Epaper 
Saree Colour Politics: కాదేది రాజకీయాలకు అనర్హం అనే విధంగా ప్రస్తుత తెలుగు రాష్ట్రాల పాలిటిక్స్ మారిపోయాయి. రాజకీయాల్లో ఒకప్పుడు విమర్శలు అనేవి చాలా హుందాగా ఉండేవి. విధానపరంగా, పాలసీల పరంగా అధికార, విపక్ష పార్టీల నేతలు ఒకరినొకరు విమర్శించుకునే వారు. కానీ ప్రస్తుతం అలాంటి పరిస్థితులు కనిపించడలేదు. కొందరు నేతలు స్థాయి మరిచి వ్యక్తిగత దూషణలకు సైతం దిగుతుండటాన్ని వార్తల్లో చూస్తూనే ఉన్నాం. ఆఖరికి మహిళా నేతలు ధరించే వస్త్రాలపై కూడా రాజకీయాలు చేసే దుస్థితికి రాజకీయాలు దిగజారడపట్ల విశ్లేషకులు ఆందోళన వ్యక్తం చేస్తున్నారు. గతంలో షర్మిల ధరించిన చీర చుట్టూ వివాదం చెలరేగగా.. తాజాగా కవితను సైతం పొలిటికల్ గా కొందరు టార్గెట్ చేస్తున్నారు.
కవిత చీరపై ఏంటీ వివాదం!
బుధవారం (నవంబర్ 26) ప్రజాభవన్ లో జరిగిన తెలంగాణ ఉపముఖ్యమంత్రి భట్టి విక్రమార్క కుమారుడి నిశ్చితార్థ వేడుకలకు కవిత హాజరయ్యారు. భర్త దేవనపల్లి అనిల్ కుమార్ తో కలిసి కవిత వేడుకల్లో పాల్గొన్నారు. అయితే ఆమె ధరించిన చీర.. ప్రస్తుతం తెలంగాణ రాజకీయాల్లో హాట్ టాపిక్ గా మారింది. తెలుపు రంగులో కనిపించే ఆకుపచ్చ, ఎరుపు రంగున్న అంచు చీరను కవిత ధరించడం చర్చనీయాంశంగా మారింది. ఆమె ధరించిన చీర కాంగ్రెస్ పార్టీని సూచిస్తోందంటూ పలువురు సోషల్ మీడియా వేదికగా ఆరోపిస్తున్నారు.
అభ్యంతరకరమైన విమర్శలు
బీజేపీ, బీఆర్ఎస్ శ్రేణులు సోషల్ మీడియా వేదికగా కవితను పెద్ద ఎత్తున టార్గెట్ చేస్తున్నట్లు జాగృతి వర్గాలు ఆరోపిస్తున్నాయి. కవిత చీరపై అభ్యంతరకర చర్చ లేవనెత్తుతున్నాయని మండిపడుతున్నాయి. కవిత కాంగ్రెస్ లో చేరబోతున్నారని, తన చీర ద్వారా ఈ విషయాన్ని చెప్పకనే చెప్పారని అసత్య ప్రచారాలను వ్యాప్తి చేస్తున్నారని ఆగ్రహం వ్యక్తం చేశాయి. తమ నేతలను పదే పదే టార్గెట్ చేస్తున్న కవితను నేరుగా ఎదుర్కొలేక ఇలా చీర పేరుతో బీఆర్ఎస్, బీజేపీ శ్రేణులు దూషణలకు దిగుతున్నారని కవిత మద్దతుదారులు మండిపడుతున్నారు. దిగజారుడు రాజకీయాలకు ఇది పరాకష్ట అంటూ నెట్టింట విరుచుకుపడుతున్నారు. ఆడబిడ్డల జోలికి వచ్చేముందు మీ సంస్కారం ఏంటో ఒకసారి చూసుకోవాలని సూచిస్తున్నారు.
కాంగ్రెస్ అంటే ఎంత అభిమానం ఉంటే మూడు రంగుల చీర కట్టుకొని కాంగ్రెస్ నేత డిప్యూటీ సీఎం ఫంక్షన్ కి వెళ్ళాలి ఫ్యామిలీ తో కలిసి!! ఆంధ్రాలో అన్నయ్య తరిమేస్తే షర్మిల అక్క కూడా కాంగ్రెస్ తెలంగాణలో కవితక్క వాళ్ళ అన్నయ తరిమేస్తే ఆమె కాంగ్రెస్ దిక్కులేని వాళ్లకు కాంగ్రెస్ దిక్కు 🤣 pic.twitter.com/eaTsVMDeeu
— Sameer.. Shaikh (@BismillahSamee2) November 27, 2025
ఆడబిడ్డ అలంకరణ ఆమె హక్కు..విమర్శించే హక్కు ఎవరికీ లేదు…
రాజకీయంగా ఎదుర్కోవడానికి దమ్ము లేక,ఒక మహిళ చీర రంగులపై ఏడుస్తున్నారా ? మీ రాజకీయ దిగజారుడుతనానికి ఇది పరాకాష్ట. ఆడబిడ్డల జోలికి వచ్చేముందు మీ సంస్కారం ఏంటో ఒక్కసారి అద్దంలో చూసుకోండి.#Kavitha @RaoKavitha pic.twitter.com/nJV3PSYD8D— Munna_Bablu (@MUNNA_2496) November 27, 2025
Also Read: Venkaiah Naidu: ఫ్రీ బస్సు కావాలని మహిళలు అడిగారా? వెంకయ్య నాయుడు సంచలన వ్యాఖ్యలు
గతంలో షర్మిలకు సైతం
గతంలో షర్మిల చీర చుట్టూ కూడా ఇలాంటి రాజకీయ వివాదమే చోటుచేసుకుంది. అప్పట్లో కుమారుడి వివాహానికి ఆహ్వానించేందుకు షర్మిల పసుపు పచ్చ చీరలో చంద్రబాబు ఇంటికి వెళ్లారు. దీనిపై వైసీపీ శ్రేణులు పెద్ద ఎత్తున సోషల్ మీడియా వేదికగా విమర్శలు గుప్పించాయి. ఏకంగా వైఎస్ జగన్ సైతం షర్మిల ధరించిన దుస్తుల గురించి ప్రస్తావించారు. దీనికి షర్మిల సైతం ఘాటుగా కౌంటర్ ఇవ్వడం అప్పట్లో ఏపీ రాజకీయాల్లో హాట్ టాపిక్ గా మారింది. ఇన్నాళ్ల తర్వాత కవితకు కూడా షర్మిల పరిస్థితే ఎదురుకావడం పట్ల రాజకీయ నిపుణులు ఆశ్చర్యం వ్యక్తం చేస్తున్నారు.
