Pradeep Ranganathan: ప్రదీప్ రంగనాధన్ ‘లవ్ ఇన్సూరెన్స్ కంపెనీ’ నుంచి సెకండ్ సింగిల్ ఎప్పుడంటే?..

Pradeep Ranganathan: ‘లవ్ టుడే’ వంటి బ్లాక్‌బస్టర్ సినిమాతో యువతలో మంచి ఫాలోయింగ్ సంపాదించుకున్న నటుడు ప్రదీప్ రంగనాధన్, ప్రస్తుతం తన తదుపరి చిత్రం ‘లవ్ ఇన్సూరెన్స్ కంపెనీ’ (LIK)తో ప్రేక్షకుల ముందుకు రావడానికి సిద్ధమవుతున్నారు. ఈ సైన్స్ ఫిక్షన్ రొమాంటిక్ కామెడీ సినిమాకి ప్రముఖ దర్శకుడు విఘ్నేష్ శివన్ దర్శకత్వం వహిస్తున్నారు. ఈ చిత్రం నుండి ఇప్పటికే విడుదలైన మొదటి సింగిల్ సంగీత ప్రియులను ఆకట్టుకోగా, ఇప్పుడు రెండో సింగిల్ విడుదల తేదీని చిత్ర యూనిట్ ప్రకటించింది. నవంబర్ 27వ తేదీ సాయంత్రం 5 గంటలకు ‘లవ్ ఇన్సూరెన్స్ కంపెనీ’ నుంచి రెండో పాటను విడుదల చేయనున్నట్టు చిత్ర బృందం అధికారికంగా ప్రకటించింది. ఈ వార్త ప్రదీప్ రంగనాధన్, సంగీత దర్శకుడు అనిరుధ్ రవిచందర్ అభిమానుల్లో ఉత్సాహాన్ని పెంచింది.

Read also-Vijay Deverakonda: సత్యసాయి బాబాతో తన చిన్ననాటి జ్ఞాపకాలు పంచుకున్న విజయ్ దేవరకొండ.. ఫోటో వైరల్..

పాట కోసం..

ఈ రెండో సింగిల్‌కు ‘పట్టుమా‘ (Pattuma) అనే పేరు పెట్టినట్టు తెలుస్తోంది. అనిరుధ్ రవిచందర్ సంగీతంలో రాబోతున్న ఈ పాట, మొదటి సింగిల్ ‘ధీమా’ కంటే మరింత ప్రత్యేకంగా ఉండబోతుందని ఫ్యాన్స్ భావిస్తున్నారు. అనిరుధ్, విఘ్నేష్ శివన్ కాంబినేషన్ అంటేనే ఎప్పుడూ ట్రెండింగ్‌గా ఉండే పాటలకు చిరునామా. వీరి మునుపటి చిత్రాల్లోని పాటలు ఎంత పెద్ద హిట్టయ్యాయో తెలిసిందే. ఈ క్రమంలో ‘పట్టుమా‘ పాటపై కూడా భారీ అంచనాలు నెలకొన్నాయి.

Read also-VrushaKarma Movie: నాగచైతన్య ‘NC24’ టైటిల్ వచ్చేసింది.. ఏం పవర్ ఉంది గురూ టైటిల్..

సినిమా విశేషాలు

‘లవ్ ఇన్సూరెన్స్ కంపెనీ’ కథాంశం 2040వ సంవత్సరం నేపథ్యంలో సాగే సైన్స్ ఫిక్షన్ రొమాంటిక్ కామెడీ. ఈ చిత్రంలో ప్రదీప్ రంగనాధన్ సరసన కృతి శెట్టి కథానాయికగా నటిస్తున్నారు. అలాగే, ఎస్.జె. సూర్య, యోగి బాబు, గౌరీ కిషన్ వంటి ప్రముఖ నటీనటులు ముఖ్యపాత్రలు పోషిస్తున్నారు. లేడీ సూపర్ స్టార్ నయనతార, లలిత్ కుమార్ సంయుక్తంగా ఈ చిత్రాన్ని నిర్మిస్తున్నారు. ప్రస్తుతానికి పోస్ట్-ప్రొడక్షన్ పనులు చకచకా జరుపుకుంటున్న ఈ చిత్రం, డిసెంబర్ 18, 2025న థియేటర్లలో గ్రాండ్‌గా విడుదల కావడానికి సిద్ధమవుతోంది. ఈ పాట విడుదల తర్వాత సినిమా ప్రమోషన్స్ మరింత వేగవంతం కానున్నాయి. ‘లవ్ టుడే’ తర్వాత ప్రదీప్ రంగనాధన్ చేస్తున్న ఈ చిత్రం కోసం తెలుగు ప్రేక్షకులు కూడా ఎంతో ఆసక్తిగా ఎదురుచూస్తున్నారు. నవంబర్ 27న విడుదల కానున్న ‘పట్టుమా‘ పాట, ‘LIK’ చిత్రంపై ఉన్న అంచనాలను మరింత పెంచడం ఖాయం. ఇప్పటికే వరుస సినిమాలు వంద కోట్ల క్లబ్ లో చేరడంతో ఈసినిమా కూడా అదే తరహాలో వందకోట్ల మార్కెట్ చేస్తుందని అభిమానులు ఆశిస్తున్నారు.

#Pattuma 🥰🩷

LIK’s Second Punch from 2️⃣7️⃣th November at 6 PM 💫💓

ARE WE READYYYYYY. 🥳@anirudhofficial @VigneshShivN@pradeeponelife @IamKrithiShetty@iam_SJSuryah @Rowdy_Pictures@7screenstudio #LIKonSonyMusic #LoveInsuranceKompany pic.twitter.com/U9RoDB45T2

— Sony Music South India (@SonyMusicSouth) November 23, 2025