Epaper 
Mangli Complaint: మంగ్లీ ఆలపించిన ‘బాయిలోన బల్లి పలికే’ పాట విడుదలైన కొద్ది రోజులకే యూట్యూబ్, ఇన్‌స్టాగ్రామ్‌లలో విశేష స్పందన దక్కించుకుంది. అనేకమంది సెలబ్రిటీలు, ప్రేక్షకులు ఈ పాటకు రీల్స్ చేస్తూ ట్రెండ్‌ను సృష్టించారు. అయితే, ఇదే సమయంలో ‘మేడిపల్లి స్టార్’ అనే ఇన్‌స్టాగ్రామ్ యూజర్ ఈ పాటను ఉద్దేశిస్తూ, మంగ్లీని వ్యక్తిగతంగా, సామాజిక వర్గాన్ని కించపరిచే విధంగా అసభ్యకరమైన వీడియోను పోస్ట్ చేశాడు. ఈ వీడియో నెట్టింట వైరల్ కావడంతో మంగ్లీ అభిమానులు, ఎస్టీ సామాజిక వర్గ ప్రముఖులు తీవ్ర ఆగ్రహం వ్యక్తం చేశారు. ఈ నేపథ్యంలో, సింగర్ మంగ్లీ ఈ వ్యవహారంపై తీవ్రంగా స్పందించి, హైదరాబాద్‌లోని ఎస్.ఆర్.నగర్ పోలీస్ స్టేషన్‌లో లిఖితపూర్వక ఫిర్యాదు దాఖలు చేశారు. తన పాటలు ప్రజలకు ఆనందాన్ని ఇస్తాయని, కానీ ఇలాంటి నీచమైన వ్యాఖ్యలు తనను ఎంతో బాధించాయని మంగ్లీ తన ఫిర్యాదులో పేర్కొన్నారు. ముఖ్యంగా మహిళగా, ఎస్టీ సామాజిక వర్గం నుంచి వచ్చిన వ్యక్తిగా ఇలాంటి అవమానాలు సహించలేనని స్పష్టం చేశారు.
మంగ్లీ ఫిర్యాదు నమోదు చేసిన 24 గంటలు గడవక ముందే, ఎస్.ఆర్.నగర్ పోలీసులు వేగంగా స్పందించి ‘మేడిపల్లి స్టార్’ అనే సదరు నిందితుడిని అదుపులోకి తీసుకున్నారు. మహిళా గౌరవాన్ని దెబ్బతీసేలా, షెడ్యూల్డ్ తెగలను అవమానించేలా చేసిన వ్యాఖ్యలకు సంబంధించి పోలీసులు అతనిపై ఎస్సీ/ఎస్టీ అట్రాసిటీ చట్టం సహా ఇతర సెక్షన్ల కింద కేసు నమోదు చేశారు. అయితే, పోలీసుల విచారణ సమయంలోనే నిందితుడు తాను చేసిన తప్పును తెలుసుకుని పశ్చాత్తాపం వ్యక్తం చేశాడు. ఈ క్రమంలోనే మంగ్లీకి క్షమాపణ చెబుతూ ఒక వీడియోను కూడా విడుదల చేశాడు. “నన్ను క్షమించు అక్క… ఇంకెప్పుడూ కించపరిచే కామెంట్స్ చేయను” అని ఆ వీడియోలో పేర్కొన్నారు. తన వీడియోలు సమాజాన్ని తప్పుదోవ పట్టించేలా ఉన్నాయని గుర్తించిన పోలీసులు, ఇటువంటి ద్వేషపూరిత వ్యాఖ్యలు చేసేవారిపై కఠిన చర్యలు తీసుకుంటామని హెచ్చరించారు.
Read also-Shobha Shetty VS Divya: ‘చిక్కులు, దిక్కులు, లెక్కలు’ టాస్క్ విజేత ఎవరు? యోధురాలిని దివ్య ఓడించిందా?
సోషల్ మీడియాలో సెలబ్రిటీలపై లేదా సామాజిక వర్గాలపై అనుచిత వ్యాఖ్యలు చేస్తే చట్టపరమైన చర్యలు తప్పవని ఈ సంఘటన మరోసారి రుజువు చేసింది. దీంతో సోషల్ మీడియా వేదికగా సైబర్ వేధింపులు చేసే వారికి ఈ ఘటన హెచ్చరిస్తుంది. ఏది ఏమైనా సమాజంలో ఇలాంటి కామెంట్లు చేసేవారిని కఠినంగా శక్షించాలని నెటిజన్లు కోరుతున్నారు. ప్రస్తుతం మంగ్లీని క్షమాపణలు కోరిన వ్యక్తి వీడియో సోషల్ మీడియాలో తెగ వైరల్ అవుతోంది. ఈ వీడియో అలాంటి కామెంట్లు చేసేవారికి తర్వాత ఏం జరుగుతుందో స్పస్టంగా తెలుపుతుంది.
ఇటీవల ఫోక్‌ సింగర్ మంగ్లీ పాడిన ‘బాయిలోన బల్లి పలికే’ పాటను ఓ వ్యక్తి కించపరుస్తూ వ్యాఖ్యలు చేశాడు. దీనిపై మంగ్లీ.. ఎస్ఆర్‌ నగర్ పోలీసులకు ఫిర్యాదు చేసింది. అయితే ఈ క్రమంలోనే మంగ్లీకి క్షమాపణ చెబుతూ సదరు వ్యక్తి ఓ వీడియో రిలీజ్ చేశాడు. ‘నన్ను క్షమించు అక్క.. ఇంకెప్పుడూ కించపరిచే… pic.twitter.com/o8YJ070qXu
— ChotaNews App (@ChotaNewsApp) November 28, 2025
