Epaper 
TG Gram Panchayat Elections: తెలంగాణలో గ్రామ పంచాయతీ ఎన్నికల షెడ్యూల్ ను రాష్ట్ర ఎలక్షన్ కమీషన్ విడుదల చేసింది. దీంతో నేటి నుంచే ఎన్నికల కోడ్ అమల్లోకి వచ్చింది. డిసెంబర్ 11, 14, 17 తేదీల్లో మూడు దఫాలుగా పోలింగ్ జరగనుంది. ఉదయం 7 నుంచి మధ్యాహ్నం ఒంటి గంట వరకూ ఓటు వేసేందుకు అవకాశం కల్పించనున్నారు. అయితే అదే రోజు మధ్యాహ్నం 2 గంటల నుంచి ఓట్ల లెక్కింపు మెుదలు కానుంది. కాగా, ఎల్లుండి నుంచి మెుదటి విడత నామినేషన్ల ప్రక్రియ రాష్ట్రంలో మెుదలు కానున్నట్లు రాష్ట్ర ఎన్నికల సంఘం స్పష్టం చేసింది.
Also Read: Cabinet Decisions: జీహెచ్ఎంసీలో మరికొన్ని ప్రాంతాల విలీనం.. కేబినెట్ కీలక నిర్ణయాలు
రాష్ట్రంలోని 12,760 పంచాయతీల్లో ఈ ఎన్నికలు జరగనున్నాయి. లక్షా 13 వేల 534 వార్డుల్లో పోలింగ్ నిర్వహించనున్నారు. రాష్ట్రంలోని కోటి 66 లక్షల మంది గ్రామీణ ఓటర్లు ఇందులో తమ ఓటు హక్కు వినియోగించుకోనున్నారు. మెుదటి దశ నామినేషన్లను ఈ నెల 27 నుంచి స్వీకరించనున్నారు. ఎన్నికల షెడ్యూల్ కు అనుగుణంగా పంచాయతీ అభ్యర్థులు సిద్ధం కావాలని రాష్ట్ర ఎన్నికల కమిషనర్ రాణి కుముదిని సూచించారు.
మూడు విడతల్లో తెలంగాణ గ్రామ పంచాయతీ ఎన్నికలు
రాష్ట్ర ఎన్నికల సంఘం (ఎస్ఈసీ) గ్రామ పంచాయతీ ఎన్నికల షెడ్యూల్‌ను విడుదల చేసింది. నేటి నుంచే ఎన్నికల కోడ్ అమల్లోకి వచ్చింది. 12,760 పంచాయతీలు, లక్షా 13 వేల 534 వార్డులకు ఎన్నికలు. డిసెంబర్ 11, 14, 17 తేదీల్లో పోలింగ్ జరగనుంది.… pic.twitter.com/pf89JBjHrP
— ChotaNews App (@ChotaNewsApp) November 25, 2025
రాష్ట్రంలో స్థానిక సంస్థల ఎన్నికలను సమర్ధవంతంగా నిర్వహించాలని ఇప్పటికే రాష్ట్ర ఎన్నికల సంఘం కమిషనర్ రాణి కుముదిని అధికారులను ఆదేశించారు. ఇటీవల హైదరాబాద్ నుండి రాష్ట్ర ప్రభుత్వ ప్రధాన కార్యదర్శి రామకృష్ణారావు, రాష్ట్ర డీజీపీ శివధర్ రెడ్డి, ఇతర ఎన్నికల సంఘం అధికారులతో కలిసి వీడియో కాన్ఫరెన్స్ నిర్వహించారు. ఈ సందర్భంగా రాణి కుముదిని మాట్లాడుతూ, సర్పంచ్, వార్డు సభ్యుల ఎన్నికల నిర్వహణ ప్రశాంత వాతావరణంలో సమర్థవంతంగా నిర్వహించాలని, ఎలాంటి అవకతవకలకు అవకాశం లేకుండా చర్యలు తీసుకోవాలని తెలిపారు. ఎన్నికలను 3 విడతలలో నిర్వహించేందుకు అవసరమైన కార్యాచరణ రూపొందించాలని తెలిపారు.
