Vishwambhara: ‘విశ్వంభర’ గ్లింప్స్ వచ్చేశాయ్ చూశారా..

Vishwambhara: మెగాస్టార్ చిరంజీవి నటిస్తున్న ‘విశ్వంభర’ సినిమా గ్లింప్స్ విడుదలయ్యాయి. ఈ సినిమా ఒక సోషియో-ఫాంటసీ చిత్రంగా రూపొందుతోంది. దర్శకుడు మల్లిడి వశిష్ట దర్శకత్వంలో యూవీ క్రియేషన్స్ బ్యానర్‌పై రూపొందుతోంది. ఈ గ్లింప్స్‌ను అభిమానుల కోసం పుట్టినరోజు స్పెషల్‌గా విడుదల చేస్తున్నారు. ఇప్పటికే ఈ  సినిమా గురించి చిరంజీవి మాట్లాడుతూ, ‘విశ్వంభర’ కథ చందమామ కథల్లాంటి హాయిగొలిపే అనుభూతిని అందిస్తుందని, చిన్న పిల్లలతో పాటు పెద్దవారిలోని బాల హృదయాలను ఆకట్టుకునేలా ఉంటుందని చెప్పారు. ఈ చిత్రం మూడు లోకాల (దేవ, మానవ, పాతాళ లోకాలు) చుట్టూ తిరిగే కథగా ఉంటుందని సమాచారం. విఎఫ్ఎక్స్, గ్రాఫిక్స్: సినిమా సెకండ్ హాఫ్ పూర్తిగా విజువల్ ఎఫెక్ట్స్ (విఎఫ్ఎక్స్), గ్రాఫిక్స్‌పై ఆధారపడి ఉంటుందని, అత్యున్నత నాణ్యతతో సినిమాను అందించేందుకు ఈ ఆలస్యం జరిగిందని చిరంజీవి వెల్లడించారు.

Read also- No New Aadhaar: 18 ఏళ్లు పైబడినవారికి కొత్త ఆధార్ ఇవ్వబోం.. ఆ రాష్ట్ర సీఎం ప్రకటన

‘విశ్వంభర'(Vishwambhara) సినిమా 2026 సమ్మర్‌లో విడుదల కానుందని చిరంజీవి స్పష్టం చేశారు. గతంలో 2025 సెప్టెంబర్ లేదా అక్టోబర్‌లో విడుదల చేయాలని లక్ష్యంగా పెట్టుకున్నప్పటికీ, విఎఫ్ఎక్స్ పనుల కారణంగా ఈ విడుదల 2026కి వాయిదా పడింది. ఈ సినిమాకు ఎం.ఎం. కీరవాణి సంగీతం అందిస్తున్నారు. ఒక స్పెషల్ సాంగ్‌ను భీమ్స్ సంగీత దర్శకత్వంలో చిత్రీకరించారని, రామజోగయ్య శాస్త్రి రాసిన పాటలోని లైన్స్ అర్థవంతంగా ఉన్నాయని సమాచారం. చిరంజీవితో పాటు త్రిష, మౌనీ రాయ్, రమ్య పసుపులేటి వంటి నటీనటులు ఈ చిత్రంలో నటిస్తున్నారు. అనుష్క శెట్టి, మృణాల్ ఠాకూర్ కూడా నటిస్తున్నారని వార్తలు వచ్చాయి. ఈ చిత్రాన్ని యూవీ క్రియేషన్స్ నిర్మిస్తోంది.

Read also-SSMB29 – James Cameron: SSMB29 ఫస్ట్ లుక్ విడుదలకు రాజమౌళి భారీ స్కెచ్..

ఈ గ్లింప్స్ సినిమా స్కేల్, విజువల్ గ్రాండియర్, చిరంజీవి శక్తివంతమైన పాత్రను సూచిస్తూ అభిమానుల్లో ఉత్సాహాన్ని రేకెత్తించింది. ‘ఈ విశ్వంభరలో అసలు ఏం జరిగిందో ఈరోజైనా చెప్తావా మురా’ అంటూ చిన్నపిల్ల వాయిస్ తో మొదలవుతుంది ఈ గ్లింప్స్. ఒకడి స్వార్థం యుద్ధంగా మారి అంతులేని భయాన్ని ఇచ్చింది. అలసిపోని ఆశయానికి ఊపిరి పోసేవాడు ఒకడు వస్తాడని చిరంజీవి గురించి చెబుతుంటే గూస్ బంప్స్ వచ్చేలా ఉంది. చిరు ఎంట్రీ అదిరి పోయే యానిమేషన్ ఎవరూ పేరు పెట్టని విధంగా రూపొందించారు. దీనికి తోడు కీరవాణి సంగీతం మరింత ఆసక్తికి రేకెత్తిస్తుంది. ఈ గ్లింప్స్ ఈ సినిమాపై ఉన్న అంచనాలను మరింత పెంచుతుంది.