Vijay Deverakonda: బాబాతో ఉన్న జ్ఞాపకాలు పంచుకున్న విజయ్..

Vijay Deverakonda: ప్రముఖ టాలీవుడ్ నటుడు విజయ్ దేవరకొండ, భగవాన్ శ్రీ సత్యసాయి బాబా శత జయంతి సందర్భంగా తన చిన్ననాటి జ్ఞాపకాలు పంచుకున్నారు. విజయ్ దేవరకొండ సత్య సాయి బాబాతో ఉన్న తన అనుబంధాన్ని గుర్తు చేసుకున్నారు. ప్రస్తుతం దీనికి ఈ సందేశం అందరి దృష్టిని ఆకర్షిస్తున్నాయి. సత్యసాయి విద్యాలయంలో చదువుకున్న విజయ్ దేవరకొండ, బాబా తమ జీవితంపై చూపిన ప్రభావం, ఆయన ఆశయాలను గురించి ఎంతో భావోద్వేగంగా రాశారు. విజయ్ దేవరకొండ షేర్ చేసిన పోస్ట్‌లో.. “హ్యాపీ బర్త్‌డే స్వామి” అంటూ బాబాకు తన హృదయపూర్వక శుభాకాంక్షలు తెలిపారు. తనకు ‘విజయ్ సాయి’ అనే పేరు పెట్టింది సాయిబాబాయేనని, ఆ పేరుకు తగ్గట్టుగా జీవించేందుకు తాను ప్రతిరోజూ కృషి చేస్తానని పేర్కొన్నారు. బాబా తమకు ప్రపంచానికి దూరంగా, సురక్షితమైన వాతావరణాన్ని కల్పించారని, అక్కడ విద్యను అభ్యసించడం, ఎన్నో మధుర జ్ఞాపకాలు పంచుకోవడం జరిగిందని గుర్తు చేసుకున్నారు.

సేవా స్ఫూర్తి..

“మంచి సమయాల్లోనూ, చెడు సమయాల్లోనూ మేమంతా మిమ్మల్ని ప్రతిరోజూ గుర్తు చేసుకుంటాం. మీకు ధన్యవాదాలు. అవసరంలో ఉన్నప్పుడు మేము ఎంతో స్వీకరించాం, మా జీవితాల్లో అది ఎంతటి మార్పు తీసుకువచ్చిందో మాకు తెలుసు. అందుకే, మాకు చేతనైనంతగా ప్రపంచానికి ఇవ్వాలనే దృక్పథాన్ని మీరే మాలో నింపారు,” అని విజయ్ దేవరకొండ సత్యసాయి బాబా బోధనల గొప్పతనాన్ని చాటిచెప్పారు. బాబా తమ జీవితానికి ఒక మార్గదర్శిగా నిలిచారని, ఆయన ఆశయాలు తమపై చెరగని ముద్ర వేశాయని తెలిపారు. “మీరు ఎప్పటికీ జీవించే ఉంటారు,” అంటూ తమ గురువు పట్ల ఉన్న అపారమైన గౌరవాన్ని, ప్రేమాభిమానాలను తెలియజేశారు. తన చిన్ననాటి ఫోటోను కూడా పంచుకోవడంతో, అభిమానులు, భక్తులు ఆ పోస్ట్‌కు తమ ప్రశంసలను, భక్తిని కామెంట్ల రూపంలో తెలియజేస్తున్నారు.

శత జయంతి వేడుకలు..

శ్రీ సత్యసాయి బాబా శత జయంతి వేడుకలు పుట్టపర్తితో పాటు ప్రపంచవ్యాప్తంగా అంగరంగ వైభవంగా జరుగుతున్నాయి. దేశ, విదేశాల నుంచి పెద్ద సంఖ్యలో భక్తులు హాజరై, సత్యసాయి మహాసమాధిని దర్శించుకుంటున్నారు. విద్య, వైద్యం, సేవా రంగాలలో బాబా చేసిన కృషిని గుర్తు చేసుకుంటూ, ఆయన ఆశయాలను ముందుకు తీసుకెళ్లేందుకు ప్రతిజ్ఞ చేస్తున్నారు. సత్యసాయి బాబా ఆశీస్సులు ఎల్లప్పుడూ తనపై ఉంటాయని నమ్మే విజయ్ దేవరకొండ, ఈ ప్రత్యేక సందర్భాన్ని పురస్కరించుకుని ఆయనకు తన హృదయపూర్వక నివాళిని, కృతజ్ఞతలను తెలియజేయడం భక్తులందరినీ ఆకట్టుకుంది. ఇటీవల ఈ శత జయంతి ఉత్సవాలకు ప్రధాని మోదీ కూడా హాజరయ్యారు. తాజాగా నేడు ఇరు తెలగు రాష్ట్రాల మఖ్య మంత్రలు కూడా హాజరయ్యారు.

Happy Birthday Swami ❤️

You gave me my name “Vijay Sai” when i was months old – a name that i work to live upto everyday.

You gave us a safe environment, away from the world, where we got our education and made so many memories.

We all always think about you everyday, more so… pic.twitter.com/gTnAltkHiO

— Vijay Deverakonda (@TheDeverakonda) November 23, 2025