Tribanadhari Barbarik Review: ‘త్రిబాణధారి బార్బరిక్’ మూవీ ఎలా ఉందంటే..

Tribanadhari Barbarik Review : 

తారాగణం: సత్యరాజ్, వశిష్ఠ ఎన్ సింహా, ఉదయభాను, సత్యం రాజేష్, క్రాంతి కిరణ్, సాంచీ రాయ్, మేఘన, వీటీవీ గణేష్, రాజేంద్రన్
సంగీతం: ఇన్ఫ్యూషన్ బ్యాండ్
సినిమాటోగ్రఫీ: కుశేందర్ రమేష్ రెడ్డి
ఎడిటింగ్: మార్తాండ్ కె వెంకటేష్
రచన & దర్శకత్వం: మోహన్ శ్రీవత్స
నిర్మాత: విజయ్‌పాల్ రెడ్డి అడిదెల
సమర్పణ: మారుతి
బ్యానర్: వానర సెల్యూలాయిడ్
విడుదల తేదీ: ఆగస్టు 29, 2025

Read also-Vishal Engagement: ఘనంగా విశాల్, సాయి ధన్సికల నిశ్చితార్థం.. ఫొటోలు వైరల్

కథ
శ్యామ్ (సత్యరాజ్) ఒక ప్రముఖ సైకాలజిస్ట్. అతని కొడుకు, కోడలు యాక్సిడెంట్‌లో మరణించడంతో తన మనవరాలు నిధి (మేఘన)కు అన్నీ తానై పెంచుతాడు. నిధి అతని జీవితంలో అతి ముఖ్యమైన వ్యక్తి. అయితే, ఒక రోజు నిధి అదృశ్యమవుతుంది. ఆమె కోసం శ్యామ్ చేసే పోరాటం, దాని వెనుక ఉన్న మర్డర్ మిస్టరీ, సమాజంలో జరుగుతున్న నేరాలను బార్బరికుడి మైథాలజికల్ నేపథ్యంతో జోడించి చూపించడం ఈ సినిమా కథాంశం.

విశ్లేషణ
‘త్రిబాణధారి బార్బరిక్’ (Tribanadhari Barbarik Review) టైటిల్, ట్రైలర్‌తో మైథాలజికల్ సోషియో-ఫాంటసీ సినిమా అనే అంచనాలను కలిగించింది. బార్బరికుడు, మహాభారతంలో ఘటోత్కచుడి కొడుకు, భీముడి మనవడు, మూడు బాణాలతో యుద్ధాన్ని ముగించగల యోధుడిగా ప్రసిద్ధి. ఈ నేపథ్యంతో సినిమా మైథాలజికల్ టచ్‌తో ఉంటుందని ప్రేక్షకులు ఊహించారు. కానీ, ఇది పూర్తిగా ఒక క్రైమ్ థ్రిల్లర్, రివేంజ్ డ్రామాగా రూపొందింది, ఇది కొంత నిరాశను కలిగించవచ్చు.

ప్లస్ పాయింట్స్

నటన: సత్యరాజ్ సైకాలజిస్ట్ శ్యామ్ పాత్రలో అద్భుతంగా నటించారు. మాటలు లేకుండానే భావోద్వేగాలను చక్కగా పలికించారు. ఉదయభాను లేడీ డాన్ పాత్రలో ఆకట్టుకుంది, ఆమె రీ-ఎంట్రీ ఈ సినిమాకు ఆకర్షణ. వశిష్ఠ ఎన్ సింహా, క్రాంతి కిరణ్, సత్యం రాజేష్‌లు తమ పాత్రల్లో ఒదిగిపోయారు.

స్క్రీన్‌ప్లే: దర్శకుడు మోహన్ శ్రీవత్స కథను ఎంగేజింగ్‌గా నడిపించారు. ఇంటర్వెల్ ట్విస్ట్, ప్రీ-క్లైమాక్స్ ట్విస్ట్‌లు థ్రిల్‌ను అందిస్తాయి.

సాంకేతిక అంశాలు: ఇన్ఫ్యూషన్ బ్యాండ్ సంగీతం, కుశేందర్ రమేష్ రెడ్డి సినిమాటోగ్రఫీ సినిమాకు బలం. వర్షంలో ఎక్కువగా సాగే సన్నివేశాలు విజువల్‌గా ఆకట్టుకుంటాయి.

సందేశం: సమాజంలో నేరాలు, జవాబుదారీతనం, బాధ్యతలను ఆలోచింపజేసే విధంగా చూపించారు.

Read also-Chiranjeevi Fan: అభిమానికి ‘అన్నయ్య’ ఆపన్న హస్తం.. ఇదెలా సాధ్యం సామీ..

మైనస్ పాయింట్స్

మైథాలజీ అంచనాలు: టైటిల్, ట్రైలర్‌లో బార్బరికుడి మైథాలజికల్ నేపథ్యం హైలైట్ చేయడంతో ప్రేక్షకులు ఫాంటసీ లేదా ‘కల్కి 2898 ఏడీ’ తరహా అనుభవం ఆశించారు. కానీ, సినిమా రెగ్యులర్ క్రైమ్ థ్రిల్లర్‌గా ఉండటం నిరాశ కలిగించింది.

స్క్రీన్‌ప్లే లోపాలు: సెకండ్ హాఫ్‌లో కొన్ని సన్నివేశాలు నీరసంగా, లాగ్ అయినట్లు అనిపిస్తాయి. కథ అక్కడక్కడ తిరుగుతున్న ఫీలింగ్ వస్తుంది.

ఎమోషనల్ డెప్త్: మనవరాలు మిస్ అయినప్పుడు తాత శ్యామ్ భావోద్వేగాలు సరిగా రిజిస్టర్ కాలేదు. ఎమోషనల్ సన్నివేశాలు థ్రిల్లర్ సీన్స్‌తో పోలిస్తే బలహీనంగా ఉన్నాయి.

క్లైమాక్స్ ట్విస్ట్: చివరి ట్విస్ట్ ఊహించినంత షాకింగ్‌గా లేదు, చాలామందికి ముందే అర్థమైపోతుంది.

రేటింగ్: 2.5/5