Samantha Wedding: దర్శకుడు రాజ్ నిడమోరును పెళ్లి చేసుకున్న సమంత రూత్ ప్రభు!.. ఎక్కడంటే?

Samantha Wedding: టాలీవుడ్ టాప్ హీరోయిన్ సమంత్ వివాహ బంధంలోకి అడుగుపెట్టారు. బాలీవుడ్ ప్రముఖులు రాజ్‌, సమంత సోమవారం ఉదయం తమిళనాడులోని కోయంబత్తూరు సమీపంలో ఉన్న ప్రఖ్యాత ఇషా యోగా సెంటర్‌లో ఏడడుగులు వేశారు. ఈ వివాహ వేడుక అత్యంత గోప్యంగా, కేవలం కొంతమంది సన్నిహితులు, కుటుంబ సభ్యుల సమక్షంలో జరిగింది. అందిన సమాచారం ప్రకారం, “వివాహం ఇషా యోగా సెంటర్‌లోని లింగ భైరవి ఆలయంలో సోమవారం ఉదయం జరిగింది.” అని ఒక అంతర్గత వర్గం వెల్లడించింది. ఈ వేడుకకు మొత్తం 30 మంది అతిథులు మాత్రమే హాజరయ్యారని తెలుస్తోంది. పెళ్లికూతురు సమంత ఎరుపు రంగు చీరలో మెరిసిపోయిందని ఆ వర్గాలు పేర్కొన్నాయి.  అయితే దీనికి సంబంధించిన పూర్తి సమాచారం సాయంత్రంలోపు తెలవనుంది.

Read also-Euphoria Teaser: గుణశేఖర్ ‘యుఫోరియా’ టీజర్ వచ్చేసింది చూశారా.. ఏం థ్రిల్ ఉంది మామా..

ఆదివారం రాత్రి నుంచే ఊహాగానాలు

రాజ్‌, సమంత పెళ్లి చేసుకోబోతున్నారనే ఊహాగానాలు ఆదివారం రాత్రి నుంచే మొదలయ్యాయి. ఈ పరిణామాల మధ్య రాజ్‌ మాజీ భార్య శ్యామలి దే ఇన్‌స్టాగ్రామ్ స్టోరీలో పెట్టిన ఓ పోస్ట్ అందరి దృష్టిని ఆకర్షించింది. ఆమె, “నిస్సహాయ స్థితిలో ఉన్న వ్యక్తులు నిస్సహాయమైన పనులు చేస్తారు” (Desperate people do desperate things) అని ఓ అర్థం గల కొటేషన్‌ను పంచుకున్నారు. ఇది రాజ్‌, సమంత వివాహాన్ని ఉద్దేశించినదేనా అనే చర్చ అప్పటి నుంచి మొదలైంది. రాజ్‌, శ్యామలి దే 2022లోనే విడాకులు తీసుకున్నారని సమాచారం.

Read also-Bigg Boss Telugu 9: ఇమ్మాన్యూయేల్ వ్యవహారంపై ఫైర్ అయిన రీతూ.. డీమాన్ పవన్ కాన్ఫిడెన్స్ ఏంటి భయ్యా..

గతేడాది నుంచే సాన్నిహిత్యం

రాజ్‌, సమంత మధ్య సాన్నిహిత్యం 2024 ఆరంభంలో మొదలైందని కథనాలు చెబుతున్నాయి. ఆ తర్వాత గత ఏడాదిగా సమంత ఏమాత్రం దాపరికాలు లేకుండా రాజ్‌తో కలిసి దిగిన ఫొటోలను తన సోషల్ మీడియా ఖాతాలలో పంచుకుంటూ వచ్చారు. వీరిద్దరూ త్వరలోనే పెళ్లి చేసుకోబోతున్నారని ఆ ఫొటోలు చెప్పకనే చెప్పాయి. ఇక సమంత గతంలో ప్రముఖ నటుడు నాగ చైతన్యను వివాహం చేసుకున్నారు. పెళ్లైన నాలుగేళ్ల తర్వాత వారు విడిపోయారు. నాగ చైతన్య ఆ తర్వాత నటి శోభిత ధూళిపాళను వివాహం చేసుకున్న విషయం తెలిసిందే. ఈ రోజు జరిగిన రాజ్‌-సమంత వివాహంతో, గత కొద్ది నెలలుగా నడుస్తున్న ఊహాగానాలకు తెరపడింది. బాలీవుడ్‌లో ఇప్పుడు ఇదే హాట్ టాపిక్‌గా మారింది.