Transgenders Protest: బీఆర్ఎస్ కు కొత్త తలనొప్పి.. కారణం ఎవరంటే?

తెలంగాణ బ్యూరో స్వేచ్ఛ: Transgenders Protest: అసెంబ్లీ సమావేశాల సమయంలో బీఆర్ఎస్​ ఎమ్మెల్యేలు తమపట్ల వ్యవహరించిన తీరుపై ట్రాఫిక్​ అసిస్టెంట్లుగా విధులు నిర్వహిస్తున్న ట్రాన్స్​జెండర్లు నిరసన వ్యక్తం చేశారు. ఈ మేరకు ట్యాంక్​ బండ్​వద్ద ఉన్న శ్రీశ్రీ విగ్రహం ముందు నిరసన ప్రదర్శన చేశారు. అసెంబ్లీ సమావేశాల ఆఖరి రోజున మంత్రి శ్రీధర్​ బాబు మాట్లాడుతూ తమ ప్రభుత్వం 50మంది ట్రాన్స్​ జెండర్లను పైలెట్​ ప్రాజెక్ట్​ కింద ట్రాఫిక్​అసిస్టెంట్లుగా నియమించిందని చెప్పిన విషయం తెలిసిందే.

ఆ సమయంలో బీఆర్ఎస్​ ఎమ్మెల్యేలు తలసాని శ్రీనివాస్​యాదవ్, ప్రశాంత్​ రెడ్డి, పద్మారావు గౌడ్ లు హేళనగా నవ్వారని ట్రాఫిక్​ అసిస్టెంట్లుగా పని చేస్తున్న ట్రాన్స్​ జెండర్లు పేర్కొన్నారు. దీనిని తాము తీవ్రంగా ఖండిస్తున్నామన్నారు. తమను మనుషులుగా గుర్తించిన రేవంత్​ రెడ్డి ప్రభుత్వం ట్రాఫిక్​ అసిస్టెంట్లుగా చేర్చుకున్నట్టు చెప్పారు.

రాష్ర్టాన్ని పదేళ్లపాటు పాలించిన బీఆర్ఎస్​ ఏనాడూ తమను పట్టించుకున్న పాపానికి పోలేదన్నారు. ఇప్పుడు మేము గౌరవ ప్రదమైన పని చేస్తుంటే అవహేళన చేస్తారా? అంటూ బీఆర్​ఎస్​ ఎమ్మెల్యేలను ప్రశ్నించారు. తమపట్ల అనుచితంగా ప్రవర్తించిన బీఆర్ఎస్​ ఎమ్మెల్యేలు వెంటనే క్షమాపణలు చెప్పాలని డిమాండ్ చేశారు.

Also Read: Allu Arjun: ఏంది సామి.. ఇంకా దానిపై మోజు తీరలేదా?