Bandla Ganesh: తేజ సజ్జాపై షాకింగ్ కామెంట్స్ చేసిన బండ్లగణేష్.. అది నిజమేనా..

Bandla Ganesh: తెలుగు సినిమా పరిశ్రమలో హీరో తేజ సజ్జా పై ప్రముఖ నిర్మాత, నటుడు బండ్ల గణేష్ చేసిన వ్యాఖ్యలు ఇప్పుడు సోషల్ మీడియాలో తెగ వైరల్ అవుతున్నాయి. దీపావళి పండుగ సందర్భంగా బండ్ల గణేష్ టాలీవుడ్ హీరోలకు ఒక గ్రాండ్ పార్టీ ఇచ్చారు. ఆ పార్టీక అతిథిగా వచ్చిన ‘మిరాయ్’ హీరో తేజ సజ్జా ను ఆహ్వానిస్తూ.. మీడియా ముందు చేసిన కొన్ని వ్యాఖ్యలు ఇప్పుడు వైరల్ గా మారుతున్నాయి. ఈ పార్టీకి మెగాస్టార్ చిరంజీవి, వెంకటేష్, శ్రీ కాంత్, తేజ సజ్జా, తరుణ్, బెల్లంకొండ శ్రీను,  సిద్ధు జొన్నలగడ్డ, నిర్మాత మైత్రీ మూవీ మేకర్స్ నిర్మాత నవీన్, దర్శకుడు హరీష్ శంకర్ తదితరులు వచ్చారు. ఇప్పటికే హనుమాన్, మిరాయ్ సినిమాలతో బ్లాక్ బాస్టర్లు కొట్టిన తేజ సజ్జ ఆయన అన్న వ్యాఖ్యలు సరిగ్గా సరిపోతాయంటూ నెటిజన్లు కామెంట్లు పెడుతున్నారు.

Read also-Akhanda 2: ఆ సినిమాల సక్సెస్‌తో ‘అఖండ 2’పై క్రేజ్ తగ్గుతుందా?

బండ్ల గణేష్ ఏం అన్నారంటే.. “భారతీయ సినిమా పరిశ్రమలో మరో అల్లు అర్జున్ కాకపోతే నన్ను అడగండి!” అని పేర్కొన్నారు. ఇది అంటే, స్టైలిష్ స్టార్ అల్లు అర్జున్ (బన్నీ) తర్వాత తేజ సజ్జా ఒకేలా సూపర్‌స్టార్ అవుతారని, తన మాట తప్పితే తనను తప్పుబట్టుకోవచ్చని అర్థం. ఈ వ్యాఖ్యకు అక్కడ ఉన్న అందరూ దానిని సమర్థించారు. ఇది కేవలం ఒక కామెంట్ కాదు… తేజ సజ్జా భవిష్యత్తును ఊహించేలా ఉంది. ఈ వీడియో క్లిప్ ఇప్పుడు ఎక్స్ (ట్విట్టర్), ఇన్‌స్టాగ్రామ్, యూట్యూబ్‌లో విస్తృతంగా పంచుకుంటున్నారు. దీనిని చూసిన తేజ సజ్జా ఫ్యాన్స్ ఆనందానికి హద్దులు లేకుండా పోతుంది. కొందరు “తేజ సూపర్‌హీరో నుంచి సూపర్‌స్టార్‌గా మారతాడు” అంటూ కామెంట్లు పెడుతున్నారు.

Read also-Deepika Padukone: మాతృత్వంపై ఎమోషనల్ అవుతున్న దీపికా పదుకొణె.. అందుకేనా మార్పు..

తేజ సజ్జా తెలుగు సినిమాల్లో ఇటీవల ‘హానుమాన్’తో సూపర్ హిట్ ఇచ్చాడు. ఆ తర్వాత వచ్చిన ‘మిరాయ్’ సినిమా కూడా బ్లాక్‌బస్టర్. ఈ రెండు సినిమాల్లోనూ అతని యాక్షన్, ఎమోషన్స్, మాస్ అప్పీల్ అదిరిపోయాయి. ప్రసాంత్ వర్మ డైరెక్టర్‌తో మూడోసారి కలిసి ‘జాంబీ రెడ్డి 2’ చేస్తున్నాడు. ఇది 2027 సంక్రాంతి సమయంలో విడుదల కావచ్చు. ఇలాంటి సక్సెస్ బ్యాక్‌గ్రౌండ్‌లో గణేష్ మాటలు ఇంకా పెద్ద అర్థం కలిగించాయి. అల్లు అర్జున్‌లా మల్టీ-టాలెంటెడ్ స్టార్ అవుతాడని చెప్పడం వల్ల ఫ్యాన్స్ మధ్య డిబేట్ కూడా మొదలైంది. అయితే తేజ సజ్జాకు మాత్రం పాన్ ఇండియా స్టార్ అవ్వడానికి సరిపడా అన్ని క్వాలిటీస్ ఉన్నాయని టాలీవుడ్ పెద్దలు చెబుతున్నారు.