Gatha Vaibhavam trailer: దుష్యంత్ ‘గతవైభవం’ ట్రైలర్ వచ్చేసింది.. సినిమా విడుదల ఎప్పుడంటే?

Gatha Vaibhavam trailer: ఎస్.ఎస్. దుష్యంత్, ఆషికా రంగనాథ్ ప్రధాన పాత్రల్లో నటిస్తున్న ప్రతిష్టాత్మక ఫాంటసీ డ్రామా చిత్రం ‘గత వైభవం’ యొక్క అధికారిక ట్రైలర్ తాజాగా విడుదలై, ప్రేక్షకుల నుండి అద్భుతమైన స్పందనను అందుకుంటోంది. నవంబర్ 14, 2025న ప్రపంచవ్యాప్తంగా విడుదల కానున్న ఈ సినిమా ట్రైలర్, ప్రేక్షకులు ఊహించిన దాని కంటే ఎక్కువగానే విజువల్ వండర్‌ను, లోతైన భావోద్వేగాలను పంచుతూ సినిమాపై అంచనాలను అమాంతం పెంచేసింది.

Read also-Thalaivar 173 music: రజనీకాంత్ ‘తలైవార్ 173’ సంగీత దర్శకుడు అతడేనా.. అయితే ఫ్యాన్స్‌కు పండగే..

ట్రైలర్ మొత్తం కథను మూడు విభిన్న యుగాల మధ్య ఉన్న దృశ్యాలతో ఆసక్తికరంగా చూపించింది. పౌరాణిక ఫాంటసీ కాలం.. దేవలోకం లాంటి సెట్టింగ్‌లు, అత్యున్నత స్థాయి వీఎఫ్‌ఎక్స్ వీఎఫ్ ఎక్స్ ఉపయోగించి సృష్టించిన అద్భుతమైన ప్రపంచం ఈ కథ యొక్క మూలాన్ని తెలియజేస్తుంది. ఇక్కడ పురాథన్-ఆధునికాల బంధం ఎలా మొదలైందో సూచించారు. రెండోది చారిత్రక కాలం వాస్కో డ గామా భారతదేశానికి వచ్చిన తీర ప్రాంతాల నాటి దృశ్యాలు, సాంప్రదాయ వస్త్రధారణ, పోరాట సన్నివేశాలు నాటి ప్రేమ, పోరాట అంశాలను పరిచయం చేశాయి. మూడోది ఆధునిక కాలం ప్రస్తుత కాలంలో కలిసిన ఈ జంట, తమ గత జన్మల బంధాన్ని తెలుసుకుని, ప్రేమ, నొప్పి, హాస్యం కలగలిపిన ప్రయాణాన్ని ఎలా కొనసాగించారనేది ట్రైలర్‌లో ఎమోషనల్‌గా హైలైట్ అయింది.

Read also-Telugu Reality Shows Impact: తెలుగు రియాలిటీ షోల వల్ల ఎంటర్‌టైన్మెంట్ తప్పుదారి పడుతుందా?.. అసలు వాటి వల్ల లాభమా?.. నష్టమా?

ట్రైలర్ హైలైట్స్

ట్రైలర్‌లో కనిపించిన ప్రతి ఫ్రేమ్ చాలా రిచ్‌గా, భారీగా ఉంది. అత్యద్భుతమైన విజువల్స్ కలర్ టోన్ సినిమాను ఒక దృశ్య కావ్యంగా మారుస్తాయని స్పష్టమైంది. దుష్యంత్, ఆషికా రంగనాథ్‌ల కెమిస్ట్రీ అద్భుతంగా ఉంది. మూడు యుగాలకు తగినట్లుగా వారి వేర్వేరు నటన, భావోద్వేగాలు ప్రేక్షకులను ఆకట్టుకున్నాయి. ముఖ్యంగా పీరియడ్ డ్రామా సెట్టింగ్‌లలో వారి అభినయం బలంగా కనిపించింది. దర్శకుడు సింపుల్ సుని చరిత్ర, పురాణం, విధి వంటి తీవ్రమైన అంశాలను నేటి తరం ప్రేక్షకులను ఆకట్టుకునేలా హాస్యం, శృంగారం వంటి ఆధునిక అంశాలతో మేళవించిన విధానం కొత్తగా ఉంది.
జుడా సాంధీ అందించిన నేపథ్య సంగీతం ఈ యుగాల మధ్య ప్రయాణాన్ని బలంగా పలికింది. ముఖ్యంగా ఉద్వేగభరిత సన్నివేశాలలో సంగీతం అదనపు బలాన్ని ఇచ్చింది. ట్రైలర్‌ను బట్టి చూస్తే, ‘గత వైభవం’ కేవలం ఒక రొమాంటిక్ సినిమా మాత్రమే కాదని, లోతైన కథాంశం, అద్భుతమైన సాంకేతిక విలువలతో కూడిన ఒక పాన్-ఇండియన్ స్థాయి ఫాంటసీ డ్రామా అని తెలుస్తోంది. తెలుగులో ఈ సినిమాను ప్రైమ్‌షో ఎంటర్‌టైన్‌మెంట్ విడుదల చేస్తుండడంతో, ప్రేక్షకుల్లో భారీ అంచనాలు నెలకొన్నాయి.