Teja Sajja: టాలీవుడ్ హీరోల గురించి ఎవరికీ తెలియని విషయం చెప్పిన తేజ సజ్జా.. ఇలా కూడా ఉంటుందా?

Teja Sajja: పాన్ ఇండియా స్థాయిలో తేజ సజ్జా నటించిన ‘మిరాయ్’ సినిమా సెప్టెంబర్ 12న విడుదలవుతుందన్న విషయం తెలిసిందే. ఇప్పటికే హీరో తేజ సజ్జా ప్రమోషన్స్ చేయడంలో బిజీ బిజీ గా ఉంటున్నారు. తాజాగా ఆయన యూట్యూబ్ చానల్ కు ఇచ్చిన ఇంటర్వ్యూలో టాలీవుడ్ హీరోల గురించి ఆసక్తి కర విషయం ఒకటి ప్రేక్షకులతో పంచుకున్నారు. సినిమా హీరోలకు ప్రత్యేకంగా ఒక వాట్సప్ గ్రూప్ ఉంటుందంట నిజమేనా అంటూ యాంకర్ అడిగిన ప్రశ్నకు తేజ్ అవును అని సమాధానం ఇచ్చారు. ఇంకా దాని గురించి అడగ్గా.. ‘ఈ గ్రూప్ లో దాదాపు అందరు హీరోలు ఉంటారు. దాంట్లో డిస్కషన్స్ కూడా జరుగుతాయి. హీరోలకు ఎవరికైనా ప్రాబ్లమ్ వచ్చినా.. ఏమైనా జరిగినా అందులో పంచుకుంటారు.’ అని చెప్పుకొచ్చారు. అయితే మరి పెద్ద హీరోలు కూడా స్పందిస్తారా అని అడిగిన ప్రశ్నకు ఆయన ఇలా చెప్పుకొచ్చారు. ‘ఆ గ్రూప్ లో పెట్టినవి అందరూ చూస్తారు కానీ స్పందించరు.’ అని అన్నారు. అసలు ఆ గ్రూప్ లోకి తనను ఎవరు యాడ్ చేశారో కూడా తెలియదన్నారు.

Read also-Balapur Laddu Auction 2025: బాలాపూర్ లడ్డు సరికొత్త రికార్డ్.. ఈసారి ఎన్ని రూ.లక్షలు పలికిందంటే?

‘మిరాయ్’ యంగ్ హీరో తేజ సజ్జా నటించిన ఒక భారీ పాన్-ఇండియా యాక్షన్ అడ్వెంచర్ చిత్రం. ఇది సెప్టెంబర్ 12, 2025న ఎనిమిది భాషల్లో విడుదల కానుంది. ఈ చిత్రాన్ని కార్తీక్ ఘట్టమనేని దర్శకత్వం వహించగా, పీపుల్ మీడియా ఫ్యాక్టరీ బ్యానర్‌పై టి.జి. విశ్వప్రసాద్ కృతి ప్రసాద్ నిర్మించారు. ‘మిరాయ్’ అనే టైటిల్ జపనీస్ పదం, దీని అర్థం ‘భవిష్యత్తు కోసం ఆశ’ (Hope for the Future). ఈ సినిమా సమ్రాట్ అశోకుడి కళింగ యుద్ధం తర్వాత రహస్య గ్రంథాలను కాపాడే తొమ్మిది మంది యోధుల కథ ఆధారంగా రూపొందింది. ఇందులో పురాణ చారిత్రక అంశాలు ఫాంటసీతో మేళవించబడ్డాయి. తేజ సజ్జా సూపర్ యోధుడి పాత్రలో నటిస్తుండగా, మంచు మనోజ్ విలన్‌గా, రితికా నాయక్ హీరోయిన్‌గా, శ్రియా శరణ్ తల్లి పాత్రలో, జగపతి బాబు, జయరాం వంటి నటులు కీలక పాత్రల్లో కనిపిస్తారు. గౌర హరి సంగీతం అందించిన ఈ చిత్రం టీజర్, ట్రైలర్‌లతో సోషల్ మీడియాలో వైరల్ అయింది. దీంతో ఈ సినిమాపై భారీ అంచనాలు నెలకొన్నాయి.

Read also-Su From So OTT release: ‘ఓటీటీలోకి వచ్చేస్తున్న కామెడీ థ్రిల్లర్.. ఎక్కడంటే?

ఈ చిత్రం యాక్షన్, ఫాంటసీ, డివోషనల్ ఎలిమెంట్స్‌తో పాటు అద్భుతమైన విజువల్ ఎఫెక్ట్స్‌తో ప్రేక్షకులను ఆకట్టుకుంది. 60 కోట్లకు పైగా బడ్జెట్‌తో నిర్మితమైన ఈ సినిమా, ఓటిటి, శాటిలైట్ హక్కుల ద్వారా 45 కోట్లు, తెలుగు థియేట్రికల్ రైట్స్ ద్వారా 24.5 కోట్ల రూపాయలు రాబట్టి, విడుదలకు ముందే లాభాలను అందుకుంది. సెన్సార్ బోర్డు నుంచి యూ/ఏ సర్టిఫికెట్ పొందిన ఈ చిత్రం 2 గంటల 49 నిమిషాల రన్‌టైమ్‌తో రూపొందింది. సెప్టెంబర్ 7న విశాఖపట్నంలో గ్రాండ్ ప్రీ-రిలీజ్ ఈవెంట్ జరగనుంది. ‘హనుమాన్’ సినిమాతో పాన్-ఇండియా స్థాయిలో విజయం సాధించిన తేజ సజ్జా, ‘మిరాయ్’తో మరో బ్లాక్‌బస్టర్ అందుకోవడానికి సిద్ధంగా ఉన్నాడని అభిమానులు ధీమా వ్యక్తం చేస్తున్నారు. ఈ సినిమా పిల్లల నుంచి పెద్దల వరకు అందరినీ ఆకర్షించేలా ఉంటుందని తేజ సజ్జా చెప్పారు. దీంతో థియేటర్లలో ఈ సినిమా అనుభవం ఒక విజువల్ స్పెక్టాకిల్‌గా ఉండనుంది.