Lift Irrigation Project: ముందు అనుమతులు.. తర్వాతే ప్రాజెక్టు పనులు..!

Lift Irrigation Project: పర్యావరణ అనుమతులు వచ్చాకే నారాయణపేట-కొడంగల్ లిప్టు ఇరిగేషన్ పనులు చేపట్టాలని నేషనల్ గ్రీన్ ట్రిబ్యూనల్(National Green Tribunal) సూచించింది. లిప్టు ఇరిగేషన్ కు చెందిన పర్యావరణ అనుమతులకు సంబంధించి కేంద్రం విధివిధానాలను ఖరారు చేసింది. హైదరాబాద్(Hyderabad) లోని జల సౌధాలో ఈ నెల 23న ప్రాజెక్టులు, ప్రైవేట్​ సంస్థలతో పర్యావరణంపై పడే ప్రభావంపై కేంద్ర పర్యావరణ శాఖ ఆధ్వర్యంలోని స్టేట్​ ఎన్విరాన్మెంట్​ ఇంపాక్ట్​ అసెస్​మెంట్​ అథారిటీ (SEIAA) సమావేశం నిర్వహించారు.

9 లొకేషన్లలో భూగర్భ జలాలు

ఆ సమావేశంలోనే ఉమ్మడి మహబూబ్​నగర్​ జిల్లాలోని మక్తల్(Mukthal), నారాయణపేట(Narayanapeta), కొడంగల్​నియోజకవర్గాల్లోని లక్ష ఎకరాలకుపైగా నీళ్లిచ్చేందుకు చేపట్టిన నారాయణపేట కొడంగల్​ లిఫ్ట్​ ప్రాజెక్టుపైనా చర్చించారు. ప్రాజెక్టు టీఓఆర్​ను రాష్ట్ర ప్రభుత్వం కేంద్రానికి అందజేసింది. ఆ ప్రాజెక్టుతో పర్యావరణం మీద పడే ప్రభావాన్ని అంచనా వేసేందుకు పలు ఇన్వెస్టిగేషన్స్​ చేయాలని ఎస్​ఈఐఏఏ(SEIAA) సభ్యులు సమావేశంలో సూచించారు. ప్రాజెక్టు నిర్మించాలనుకుంటున్న ప్రాంతంలో 9 లొకేషన్లలో భూగర్భ జలాలు, ఉపరితల జలాలు, మట్టి నమూనాలు సేకరించనున్నారు. ప్రాజెక్టు నిర్మాణంలో భాగంగా 2,434 చెట్లను కొట్టేస్తున్నట్టు ప్రాజెక్టు అధికారులు చెబుతున్నారని, ఒక్క చెట్టును కొట్టేస్తే దానికి రీప్లేస్​మెంట్​గా ఐదు చెట్లను నాటాలని ఎస్​ఈఐఏఏ సభ్యులు సూచించారు.

Also Read; Khammam District: నోట్లో గుడ్డలు కుక్కి.. భర్తను చితక్కొట్టిన భార్య.. దెయ్యమే కారణమా?

పర్యావరణ ప్రభావ అంచనా

ప్రాజెక్ట్​ను కర్ణాటకకు సరిహద్దుల్లో నిర్మిస్తుండటంతో ఆ రాష్ట్ర ఎన్​వోసీని తీసుకోవాలని సూచించారు. ఇప్పటికే కర్ణాటక(Karnataka) ఎన్​వోసీ ఇచ్చిందని తెలంగాణ అధికారులు సంబంధిత ఎన్​వోసీని అందజేశారు. ప్రాజెక్టు బీ1 కేటగిరీలో ఉన్నందున వెంటనే పర్యావరణ ప్రభావ అంచనా నివేదికను తయారు చేయాలని ఆదేశించారు. నేల పరిస్థితులు, భౌగోళిక, రసాయనిక పరిస్థితులను విశ్లేషించాల్సిన అవసరం ఉందని సూచించారు. నారాయణపేట కొడంగల్​ లిఫ్ట్​ పనులను పర్యావరణ అనుమతులు వచ్చే వరకు చేపట్టొద్దని నేషనల్​ గ్రీన్​ ట్రిబ్యునల్(National Green Tribunal)​ అధికారులను ఆదేశించింది. పనులను తాత్కాలికంగా ఆపేయాలని గుత్తేదారులకు ఆదేశాలిచ్చింది. ఈ ప్రాజెక్టు ప్రస్తుతం భూసేకరణ దశలోనే ఉన్నది.

Also Read: H-CITI Project: హెచ్ సిటీ పనులు స్పీడప్.. సర్కారుకు ఏజెన్సీల జాబితా!