The EYE : వెంచ్ ఫిల్మ్ ఫెస్టివల్‌లో శృతి హాసన్ హాలీవుడ్ సినిమా!

The EYE : స్టార్ హీరోయిన్ శ్రుతి హాసన్ గురించి పత్యేకంగా చెప్పాల్సిన పని లేదు. కమలా హాసన్ కుమార్తెగా సినీ ఇండస్ట్రీలోకి ఎంట్రీ ఇచ్చి తనకంటూ ప్రత్యేకమైన గుర్తింపు తెచ్చుకుంది. అన్ని భాషల్లో నటిస్తూ పేక్షకులను అలరిస్తోంది. ఇప్పుడు ఏకంగా ఇంటర్నేషనల్ స్థాయిలో మూవీస్ చేస్తూ ఫ్యాన్స్‌కి షాక్ ఇస్తుంది. శ్రుతి హాసన్ నటించిన అంతర్జాతీయ తొలి చిత్రం ‘ది ఐ’ నుంచి తాజాగా ట్రైలర్ రిలీజ్ అయ్యింది. సైకలాజికల్ థ్రిల్లర్ ‘ది ఐ’కి డాఫ్నే ష్మోన్ దర్శకత్వం వహించారు. అయితే ఫిబ్రవరి 27 నుండి మార్చి 2, 2025 వరకు జరిగే హర్రర్, సైన్స్ ఫిక్షన్, ఫాంటసీ చిత్రాలను 5వ వెంచ్ ఫిల్మ్ ఫెస్టివల్‌ గ్రాండ్‌గా జరగబోతోంది. ఈ వేడుక ప్రారంభ ఫీచర్‌గా ‘ది ఐ’ చిత్రం భారత్ తరుపున ప్రీమియర్ కానుంది.

ఇక ట్రైలర్ విషయానికి వస్తే.. డయానా (శృతి హాసన్) తన భర్త ఫెలిక్స్ (మార్క్ రౌలీ) కోసం చేసే ప్రయాణమే ఈ ‘ది ఐ’. మరణించిన తన భర్తను మళ్లీ తిరిగి తీసుకువచ్చేందుకు చేసే ప్రయత్నాలు ఎంతో ఆసక్తిగా ఉండబోతోన్నాయని టీజర్ చూస్తే స్పష్టం అవుతోంది. తన భర్తను వెనక్కి తీసుకురావడానికి భార్య చేసి త్యాగాలు ఏంటి? ప్రయత్నాలు ఏంటి? అన్నది ఆసక్తికరంగా మారింది. గ్రీస్, ఏథెన్స్, కోర్ఫులోని అందమైన లొకేషన్‌లో చిత్రీకరించిన సీన్లు ప్రేక్షకులను మెప్పించేలా ఉన్నాయి. 2023లో లండన్ ఇండిపెండెంట్ ఫిల్మ్ ఫెస్టివల్‌లో, గ్రీక్ ఇంటర్నేషనల్ ఫిల్మ్ ఫెస్టివల్‌లో‘ది ఐ’ని ప్రదర్శించిన తర్వాత ప్రాజెక్ట్‌పై అందరిలోనూ మరింతగా ఆసక్తి నెలకొంది.

Also Read: టాలీవుడ్ మరో క్రష్‌గా కొత్త హీరోయిన్

ఈ సందర్భంగా శృతి హాసన్ మాట్లాడుతూ.. సైకలాజికల్ థ్రిల్లర్‌లు ఎప్పుడూ తనను ఆకర్షిస్తూనే ఉంటాయని చెప్పారు. మానవ భావోద్వేగాలు, దుఃఖం, అతీంద్రియ శక్తులు వంటి కాన్సెప్ట్‌లతో తీసే మూవీస్ అంటే చాలా ఇష్టమని పేర్కొన్నారు. మొత్తం మహిళల నేతృత్వంలోని ప్రొడక్షన్ హౌస్‌లో ఈ ప్రాజెక్ట్‌ను రూపొందించడం విశేషం. సినీ పరిశ్రమలో మహిళలకు మద్దతు ఇవ్వాలనే తన అభిరుచికి అనుగుణంగా ఈ ప్రాజెక్ట్ ఉంటుందని వెల్లడించారు. ఇక డాఫ్నే ష్మోన్ మాట్లాడుతూ.. ది ఐ సినిమాలోని పాత్ర శృతి హాసన్‌కు అద్భుతంగా అనిపిస్తుందని అన్నారు. ఎమోషన్స్, సంఘర్షణ ఇలా అన్ని రకాల ఎమోషన్స్‌ను చూపించే డయానా పాత్రలో శృతి హాసన్ చక్కగా నటించారని తెలిపారు. శ్రుతి హాసన్ ఎంతో పొటెన్షియల్ ఉన్న నటి. ఈ పాత్రకు ఆమె న్యాయం చేశారని పేర్కొన్నారు. ఆమె అద్భుతమైన నటన ప్రేక్షకులపై శాశ్వత ప్రభావాన్ని చూపుతుందని తెలిపారు. పర్యావరణానికి ఎలాంటి హాని కల్గించకుండా ఈ మూవీని షూట్ చేశారు. ప్రకృతిని హాని కల్గించకుండా సినిమాలు చేయడంలో భవిష్యత్ ప్రాజెక్ట్‌లకు ఇదొక ఉదాహరణగా నిలుస్తుంది