Yash Toxic: రికార్డులు తిరగరాస్తున్న యష్ ‘టాక్సిక్’ హీరో ఇంట్రో గ్లింప్స్.. 24 గంటల్లోనే అంతా..?

Yash Toxic: కేజీఎఫ్ స్టార్ యష్ పుట్టిన రోజు సందర్భంగా టాక్సిక్ సినిమా నుంచి హీరో ఇంట్రడక్షన్ విడుదల చేసిన సంగతి తెలిసిందే. అయితే హీరో ఇంట్రడక్షన్ గ్లింప్స్ డిజిటల్ ఫ్లాట్ ఫామ్ లో 24 గంటల్లో రెండు వందల మిలియన్ల వ్యూస్ దాటేశాయి. యష్ గత చిత్రం ‘KGF: 2’ సృష్టించిన ప్రభంజనం తర్వాత, ఆయన నటిస్తున్న తదుపరి చిత్రం కావడంతో ‘టాక్సిక్’పై అంచనాలు ఆకాశాన్ని తాకాయి. విడుదలైన కేవలం 24 గంటల్లోనే 200 మిలియన్లకు పైగా వ్యూస్ సాధించడం అనేది భారతీయ సినిమా చరిత్రలో ఒక అరుదైన రికార్డు క్రియేట్ చేసింది. ఇది యష్‌కు ఉన్న అంతర్జాతీయ క్రేజ్‌ను మరోసారి నిరూపించింది. ఈ వ్యూస్ కేవలం యూట్యూబ్ మాత్రమే కాకుండా, ఇన్‌స్టాగ్రామ్, ఎక్స్ వంటి అన్ని డిజిటల్ ప్లాట్‌ఫామ్‌లలో కలిపి లెక్కించినవి. ఇండియాలోనే కాకుండా గ్లోబల్ లెవల్‌లో కూడా ఈ గ్లింప్స్ టాప్ ట్రెండింగ్‌లో నిలిచింది. దీంతో యష్ ఫ్యాన్స్ సంబరాలు చేసుకుంటున్నారు.

Read also-Prabhas Fan: ‘ది రాజాసాబ్’ ప్రీమియర్ వెయ్యలేదని అభిమాని చేసింది చూస్తే షాక్ అవుతారు..

‘టాక్సిక్’ సినిమాలో ‘యాష్’ రాయ గా పరిచయం అవుతున్నారు. గీతూ మోహన్ దాస్ (Geetu Mohandas) దర్శకత్వంలో రూపొందుతున్న ఈ సినిమాకు KVN ప్రొడక్షన్స్, మాన్స్టర్ మైండ్ క్రియేషన్స్ నిర్మాతలుగా వ్యవహరిస్తున్నారు. కేజీఎఫ్ 2 సినిమా తర్వాత యష్ నుంచి వస్తున్న సినిమా కావడంతో భారీ అంచనాలు పెట్టకున్నారు అభిమానులు. ఇప్పటికే ఈ సినిమా నుంచి అయిదుగురు హీరోయిన్లను పరిచయం చేశారు. తాజాగా యష్ పాత్ర ‘రాయ’ ను పరిచయం చేస్తూ వీడియో విడుదల చేశారు. దీనిని చూస్తుంటే సినిమా పేరుకు తగ్గట్లుగా ఉంది. ఇప్పటికే కియారా అద్వానీ, నయన తార, రుక్మిణీ వసంత్, హుమా ఖురేషి, తార సుతారియా వంటి హీరోయిన్లు ఈ సినిమాలో నటిస్తున్నారు. రవి బస్సూర్ సంగీతం అందిస్తున్న ఈ సినిమాకు కులకర్ణి ఎడిటర్ గా వ్యవహరిస్తున్నారు. ఈ సినిమా ప్రపంచ వ్యాప్తంగా మార్చ్ 19, 2026న విడుదల కానుంది.

Read also-Maa Inti Bangaram: మంచి కోడలు ఎలా ఉండాలో సమంతను చూసి నేర్చుకోండి!.. యాక్షన్ మోడ్ ఆన్..

ఇంట్రో ఎలా ఉందంటే?

యష్ ఇంట్రడక్షన్ షాట్ చూస్తుంటే.. సమాధుల దగ్గర్ ఎవరికో నివాళులు ఇవ్వడానికి కొందరు సిద్ధం అవుతుంటారు. వారకి రక్షణగా కొందరు అనుచరులు అక్కడ తిరుగుతుంటే అక్కడ ప్రశాంత వాతావరణం ఉంటుంది. ఎలా అంటే తుఫాను వచ్చే ముందు ఎలా ఉంటుందో అలా. అదే సమయంలో ఓ రాయల్ కార్ వచ్చి చెట్టుకు గుద్దుకుంటుంది అందులో నుంచి మాస్ లుక్ మందు తాగుతూ దిగుతాడు. దీనిని చూసిన అక్కడి వారు ఎవరో తాగుబోతు అనుకుంటారు. కారు దిగిన వ్యక్తి మాత్రం ఏదో చేస్తూ కనిపిస్తాడు. ఏం చేస్తున్నావు అని అడిగినా సమాధానం మాత్రం చెప్పకుండా బాంబుకు బ్యాటరీ కనెక్షన్ ఇచ్చి అక్కడి నుంచి వెళ్లిపోతాడు. తర్వాత బాంబు పేలుతుంది. అప్పుడే కారులోంచి యష్ దిగుతాడు.. అక్కడ ఉన్న వారిని కొంత మందిని చంపి.. డాడీ ఈజ్ హోమ్ అంటూ చెప్తుడు. అక్కడ కారులో ఏం జరిగింది అన్నది చాలా ఆసక్తిగా ఉంటుంది. కేజీఎఫ్ తర్వాత యష్ నుంచి వస్తున్న ఈ సినిమాపై అభిమానులు భారీ అంచనాలే పెట్టకున్నారు. ఈ షాట్ చూస్తేనే తెలుస్తోంది, ఈ సినిమా కూడా వేరే లెవెల్ లో ఉండబోతుందని. దీనిని చూసిన యష్ ఫ్యాన్ పుట్టిన రోజుకు అదిరిపోయే గిఫ్ట్ ఇచ్చారు అంటూ నిర్మాతలను పొగడ్తలతో ముంచెత్తుతున్నారు. మొదటి పరిచయం వీడియోనే ఇలా ఉంటే సినిమా ఎంత టాక్సిక్ గా ఉండబోతుందో అని అభిమానులు అంచనాలు వేస్తున్నారు. ఈ సినిమా ఎలా ఉండబోతుందో తెలియాలి అంటే కనీసం ట్రైలర్ వచ్చే వరకూ ఆగాల్సిందే.