Andhra King Taluka Trailer: రామ్ పోతినేని ‘ఆంధ్ర కింగ్ తాలూకా’ ట్రైలర్ వచ్చేసింది.. ఓ లుక్కేయండి..

Andhra King Taluka Trailer: ఎనర్జిటిక్ స్టార్ రామ్ పోతినేని కథానాయకుడిగా తెరకెక్కుతున్న చిత్రం’ఆంధ్ర కింగ్ తాలూకా’ (Andhra King Taluka). తాజాగా ఈ సినిమా నుంచి ట్రైలర్ విడుదలైంది. మహేష్ బాబు పచ్చిగొల్ల దర్శకత్వంలో మైత్రీ మూవీ మేకర్స్ అత్యంత ప్రతిష్టాత్మకంగా నిర్మిస్తున్న ఈ చిత్రం, ఒక అభిమాని బయోపిక్ అనే కొత్త కాన్సెప్ట్‌తో ప్రేక్షకుల్లో భారీ అంచనాలను పెంచింది. తాజాగా కర్నూలులో అభిమానుల సమక్షంలో జరిగిన అద్భుతమైన ఈవెంట్‌లో ఈ ట్రైలర్‌ను విడుదల చేశారు, ఇది సినిమాపై ఉన్న అంచనాలను రెట్టింపు చేసింది.

Read also-Akhanda 2 second single: బాలయ్య బాబు ‘అఖండా 2’ నుంచి మరో సింగిల్.. స్టెప్పులు మామూలుగా లేవుగా..

ట్రైలర్ చూస్తుంటే.. రామ్ పోతినేని ‘సాగర్’ అనే వీరాభిమాని పాత్రలో ఒదిగిపోయినట్లు స్పష్టమవుతోంది. ‘ఆంధ్ర కింగ్’ సూర్య కుమార్ అనే సూపర్ స్టార్ పాత్రలో కన్నడ నటుడు ఉపేంద్ర నటించారు. సూర్య కుమార్ అంటే సాగర్‌కి ఎంత పిచ్చి, అతని జీవితంలో ఆ అభిమానం ఎలాంటి మలుపులు తిప్పింది అనేదే ఈ సినిమా ప్రధాన కథాంశం అని అర్థమవుతోంది. ట్రైలర్‌లో రామ్ పోతినేని తనదైన ఎనర్జీతో అదరగొట్టాడు. ముఖ్యంగా యాక్షన్ సన్నివేశాల్లో, డ్యాన్స్‌లలో రామ్ చురుకుదనం అభిమానులకు పండగే. ఉపేంద్ర పాత్ర కూడా చాలా పవర్ఫుల్‌గా కనిపిస్తోంది. హీరోయిన్ భాగ్యశ్రీ బోర్సే గ్లామర్, రావు రమేష్, మురళీ శర్మ, రాహుల్ రామకృష్ణ వంటి అనుభవజ్ఞులైన నటుల సపోర్టింగ్ క్యాస్ట్ సినిమాకి బలాన్ని చేకూర్చేలా ఉన్నాయి.

Read also-Immadhi Ravi arrest: నేరాన్ని అంగీకరించిన ఐ బొమ్మ రవి.. అమీర్‌పేట డొమైన్ వల్లే దొరికాడా!

వివేక్-మర్వీన్ అందించిన సంగీతం ఇప్పటికే విడుదలైన పాటలతో మంచి స్పందనను పొందగా, ట్రైలర్‌లోని నేపథ్య సంగీతం కూడా చాలా ఆకర్షణీయంగా ఉంది. సిద్ధార్థ్ నూని సినిమాటోగ్రఫీ, అవినాష్ కొల్లా ప్రొడక్షన్ డిజైన్ వంటి సాంకేతిక విభాగాలు సినిమా నిర్మాణ విలువలు ఉన్నత స్థాయిలో ఉన్నాయని తెలుపుతున్నాయి. సాధారణంగా సినిమాల్లో హీరోను అభిమానించే పాత్రలు ఉన్నప్పటికీ, కేవలం అభిమాని జీవితాన్ని ప్రధానంగా తీసుకుని తెరకెక్కించిన ఈ బయోపిక్ కాన్సెప్ట్ తెలుగు సినిమాకు కొత్తదనం. అభిమాని ఎమోషన్స్‌ను, అతని కలలను, ఆరాధనను ఈ ట్రైలర్ శక్తివంతంగా చూపించింది. ‘ఫస్ట్ డే ఫస్ట్ షో’ పాటలో రామ్ వేసిన స్టెప్పులు ఇప్పటికే వైరల్ కాగా, సినిమాలో ఫ్యాన్స్ ఎలిమెంట్స్ హైలైట్‌గా నిలిచే అవకాశం ఉంది. ‘ఆంధ్ర కింగ్ తాలూకా’ ట్రైలర్ సినిమా కథపై, ముఖ్య పాత్రల ప్రదర్శనపై ఆసక్తిని పెంచింది. ఈ చిత్రం నవంబర్ 27న ప్రపంచవ్యాప్తంగా విడుదల కానుంది. రామ్ పోతినేని కెరీర్‌లో ఈ కొత్త ప్రయత్నం ఎలాంటి విజయాన్ని అందిస్తుందో చూడాలి. ట్రైలర్ సృష్టించిన ఈ హైప్‌తో సినిమా బ్లాక్‌బస్టర్ అయ్యే అవకాశాలు పుష్కలంగా ఉన్నాయని సినీ వర్గాలు భావిస్తున్నాయి.