Mahesh Kumar Goud: స్థానిక సంస్థల్లో ఆ పార్టీకి లీడర్లు దొరకడం లేదు : పీసీసీ చీఫ్ మహేష్ కుమార్ గౌడ్!

Mahesh Kumar Goud: బీసీ రిజర్వేషన్లు 42 శాతాన్ని అడ్డుకున్నందుకు బీజేపీ, బీఆర్ఎస్ పార్టీలను నిలదీయాలని పీసీసీ చీఫ్​మహేష్​ కుమార్ గౌడ్ (Mahesh Kumar Goud) కోరారు. ఆయన గాంధీభవన్ లో మాట్లాడుతూ బీసీ ల నోటి కాడ ముద్దను ఆ రెండు పార్టీలు కలిసి లాక్కున్నాయన్నారు. రాష్ట్ర వ్యాప్తంగా ఆ రెండు పార్టీలను నిలదీయాల్సిన అవసరం ఉన్నదని నొక్కి చెప్పారు. ఇప్పటికే బీఆర్ ఎస్ పార్టీ తన ఉనికిని కోల్పోయిందని, అందుకే బీఆర్ ఎస్ మరో కొత్త డ్రామాకు తెరలేపిందన్నారు. దీక్ష దివాస్’ పేరిట ప్రజలను మోసం చేయడానికి బీఆర్ఎస్ సిద్ధమైందన్నారు. కేసీఆర్ బయటికి వస్తే ప్రజలు అసహ్యించుకునే పరిస్థితి ఏర్పడిందన్నారు. రెండేళ్ల ప్రజాపాలన అభివృద్ధి పై చర్చకు తాము సిద్ధమని, దమ్ముంటే బీఆర్ఎస్( Brs)  నాయకులు ముందుకు రావాలని కోరారు. బీఆర్ఎస్ ముగిసిన శకం అని కేసీఆర్ స్వయంగా అర్థం చేసుకున్నారని వెల్లడించారు.

Also Read: Mahesh Kumar Goud: తన రాజకీయ గురువు ఎవరో చెప్పిన టీపీసీసీ అధ్యక్షుడు మహేష్ కుమార్ గౌడ్

దొంగ దీక్ష

అమరుల శవాలపై కేసీఆర్ అధికారం అనుభవించారని మండిపడ్డారు. 2009లో కేసీఆర్ (KCR)  చేసిన దీక్ష పూర్తిగా నాటకమని, కేసీఆర్ దీక్ష వల్ల తెలంగాణ రాలేదన్నారు. సోనియా గాంధీ వలనే తెలంగాణ వచ్చిందన్నారు. ‘రాష్ట్రం కోసం దీక్ష చేస్తున్నా’ అని చెప్పి నిమ్స్‌లో ఫ్లూయిడ్స్ తీసుకున్నారన్నారు. దీనికి సంబంధించిన ఆధారాలు ఉన్నాయని, కేటీఆర్ (KTR) ఒక్కసారి చదవాలని సూచించారు. బీఆర్ఎస్ (BRS)  నేతలకు చిత్తశుద్ధి ఉంటే ముందుగా ఉద్యమంలో ప్రాణాలు అర్పించిన అమరులకు నివాళులు అర్పించాలన్నారు. పార్లమెంట్, జూబ్లీహిల్స్, ఉపఎన్నికల మాదిరిగా స్థానిక సంస్థల ఎన్నికల్లో కూడా బీఆర్ఎస్ గల్లంతు కావడం ఖాయమని చెప్పారు. ఈ కార్యక్రమంలో గ్రంథాలయ చైర్మన్ డాక్టర్ రియాజ్ తదితరులు పాల్గొన్నారు.

Also Read: Mahesh Kumar Goud: స్థానిక సంస్థల్లో గెలిస్తేనే మైలేజ్.. ప్రతిష్టాత్మకంగా తీసుకోవాల్సిందే : పీసీసీ చీఫ్​ ఆదేశాలు