Bigg Boss: సోయల్ ఇజ్జత్ తీసిన బిగ్ బాస్.. ఏంది బాసూ ఆ రచ్చ..

Bigg Boss: బిగ్ బాస్ తెలుగు సీజన్ 9 రోజు రోజుకూ వినోదం ఆకాశాన్నంటేలా చేస్తుంది. 81వ రోజు అయితే అది మరింత పెరిగింది. ఈ సారి బిగ్ బాస్ ఇంటిలోకి వచ్చిన గెస్ట్ చేసిన హంగామా చూస్తే పీక్స్ లో ఉంది. తాజాగా 81 రోజుకు సంబంధించి ప్రోమో విడుదలైంది. ఈ రోజు వచ్చిన గెస్ట్ ఎవరంటే.. సోయల్. ఆయన రావడంతోనే అందరూ డాన్సులు వేస్తూ స్వాగతం పలికారు. దీంతో ఒక్క సారిగా బిగ్ బాస్ హౌస్ మొత్తం ఉత్సాహంగా మారింది. సోయల్ రాకను అందరూ ఊహించే ఉంటారు. ఎందుకంటే ఎవరూ ఆశ్చర్యానికి గురికాలేదు. నువ్వు వస్తావని తెలుసు అంటూ సమాధానం ఇచ్చారు. దీంతో అక్కడి వాతావరణం ఒక్క సారిగా నవ్వులు పూయించింది. అనంతరం సోయల్ మాట్లాడుతూ.. మీకు దాదాపు ఆరు వారాలనుంచి చికెన్ పెట్టడంలేదా.. ఇదేం దారుణం గురు ఇలా అయితే నేను అసలు ఉండే వాడినే కాదు. ఏదో ఒక సమయంలో చిరాకు దొబ్బి అక్కడి నుంచి గోడదూకి పారిపోయే వాడిని అంటూ చెప్పుకొచ్చారు. దీంతో బిగ్ బాస్ మాట్లాడు బిగ్ బాస్ ఇజ్జత్ పోతది. మాకు కేజీ చికెన్ రెండు పాల ప్యాకెట్లు కావాలి పంపించు. అని ఆదేశిస్తాడు దానికి బిగ్ బాస్ స్పందించదు.

అయినా బిగ్ బాస్ మాట్లాడక పోవడంతో కెమెరా ముందుకు వెళ్లి బతిమాలతాడు. అయినా సరే బిగ్ బాస్ స్పందించదు. దీంతో కెమెరా దగ్గరకు వెళ్లిన సోయల్.. బిగ్ బాస్ ప్లీజ్ బిగ్ బాస్ నా ఇజ్జత్ పోతుంది. నేను అడిగినవి పంపించు బిగ్ బాస్ అని ఫేస్ గంభీరంగా పెట్టి అడుగుతాడు దీంతో అక్కడి ఉన్న వారికి ఇదంతా అర్థం అయిపోతుంది. సోయల్ బాడీ లంగ్వేజ్ గంభీరంగా పెట్టినా బిగ్ బాస్ ను రిక్వెస్ట్ చేస్తున్నాడని. అలా చేసిన కొంత సేపటికి బెల్ మోగుతుంది. దీంతో సోయల్ ఆనందానికి హద్దులు లేకుండా పోతాయి. నేను అడిగింది బిగ్ బాస్ ఇచ్చేశాడంటూ.. సోయల్ తెగ సంబర పడతాడు ఐటమ్స్ తేవడానికి రీతూ చౌదరి వెళుతుంది. వాటిని తేగానే.. అందులో ఉన్న వాటిని చూసి సభ్యలు ఒక్కసారిగా కంగుతింటారు. ఎందుకంటే వాటిలో చికెన్ పాలు ఉండవు. వాటి నమూనాలు ఉంటాయి దీంతో అందరూ ఒక్క సారిగా నిరాశకు గురవుతారు. దీంతో మంళ్లీ సోయల్ బిగ్ బాస్ కెమెరా ముందుకు వచ్చి.. ప్లీజ్ బిగ్ బాస్ పంపించు అని అర్థిస్తాడు. దీనిని అక్కడ ఉన్న రీతూ చౌదరి చూసేస్తుంది. దీంతో సోయల్ ను కొంతసేపు ఆటపట్టిస్తుంది.

ఎట్టకేలకు సోయల్ కోసం బిగ్ బాస్ ఇంటిలోకి చికెన్ పాలు పంపిస్తాడు బిగ్ బాస్. దీంతో బిగ్ బాస్ ఇంట్లో అందరూ సంతోషంలో మునిగిపోతారు. అవి వచ్చిన ఆనందంలో పాటలు పాడుతూ డాన్సులు చేస్తుంటారు. అయితే అవి వచ్చిన తర్వాత ఏం జరిగింది. అవి తిన్నాకా టాస్క్ ఎమైనా ఇచ్చాడా బిగ్ బాస్? ఈ రోజు మొత్తం సంతోషంగానే సాగుతుందా? అనే విషయాలు తెలుసుకోవాలంటే ఈ రోజు సాయంత్రం వరకూ ఆగాల్సిందే. ప్రస్తుతం ఫైనల్ కెప్టెన్సీ కోసం జరుగుతున్న పోరులో ఇంట్లో సభ్యులు తమ శక్తికి మించి పోరాడుతున్నారు. చివరి కెప్టెన్ ఎవరు అవుతారు అన్నది ప్రేక్షకుల్లో ఆసక్తిని రేకెత్తిస్తుంది.