Mahesh Kumar Goud: డాక్టర్స్ సెల్ కు కొత్త కమిటీలను ఏర్పాటు.. టీపీసీసీ చీఫ్​మహేష్​కుమార్ గౌడ్ ఉత్తర్వులు!

Mahesh Kumar Goud: డాక్టర్స్ సెల్ కు కొత్త కమిటీలను ఏర్పాటు చేస్తూ టీపీసీసీ చీఫ్​మహేష్​కుమార్ (Mahesh Kumar Goud) గౌడ్ ఉత్తర్వులు ఇచ్చారు. రాష్ట్ర వైస్ చైర్మన్ తో పాటు జనరల్ సెక్రటరీలు, ఐదు జిల్లాల అధ్యక్షులు, ఇతర కమిటీ సభ్యులను నియమించారు. ఈ మేరకు టీపీసీసీ డాక్టర్స్ సెల్ చైర్మన్ డాక్టర్ రాజీవ్ సమక్షంలో శుక్రవారం నియామక పత్రాలు అందజేశారు. ఈ సందర్భంగా పీసీసీ చీఫ్​ మహేష్ కుమార్ గౌడ్ మాట్లాడుతూ…ఏళ్ల తరబడి బీద ప్రజలని సేవలు అందిస్తున్న డాక్టర్స్ కి శుభాభినందనలు తెలిపారు. సమాజంలో డాక్టర్ కు ప్రత్యేక స్థానం ఉన్నదని, తాను కూడా డాక్టర్ కావాలని కలలు కన్నానని, కానీ కొన్ని పరిస్థితులు వలన కాలేకపోయాయని చెప్పారు.

ప్రజలకు సేవ చేసే అవకాశం

చదువుకున్న వాళ్ళు రాజకీయాల్లో కి వస్తే క్వాలిటీ డెవలప్మెంట్ తయారవుతుందన్నారు. డాక్టర్ రాజశేఖర్ రెడ్డి ఒక రూపాయి డాక్టర్ గా ఫేమస్ అయ్యారని, ప్రజలకు సేవ చేసే అవకాశం కలిగిందన్నారు. గత ప్రభుత్వం వైద్యరంగాన్ని పూర్తిగా నిర్వీర్యం చేసిందని, కాంగ్రెస్ ప్రభుత్వం ప్రజా ఆరోగ్య మెరుగు కోసం ప్రణాళికలు రూపొందిస్తున్నట్లు పీసీసీ చీఫ్ మహేష్ గౌడ్ తెలిపారు. ప్రభుత్వ నిర్ణయాలను మెచ్చుకొని ఇంత మంది డాక్టర్లు కాంగ్రెస్ కుటుంబంలో భాగం కావడం సంతోషంగా ఉందని పీసీసీ చీఫ్ తెలిపారు.

Also Read: Mahesh Kumar Goud: నక్సల్ ప్రశ్నిస్తే దేశద్రోహి ముద్రేనా? పీసీసీ చీఫ్​మహేశ్ గౌడ్ కీలక వ్యాఖ్యలు

 ఆరోగ్య రంగాన్ని బలోపేతం చేసే దిశ

రాష్ట్ర చైర్మన్ డాక్టర్ రాజీవ్ మాట్లాడుతూ మెడికల్, హెల్త్ విభాగం కమిటీల నియామకాలు, ఆరోగ్య రంగాన్ని బలోపేతం చేసే దిశలో ఒక మంచి నిర్ణయమని, వైద్య రంగంలో నిర్మాణాత్మక ఆలోచనలతో పనిచేయడానికి అవకాశమిచ్చినందుకు కాంగ్రెస్ పార్టీకి హృదయపూర్వక ధన్యవాదాలు తెలిపారు. సీఎం రేవంత్ రెడ్డి, ఆరోగ్య శాఖ మంత్రి దామోదర రాజనర్సింహ సలహాలు, సూచనలతో వైద్య రంగంలోని అన్ని విభాగాల సిబ్బంది సంక్షేమం కోసం త్వరలోనే ప్రణాళిక రూపొందిస్తామని డాక్టర్ సెల్ ఛైర్మన్ డాక్టర్ రాజీవ్ తెలిపారు.

వైద్య రంగంలో నిర్మాణాత్మక ఆలోచనలకు ప్రాధాన్యం

వైద్య రంగంలో కమిటీల నియామకాలు ధృఢ సంకల్పానికి నిదర్శనం: డాక్టర్ సెల్ వైస్ చైర్మన్ చిత్తరువు కరిష్ని మెడికల్ ,హెల్త్ విభాగంలో కమిటీల నియామకాలు రాష్ట్ర ఆరోగ్య వ్యవస్థను మరింత బలోపేతం చేయడంలో కీలక పాత్ర పోషిస్తాయని డాక్టర్ సెల్ వైస్ చైర్మన్ చిత్తరువు కరిష్ని వ్యాఖ్యానించారు. వైద్య రంగ అభివృద్ధిపై కాంగ్రెస్ ప్రభుత్వ నిర్ణయాల్లో స్పష్టంగా ప్రతిఫలించిందని ఆమె అన్నారు. వైద్య రంగంలో నిర్మాణాత్మక ఆలోచనలకు ప్రాధాన్యం ఇస్తూ పని చేయడానికి ఈ కమిటీల ద్వారా ఇచ్చిన అవకాశం పట్ల కాంగ్రెస్ పార్టీకి హృదయపూర్వక ధన్యవాదాలు తెలిపారు. వైద్య సేవల నాణ్యతను పెంచడం, ప్రజలకు చేరువయ్యే ఆరోగ్య వసతులను విస్తరించడం, వైద్య సిబ్బంది సంక్షేమం వంటి అంశాల్లో ప్రభుత్వ ప్రయత్నాలు మెరుగైన ఫలితాలు ఇవ్వనున్నాయని విశ్వాసం వ్యక్తం చేశారు.

Also Read: Mahesh Kumar Goud: ఏ క్షణమైన డీసీసీల ప్రకటన వెలువడే ఛాన్స్ : పీసీసీ చీఫ్​ మహేశ్ కుమార్ గౌడ్