Epaper 
Mega concert 2025: మ్యూజిక్ మాస్ట్రో ఏఆర్ రెహమాన్ ఎనిమిదేళ్ల తర్వాత హైదరాబాద్ లో మరో కాన్సర్ట్ చేయడానికి రెడీ అయ్యారు. నవంబర్ 8, 2025న రామోజీ ఫిల్మ్ సిటీలో నిర్వహించబడే “ది వండర్మెంట్ టూర్” కాన్సర్ట్, కేవలం రెహమాన్ హిట్లతో మాత్రమే కాకుండా, రామ్ చరణ్ స్టారర్ “పెద్ది” సినిమా మొదటి సింగిల్ “ప్రేమ ప్రయాణం” లైవ్ లాంచ్తో కలిసి చరిత్ర సృష్టించనుంది. ఈ డబుల్ డోస్ ఈవెంట్, హైదరాబాద్ను మ్యూజిక్ మరియు సినిమా ప్రేమికులకు అనుపమమైన రాత్రిగా మలిచిపోవడానికి రెడీ అవుతోంది. 2017లో 25,000 మంది ఫ్యాన్స్ “మా తుజ్హే సలామ్”తో వణికించిన ఆ రాత్రి గుర్తుంచుకుంటే, ఈసారి మరింత గ్రాండ్ అవుతుందనడంలో సందేహం లేదు.
Readalso-Prasanth Varma: ప్రశాంత్ వర్మకు అడ్వాన్స్ ఇవ్వడంపై క్లారిటీ ఇచ్చిన డీవీవీ ఎంటర్టైన్మెంట్స్..
ఏఆర్ రెహమాన్ తన “ది వండర్మెంట్ టూర్” లో భాగంగా ఈ కాన్సర్ట్ ను నిర్వహిస్తున్నారు. నవంబర్ 8న సాయంత్రం 7 గంటలకు రామోజీ ఫిల్మ్ సిటీలో ఈ కాన్సర్ట్ ప్రారంభం అవుతుందని సమాచారం. మూడు గంటల పాటు టెలుగు హిందీ పాటల మిక్స్తో ఫ్యాన్స్ను మంత్రముగ్ధులను చేస్తుంది. కట్టింగ్-ఎడ్జ్ విజువల్స్, గ్రౌండ్బ్రేకింగ్ స్టేజ్ డిజైన్ మరియు రెహమాన్ సొంతమైన సోల్-స్టరింగ్ ట్యూన్స్తో, ఇది కేవలం కాన్సర్ట్ కాదు – భావోద్వేగాలు కల్పితాల సమ్మేళనం.సెట్లిస్ట్లో రెహమాన్ ఐకానిక్ హిట్లు ఉంటాయని అధికారికంగా ప్రకటించారు. “రోజా”, “బాంబే”, “దిల్ సే”, “లగాన్” నుంచి లేటెస్ట్ వర్క్స్ వరకు అన్ని ట్రాక్స్ అక్కడ లైవ్ లో ప్లే అవుతాయిని సమాచారం. ఇంతకు ముందు ఈ షో హైదరాబాద్ స్పెషల్గా, 2017 లో జరిగింది.
ఇదే ఈవెంట్ లో గ్లోబల్ స్టార్ రామ్ చరణ్ హీరోగా వస్తున్న పెద్ది సినిమా నుంచి ఫస్ట్ సింగిల్ విడుదల కానుంది. దీని కోసం అభిమానులు ఆసక్తిగా ఎదురు చూస్తున్నారు. ఈ సాంగ్ రిలీజ్ ఈ కాన్సర్ట్కు మరింత ఎక్సైట్మెంట్ జోడించింది. రామ్ చరణ్ హీరోగా, జాన్వీ కపూర్ హీరోయిన్గా తెరకెక్కుతున్న “పెద్ది” సినిమా మొదటి సింగిల్ ఎక్స్క్లూసివ్ లాంచ్ అక్కడ పెద్ద పండగలా జరగనుంది. డైరెక్టర్ బుచ్చి బాబు సనా దర్శకత్వంలో, మిథ్రి మూవీ మేకర్స్ ప్రొడక్షన్లో రూపొందుతున్న ఈ రూరల్ స్పోర్ట్స్ యాక్షన్ డ్రామా, ఏఆర్ రెహమాన్ మ్యూజిక్ డైరెక్టర్గా మెరుగుపరుస్తున్నారు. శివ రాజ్కుమార్, జగపతి బాబు, దివ్యేందు మొదలైనవారు ప్రముఖ పాత్రలు పోషిస్తున్నారు. సినిమా మార్చి 27, 2026న ప్రపంచ వ్యాప్తంగా విడుదల చేసేందుకు సిద్దం అవుతున్నారు. ఈ సినిమాకు ఆర్. రత్నవేలు సినిమాటోగ్రఫర్ గా వ్యవహరిస్తున్నారు. ఇప్పటికే పలు సందర్భాల్లో ఏఆర్ రెహమాన్ అందించిన పాటలు అదిరిపోయాయని దర్శకుడు బుచ్చిబాబు సనా పలు సందర్భల్లో చెప్పుకొచ్చారు. ఈ ఈవెంట్ కోసం మెగా అభిమానులు ఆసక్తిగా ఎదురు చూస్తున్నారు.
Can’t wait to experience the magic of @arrahman sir live on Nov 8th at the #MegaConcert ❤️🤗🙏
Every tune he creates turns into pure emotion💫Honoured to be working with the maestro for our next film #PEDDI 🔥
Let’s meet at the concert sir🥳 Something special is yet to come🌟 pic.twitter.com/S472E4VEwl
— BuchiBabuSana (@BuchiBabuSana) October 31, 2025
