GAMA Awards 2025: ఉత్తమ నటుడు అల్లు అర్జున్, ఉత్తమ చిత్రం ‘పుష్ప 2 ది రూల్’

GAMA Awards 2025: ప్రతిష్టాత్మమైన GAMA (Gulf Academy Movie Awards) అవార్డ్స్‌కు టాలీవుడ్‌లో ఉన్న క్రేజ్ ఏంటో ప్రత్యేకంగా చెప్పాల్సిన అవసరం లేదు. సెలబ్రిటీలకు ఇచ్చే అవార్డులలో టాప్ 3లో ఈ అవార్డ్స్ ఉంటాయి. దుబాయ్‌లో ఇప్పటికే నాలుగు ఎడిషన్లు గ్రాండ్‌గా జరుపుకున్నాయి. తాజాగా వైభవ్ జ్యువెలర్స్ సమర్పణలో కెయిన్‌ఫ్రా ప్రాపర్టీస్ 5వ ఎడిషన్ వేడుకలను ఆగస్ట్ 30న దుబాయ్‌లోని షార్జా ఎక్స్‌పో సెంటర్‌‌లో అతిరథ మహారధుల సమక్షంలో గ్రాండ్‌గా నిర్వహించారు. ఈ వేడుకకు టాలీవుడ్ పరిశ్రమ నుంచి పలువురు సినీ ప్రముఖులు హాజరై సందడి చేశారు. గామా అవార్డ్స్ చైర్మన్ కేసరి త్రిమూర్తులు, సీఈఓ సౌరభ్ కేసరి ఆధ్వర్యంలో ప్రతిష్టాత్మకంగా ఈ అవార్డుల కార్యక్రమం జరిగింది. ఈ అవార్డులలో మరోసారి పుష్పరాజ్ తన సత్తా చాటారు. ఉత్తమ నటుడిగానే కాకుండా ఉత్తమ చిత్రంగా ‘పుష్ప 2 ది రూల్’‌కు అవార్డ్స్ లభించాయి.

Also Read- Electricity Department: గణేష్ నిమజ్జన ఏర్పాట్లలో విద్యుత్ శాఖ కీలక నిర్ణయం..?

గామా అవార్డ్స్ 2025 లిస్ట్ (GAMA Awards 2025):

బెస్ట్ యాక్టర్ 2024– అల్లు అర్జున్ (పుష్ప2: ది రూల్)
బెస్ట్ హీరోయిన్– మీనాక్షి చౌదరి (లక్కీ భాస్కర్)
బెస్ట్ మూవీ– పుష్ప2: ది రూల్ (మైత్రి మూవీ మేకర్స్.. యలమంచిలి రవి, నవీన్ యెర్నేని)
బెస్ట్ డైరెక్టర్– సుకుమార్ (పుష్ప2: ది రూల్)
బెస్ట్ ప్రొడ్యూసర్– అశ్విని దత్, ప్రియాంక దత్, స్వప్న దత్ (కల్కి 2898AD)
బెస్ట్ మ్యూజిక్ డైరెక్టర్– దేవిశ్రీప్రసాద్ (పుష్ప2: ది రూల్)
బెస్ట్ కొరియోగ్రఫీ- భాను మాస్టర్ (నల్లంచు తెల్లచీర.. మిస్టర్ బచ్చన్)
బెస్ట్ ఎడిటర్- నవీన్ నూలి (లక్కీ భాస్కర్)
బెస్ట్ సినిమాటోగ్రఫీ- రత్నవేలు (దేవర)
బెస్ట్ లిరిసిస్ట్- రామ జోగయ్య శాస్త్రి (చుట్టమల్లే..దేవర)
బెస్ట్ ప్లే బ్యాక్ సింగర్- అనురాగ్ కులకర్ణి (సుట్టంలా సూసి.. గ్యాంగ్స్ ఆఫ్ గోదావరి)
బెస్ట్ ప్లే బ్యాక్ సింగర్ ఫిమేల్- మంగ్లీ (కళ్యాణి వచ్చావచ్చా.. ది ఫ్యామిలీ స్టార్)
బెస్ట్ ప్లే బ్యాక్ సింగర్ ఫిమేల్ (క్రిటిక్)- సమీరా భరద్వాజ్ (నల్లంచు తెల్లచీర.. మిస్టర్ బచ్చన్)
గామా బెస్ట్ ఫిల్మ్ (క్రిటిక్)- రజాకార్
గామా బెస్ట్ యాక్టర్ (క్రిటిక్)- తేజ సజ్జా
బెస్ట్ పెర్ఫార్మన్స్ యాక్టర్ జ్యూరీ- రాజా రవీంద్ర (సారంగదరియా)
బెస్ట్ యాక్టర్ జ్యూరీ- కిరణ్ అబ్బవరం (క)
బెస్ట్ ప్రామిసింగ్ యంగ్ యాక్టర్- రోషన్ (కోర్ట్)
బెస్ట్ ప్రామిసింగ్ యంగ్ యాక్టర్ ఫిమేల్- శ్రీదేవి (కోర్ట్)
బెస్ట్ ప్రామిసింగ్ యంగ్ యాక్టర్ ఫిమేల్- మానస వారణాశి (దేవకీ నందన వాసుదేవ)
బెస్ట్ ఆస్పైరింగ్ డైరెక్టర్- అప్సర్ (శివం భజే)
గద్దర్ మెమోరియల్ మ్యూజిక్ అవార్డ్- మట్ల తిరుపతి
బెస్ట్ సపోర్టింగ్ యాక్టర్- వినయ్ రాయ్ (హనుమాన్)
బెస్ట్ సపోర్టింగ్ పెర్ఫార్మన్స్ అవార్డ్- హర్ష చెముడు (సుందరం మాస్టర్)
బెస్ట్ సపోర్టింగ్ కామెడీ రోల్- బాలిరెడ్డి పృథ్వీరాజ్
బెస్ట్ డెబ్యూ యాక్టర్ ఫిమేల్- నయన్ సారిక (ఆయ్, క)
బెస్ట్ డెబ్యూ యాక్టర్ జ్యూరీ- ధర్మ కాకాని (డ్రింకర్ సాయి)
బెస్ట్ డెబ్యూ డైరెక్టర్- యదు వంశీ (కమిటీ కుర్రాళ్ళు)
బెస్ట్ డెబ్యూ ప్రొడ్యూసర్- నిహారిక కొణిదెల (కమిటీ కుర్రాళ్ళు)

Also Read- Star Actress: క్యాన్సర్‌తో ప్రముఖ నటి కన్నుమూత.. విషాదంలో ఇండస్ట్రీ!

గ్లోబల్ కమెడియన్‌గా ప్రముఖ హాస్య నటులు బ్రహ్మానందం స్పెషల్ అవార్డును అందుకున్నారు. వీరితోపాటు లైఫ్ టైం అచీవ్మెంట్ అవార్డును నిర్మాత అశ్వినీ దత్, అలాగే హీరో సత్యదేవ్ ‘జీబ్రా’ చిత్రానికి గాను ప్రామిసింగ్ యాక్టర్‌గా అవార్డును కైవసం చేసుకున్నారు. ఫ్యాన్స్ ఫేవరెట్ స్టార్ అవార్డును అందాల భామ ఊర్వశీ రౌతేలా అవార్డును అందుకున్నారు.

ఈ సందర్భంగా గామా అవార్డ్స్ సీఈవో సౌరభ్ మాట్లాడుతూ.. ‘‘వేలాది మంది తెలుగు, తమిళ, మళయాల సినీ ప్రేమికుల మధ్యలో దుబాయ్ గామా వేదిక‌పై ఇలా ప్రెస్టేజియస్‌గా వేడుక నిర్వహించడం ఆనందంగా ఉంది. గామా స్థాపించినప్పటి నుండి.. గామా అవార్డు వేదికకు సహాయ, సహకారాలు అందిస్తున్న ప్రతి ఒక్కరికి ధన్యవాదాలు తెలియజేస్తున్నానని అన్నారు. కాగా, గామా అవార్డ్స్ 2025 జ్యూరీ చైర్ పర్సన్స్‌గా దర్శకుడు ఏ. కోదండ రామిరెడ్డి, సంగీత దర్శకుడు కోటి, దర్శకుడు బి. గోపాల్ వ్యవహరించారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు