు మాత్రమే ఆమె ప్రొఫైల్‌లో ఇంకా మిగిలి ఉన్నాయి. ప్రస్తుతం స్మృతి తండ్రి శ్రీనివాస్, పలాష్ ముచ్చల్ ఇద్దరూ ఆసుపత్రి నుంచి డిశ్చార్జ్ అయ్యి కోలుకుంటున్నారు. అయితే, ఇరు కుటుంబాల నుంచి కొత్త వివాహ తేదీకి సంబంధించిన ఎటువంటి ప్రకటన వెలువడకపోవడం ఈ సస్పెన్స్‌ను మరింత పెంచింది.

Read also-Love Days: ‘గీతాంజలి’, ‘తొలి ప్రేమ’, ‘అందాల రాక్షసి’ తరహాలో.. ఈసారి ప్రేమ కథతో వస్తోన్న ‘రాచరికం’ దర్శకుడు

ఈ ఊహాగానాల మధ్య, స్మృతి మంధాన, పలాష్ ముచ్చల్ తమ ఇన్‌స్టాగ్రామ్ బయోస్‌లో ఒకే రకమైన అప్‌డేట్ చేశారు. వీరిద్దరూ తమ బయోలో ‘నజర్’ (Evil Eye) ఎమోజీని ఉంచారు. అంటే, తమ బంధంపై ఎవరి దృష్టి (నజర్) తగలకుండా ఉండాలని వారు ఈ చర్య తీసుకున్నట్లుగా అభిమానులు చర్చించుకుంటున్నారు. ప్రముఖ క్రీడాకారిణి వివాహం వాయిదా పడటం, ఆ తర్వాత సోషల్ మీడియాలో పోస్టులు తొలగించడం, చివరగా ‘నజర్’ ఎమోజీని జోడించడం వంటి పరిణామాల నేపథ్యంలో, ఈ జంట గురించి కొత్త వివాహ తేదీ ప్రకటన ఎప్పుడు వస్తుందా అని అభిమానులు ఆసక్తిగా ఎదురుచూస్తున్నారు.

Smriti Mandhana and Palaash Muchhal both added Nazar (🧿) emoji in their bio …What Going On 🥴…it's just a coincidence 😯 🫡#ViratKohli𓃵 #SmritiMandhana #PalaashMuchhal #Cricket #WPL2026 #ViratKohli #RohitSharma pic.twitter.com/q7ENiC2lmH

— Just Shiva (@ShivaTi99) November 28, 2025