Coolie Advance bookings: ఓవర్సీస్‌లో రికార్డులు బద్దలగొడుతున్న ‘కూలీ’

Coolie Advance bookings: రజనీకాంత్ నటిస్తున్న ‘కూలీ’ చిత్రం ఉత్తర అమెరికా ప్రీమియర్ అడ్వాన్స్ బుకింగ్‌లలో రూ. 12.42 కోట్లతో దూసుకుపోతుంది. హృతిక్ రోషన్, జూనియర్ ఎన్టీఆర్ నటిస్తున్న ‘వార్ 2’ చిత్రాన్ని (రూ. 2.69 కోట్లు) వెనక్కి నెట్టింది. ‘కూలీ’ బుకింగ్‌లు ‘వార్ 2’ కంటే 4.6 రెట్లు ఎక్కువ. దీనిని బట్టి చూసుకుంటే రజనీకాంత్ ఓవర్సీస్ ప్రేక్షకుల అభిమానం ఎలాంటిదో స్పష్టం చేస్తోంది. ‘కూలీ’ యుఎస్‌ఎలో 48,000 టిక్కెట్లు, కెనడాలో 7,000 టిక్కెట్లు అమ్ముడయ్యాయి. చైన్ బుకింగ్‌లు ఇంకా తెరవనప్పటికీ, థియేటర్లు దాదాపు పూర్తి సామర్థ్యానికి చేరుకున్నాయి. ‘వార్ 2’ యుఎస్‌లో 10,651 టిక్కెట్లు మాత్రమే విక్రయించింది.

వైఆర్‌ఎఫ్ స్పై యూనివర్స్ బ్యానర్‌లో హృతిక్ రోషన్, జూనియర్ ఎన్టీఆర్, కియారా అద్వానీలతో రూపొందుతున్న ‘వార్ 2’ రిలీజ్ దగ్గరపడుతున్న కొద్దీ ఊపందుకుంటుందని అభిమానులు ఆశిస్తున్నారు. ‘కూలీ’ విజయానికి రజనీకాంత్ అపార అభిమాన గణం, లోకేష్ కనగరాజ్ దర్శకత్వం, నాగార్జున, ఉపేంద్ర, సత్యరాజ్, షౌబిన్ షాహిర్, ఆమిర్ ఖాన్, శ్రుతి హాసన్ వంటి తారాగణం కారణం. ఈ అంశాలు 2025లో ఉత్తర అమెరికాలో అతిపెద్ద ప్రీమియర్ అడ్వాన్స్ బుకింగ్‌లలో ‘కూలీ’ని నిలిపాయి. ‘వార్ 2’ గత 24 గంటల్లో రూ. 36.54 లక్షలు అమ్ముడయ్యి క్రమంగా వేగం పుంజుకుంటోంది. రాబోయే రోజుల్లో ప్రమోషన్లు, చివరి వారం హైప్‌తో బుకింగ్‌లు పెరుగుతాయని పరిశ్రమ విశ్లేషకులు ఆశిస్తున్నారు. ప్రస్తుతానికి, ఉత్తర అమెరికా ప్రీమియర్ బాక్సాఫీస్‌లో ‘కూలీ’ ఆధిపత్యం చెలాయిస్తోంది.

రజనీకాంత్ స్టార్ పవర్, తమిళ ప్రేక్షకులతోపాటు ప్రపంచవ్యాప్త భారతీయులు రజనీని అభిమానించడం ఈ విజయానికి కారణం. సూపర్ స్టార్ రజనీకాంత్ నటిస్తున్న ‘కూలీ’ చిత్రానికి లోకేష్ కనగరాజ్ దర్శకత్వం వహిస్తున్నారు. సన్ పిక్చర్స్ నిర్మిస్తున్న ఈ సినిమాలో నాగార్జున, ఉపేంద్ర, సత్యరాజ్, షౌబిన్ షాహిర్, శ్రుతి హాసన్, ఆమిర్ ఖాన్ వంటి ప్రముఖ తారాగణం ఉన్నారు. ఇది యాక్షన్ డ్రామాగా రూపొందుతోంది. ఇప్పటికే విడుదలైన ప్రచారం చిత్రాలు చూస్తుంటే ఈ సినిమాపై భారీ అంచనాలు నెలకున్నాయి. ఇప్పటికే మోనికా సాంగ్ ఏ రేంజ్ లో హిట్ అందుకుందో తెలిసిందే.