Tobacco:ప్రాణాలు హరించే ‘పొగాకు’..బానిస కాబోకు

World no tobacco day daily average 3699 persons died with habit:
పొగాకు ఆరోగ్యం మీద తీవ్ర ప్రభావం చూపిస్తుంది. పొగాకులో ఉండే నికోటిన్ వలన ఊపిరితిత్తుల క్యాన్సర్ లేదా గుండె సంబంధిత వ్యాధులు వస్తాయి. ప్రపంచ ఆరోగ్య సంస్థ నివేదికల ప్రకారం భారత్ లో 267 మిలియన్ ప్రజలు పొగాకు వినియోగిస్తున్నారు. పొగాకు ను ప్రపంచవ్యాప్తంగా వినియోగిస్తున్న దేశాలతో పోలిస్తే మన దేశం ద్వితీయ స్థానంలో ఉంది. పొగాకు వలన అనేక దుష్ఫలితాలతో పాటు నపుంసకత్వం కూడా వస్తుందని అనేక పరిశోధనలు చెబుతున్నాయి. అయితే ఈ పొగాకు నిషేధంపై ఒక్కో దేశంలో ఒక్కో రకమైన నియమనిబంధనల చట్టాలు అమలవుతున్నాయి.

16 ఏళ్లుగా అవగాహన కల్పిస్తున్న ఎన్టీసీపీ

జాతీయ పొగాకు నివారణ కార్యక్రమం(ఎన్టీసీపీ) ప్రారంభించి ఇప్పటికి పదహారేళ్లవుతోంది. పొగాకు ఉత్పత్తుల తయారీ, సరఫరాలను కట్టడిచేసేందుకు ఉద్దేసించిన ఎన్టీసీపీ మరి ఇన్నాళ్లుగా సాధించిందేమిటి? ఖైనీ, గుట్కా, బీడీలు, సిగరెట్లు వంటి వి బహిరంగ మార్కెట్ లో విచ్చలవిడిగా దొరుకుతున్నాయి. కేవలం ప్రకటనలకే పరిమితం అవుతోంది తప్ప పొగాకు ఉత్పత్తుల వినియోగాన్ని మాత్రం అరికట్టలేకపోతున్నాము. పదేళ్ల వయసునుంచే వాటికి బానిసలవుతున్న చిన్నారు సంఖ్య గణనీయంగా పెరుగున్న రికార్డులు కలవరపరుస్తున్నాయి. సాధారణ వయసు కన్నా ధూమపానం చేసే వారి సగటు ఆయుర్థాయం దాదాపు పదేళ్ల కాలం తక్కువ అని అధ్యయనాలు చెబుతున్నాయి. ఈ పొగాకు ఉత్పత్తులకు అలవాటు పడినవారి అంతిమంగా నోటి క్యాన్సర్ కు బలవుతున్నారు. కేవలం పొగాకు కారణంగానే సగటున రోజుకు 3699 మంది తమ ప్రాణాలు కోల్పోతున్నారు. ప్రజారోగ్యంతో ఆటలాడుకుంటున్న ఈ పొగాకును కేవలం ప్రభుత్వం ఒక్కటే కాదు మనకంతా కలసి సమష్టిగా పొగాకు వినియోగానికి వ్యతిరేకంగా పోరాడాలి. ప్రపంచ ఆరోగ్య సంస్థ కూడా ఆహారాన్ని పండించండి..పొగాకును కాదు అని పరోక్షంగా దేశాలకు హెచ్చరికలు చేస్తోంది.

1988 సమావేశంలో ..

1987లో ప్రపంచ ఆరోగ్య సంస్థ నిర్వహించిన సమావేశంలో 1988 ఏప్రిల్ 7న ధూమపాన రహిత దినోత్సవంగా పిలుపునిచ్చింది. లని ప్రకటించింది.ప్రపంచ ఆరోగ్య సంస్థ సభ్యదేశాలు 1987లో ప్రపంచ హెల్త్ అసెంబ్లీ డబ్ల్యూహెచ్ఏ 40..38 తీర్మానాన్ని అమోదించింది. ఆ రోజున ప్రపంచవ్యాప్తంగా పొగాకు వినియోగదారులను 24 గంటలపాటు పొగాకు ఉత్పత్తులను వాడకుండా ఉండమని కోరింది. దానిని అనుసరించే 1988లో జరిగిన సమావేశంలో ప్రతి సంవత్సరం మే 31న ప్రపంచ పొగాకు వ్యతిరేక దినోత్సవం జరుపుకోవా పొగలోని నికొటిన్ మనల్ని వీటికి బానిస చేస్తుంది. పొగాకు తాగటం వల్ల ఊపిరితిత్తులు, గుండె జబ్బులు రకరకాల క్యాన్సర్లు వచ్చే అవకాశాలు ఎక్కువ. రోజుకు 20 సిగరేట్లు తాగే వారితో పోలిస్తే ఒకటి, రెండు తాగిన వారికి గుండె పోటు వచ్చే అవకాశం 40-50 శాతం ఉంటుంది. పొగ తాగినప్పుడు మన శరీరంలో అడ్రినలిన్ అనే హార్మోన్ రిలీజ్ అవుతుంది. ఇది ఒక్కసారిగా రక్తం గడ్డలు కట్టేలా చేస్తుంది. పొగ తాగే వారి జీవిత కాలం పదేళ్లు తగ్గుతుంది.పొగాకు వల్ల రక్త నాళాలు సంకోచించి, తాత్కాలికంగా రక్తపోటు పెరిగే ప్రమాదం ఉంది. తక్కువ నికొటిన్ గల సిగరేట్లు, చుట్టలు, బీడీలు కూడా ప్రమాదకరమే. కాగా పొగాకు మానేసిన ఐదేళ్లకు గుండెపోటు వచ్చే ప్రమాదం తగ్గుతుంది. సిగరేట్లు మానలేని వారు నికొటిన్ ప్యాచ్‌లు వాడితే ప్రయోజనం ఉంటుంది. పొగాకు ఊపిరితిత్తులపై నేరుగా ప్రభావం చూపిస్తుంది. దీని వల్ల దీర్ఘకాల లంగ్స్ సమస్య సీవోపీడీకి (క్రానిక్ అబ్‌స్ట్రక్టిన్ పల్మానరీ డిసీజ్)కు దారి తీయొచ్చు.

సంతానంపై తీవ్రప్రభావం

అలాగే పొగాకు పొగలోని నికొటిన్ గర్భాశయ ముఖద్వార క్యాన్సర్‌కు దారితీస్తుంది. పొగతాగే మగవారి వీర్యంలోకి నికొటిన్ చేరుకుంటుంది. దీని మూలంగా శుక్ర కణాలు దెబ్బతిని, సంతానంపై ప్రభావం చూపుతాయి. ఆడవారు సిగరెటు తాగినట్లయితే.. వారు గర్భం దాల్చాక పిండం ఎదుగుదలపై ప్రభావం చూపుతుంది. ఇది మనలోని రోగనిరోధక శక్తిని బలహీన పరుస్తుంది.
ప్రపంచ పొగాకు వ్యతిరేక దినోత్సవం ధూమపానం వల్ల కలిగే హానిని గుర్తుచేస్తుంది. కాబట్టి ధూమపానం చేసేవారికి అవగాహన కల్పించడంలో సహాయపడటానికి అనేక స్వచ్ఛంద సంస్థలు ముందుకు వస్తున్నాయి. పొగాకు పరిశ్రమ ఏ దేశానికైనా భారీ పన్ను ఆదాయాన్ని సృష్టిస్తుంది. అయినప్పటికీ కొన్ని దేశాలు ధూమపానాన్ని సమూలంగా రూపుమాపడానికి ప్రణాళికలు రచిస్తున్నాయి.

వివిధ దేశాలలో వినియోగంపై నిషేధం

మలేషియాలో బహిరంగ ప్రదేశాల్లో ధూమపానం చేయడం చట్టం ప్రకారం నిషేధించబడింది. అలాగే సెంట్రల్ ఎయిర్ కండిషనింగ్‌తో ఉన్న ప్రైవేట్ ఆఫీసు స్థలాలలో మూడు మీటర్ల దూరంలో కాల్చుకోవాలనే నిబంధన ఉంది. అలాగే కోస్టారికా దేశంలో ధూమపాన చట్టం టాక్సీలు, బస్సులు, పబ్లిక్ భవనాలు, బార్‌లు, కార్యాలయాలలో, క్యాసినోలలో పొగాకును ఉపయోగించడాన్ని నిషేధిస్తుంది. న్యూజిలాండ్‌లో సిగరెట్ల విక్రయంపై ఇప్పటికే 18 ఏళ్ల నిబంధన ఉండగా, అదనంగా చట్టం ప్రకారం పొగాకు ప్యాక్‌లపై గ్రాఫిక్ హెల్త్ వార్నింగ్‌లు మొదలైనవి ఉండాలి. అలాగే, న్యూజిలాండ్‌ను పొగ రహితంగా మార్చడానికి ఆ దేశం సిగరెట్‌లపై భారీస్థాయిలో పన్ను పెంపుదల విధించింది. అలాగే మన పొరుగున ఉన్న భూటాన్ దేశంలోనూ 2010లో పొగాకు అమ్మకాలను నిషేధించింది. అలాగే బహిరంగ ప్రదేశాల్లో ధూమపానం చేయడాన్ని నిషేధించింది. ఇక్కడ ధూమపానం చట్టం కింద మీరు పట్టుబడితే మూడు నుండి ఐదు సంవత్సరాల జైలు శిక్షను ఎదుర్కొంటారు. అయితే, ప్రభుత్వం స్మోకింగ్ జోన్‌ను కేటాయించింది. మనదేశంలోని సిక్కిం రాష్ట్రంలో బహిరంగ ధూమపానం నిషేధం. ఇందులో పట్టుబడితే రూ. 200, రూ. 500 జరిమానా విధిస్తారు. అయితే పొగాకు, ధూమపానం తగ్గించడానికి ఎన్ని నియంత్రణ చట్టాలు చేసినా పొగతాగే వారి సంఖ్య మాత్రం పెరిగిపోయిందని అధ్యయనాలు చెబుతున్నాయి.

కఠినంగా చట్టాలు అమలు చేయాలి!

కానీ ఎన్ని నియంత్రణ చర్యలు చేపట్టినప్పటికీ ప్రపంచవ్యాప్తంగా పొగ తాగే వారి సంఖ్య మాత్రం పెరిగిపోయిందని అధ్యయనాలు చెబుతున్నాయి. పొగాకు వినియోగంలో రష్యా మొదటి స్థానంలో ఉండగా, భారత్ రెండో స్థానంలో ఉంది. 15 ఏళ్ళు పైబడిన మగవాళ్లలో 60 శాతం మంది, 23 శాతం మహిళలకు పొగ తాగుతున్నారు. బహిరంగ ప్రదేశాల్లో ధూమపానంపై నిషేధం ఉన్నప్పటికీ పొగాకు సంస్థలు ప్రకటనల కోసం అక్కడ కూడా భారీగా ఖర్చు చేస్తున్నాయి. రష్యా సిగరెట్ మార్కెట్ విలువ 1.4లక్షల కోట్ల పైమాటే. కిరిబాటి అనే చిన్న దీవి లో అత్యధిక శాతం పొగరాయుళ్లు ఉన్నారు. ఇక్కడి జనాభాలో మూడొంతుల శాతం మందికి ఈ అలవాటుంది. అలాగే ఇక్కడ సిగరెట్లపై పన్నులతో పాటు నివారణ చర్యలు తక్కువే. అలాగే మాంటెనెగ్రో దేశంలో 46 శాతం మంది ప్రజలకు పొగతాగే అలవాటుంది. బహిరంగ ప్రదేశాల్లో ధూమపానాన్ని నిషేధించినప్పటికీ అక్కడ పరిస్థితి మాత్రం మారట్లేదు. గ్రీస్ లోనూ 2008 నుంచి అక్కడ బహిరంగ ప్రదేశాల్లో ధూమపానాన్ని నిషేధించినా, ఇప్పటికీ చాలామంది బహిరంగంగానే పొగ తాగుతూ కనిపిస్తారు.

పొగాకు రహిత దేశంగా మారాలి

ఈస్ట్ తైమూర్‌‌లో ప్రపంచంలోనే అత్యధికంగా 80శాతం మంది మగవాళ్లు పొగతాగుతారు. అందుకే జాబితాలో ఆ దేశానిది 4వ స్థానం. అక్కడ నిరక్షరాస్యత కారణంగా ధూమపాన హెచ్చరికలు 50 శాతం మంది చదవలేరు. పొగాకు వినియోగం పట్ల కలిగే దుష్ఫలితాలపై ప్రజలకు అవగాహన కల్పించాలి. పాఠశాల స్థాయి నుండే విద్యార్థులకు పొగాకు వినియోగం నష్టాలపై వ్యాసరచన, వక్తృత్వ పోటీలు సెమినార్లు నిర్వహించాలి. చట్టాలను కఠినంగా అమలు చేయాలి. బహిరంగ ప్రదేశాల్లో, నిషిద్ధ ప్రాంతాలలో ధూమపానం చేసే వారిపై కఠిన చర్యలు తీసుకున్ననాడే భారత్ పొగాకు రహిత దేశంగా మారుతుందనడంలో అతిశయోక్తి లేదు.