Andhra King Taluka : రామ్ పోతినేని ‘ఆంధ్ర కింగ్ తాలూకా’ రివ్యూ..

వివరాలు

సినిమా: ఆంధ్ర కింగ్ తాలూకా
దర్శకుడు: పి. మహేష్ బాబు
నటీ నటులు: రామ్ పోతినేని, భాగ్యశ్రీ బోర్సే, ఉపేంద్ర, రావు రమేష్, మురళి శర్మ, రాజీవ్ కనకాల, సత్య, రాహుల్ రామకృష్ణ తదితరులు.
సంగీతం: వివేక్ మెర్విన్
నిర్మాణం: మైత్రి మూవీ మేకర్స్
రిలీజ్ డేట్: నవంబర్ 27, 2025

Andhra King: ఎప్పటి నుంచో హిట్ కోసం ఎదురు చూస్తున్న రామ్ పోతినేని ఆంధ్ర కింగ్ తాలూకా సినిమాతో మరో సారి ప్రేక్షకుల ముందుకు వచ్చారు. ఎప్పటిలాగా ప్రేమకథలు కాకుండా 90 ల దశకంలో హీరోలను ఆరాధించే అభిమానిగా కనిపించాడు. ఈ సినిమాను తన అభిమాని ప్రతి ఒక్కరికీ అంకితం ఇస్తున్నానని, ఈ సారి సినిమా ప్రతి హీరో అభిమానికీ తప్పకుండా నచ్చుతుందని కూడా చెప్పుకొచ్చారు. దీంతో ఈ సినిమాపై భారీ అంచనాలు పెట్టుకున్నారు అభిమానులు. అంతటి హైప్ ఇచ్చిన ఈ సినిమా రామ్ పోతినేని కెరీర్ లో మంచి చిత్రంగా నిలుస్తుందా. మళ్లీ రామ్ ను స్టార్ గా నిలబెడుతుందా? అభిమానులు ఈ సినిమా గురించి ఏం అనుకుంటున్నారు. ఫుల్ రివ్యూ ఇక్కడ తెలుసుకోండి..

కథాంశం

‘ఆంధ్ర కింగ్ తాలూకా’ అనేది ఒక సాధారణ కథాంశం అయినప్పటికీ, దీనిని చెప్పిన విధానం, కథలోని ఎమోషనల్ డెప్త్ ఈ సినిమాను ప్రత్యేకంగా నిలబెట్టింది. సినిమా కథ ప్రధానంగా సాగర్ (రామ్ పోతినేని) అనే వీరాభిమాని చుట్టూ తిరుగుతుంది. సాగర్ అంటే కేవలం అభిమాని కాదు, సినిమా హీరో సూర్య కుమార్ (ఉపేంద్ర) ను తన దేవుడిగా, తన జీవితాన్ని నడిపించే వ్యక్తిగా భావించే ఆరాధకుడు. విజయ్ చిన్ననాటి నుంచే అవినాష్ పట్ల చూపించే పిచ్చి అభిమానం, ఆ హీరో కోసం తను చేసే త్యాగాలు, పనులు… ఇవన్నీ ఫస్టాఫ్‌లో కనిపిస్తాయి. అయితే, ఒక సందర్భంలో హీరో సూర్యకుమార్ ఒక పెద్ద వివాదంలో చిక్కుకుంటాడు. ఆ సమయంలో, తన జీవితాన్ని, గౌరవాన్ని కాపాడటానికి సాగర్ ఎలా తన పల్లెటూరు నేపథ్యం నుంచి, బయటపడి పోరాడాడు, అంతిమంగా హీరో-అభిమాని మధ్య ఉన్న బంధం ఎలాంటి మలుపు తిరిగింది అనేది ఈ సినిమా కథ.

నటీనటుల పనితీరు

ఈ సినిమా రామ్ పోతినేని ఒన్ మ్యాన్ షో అని చెప్పవచ్చు. ఈ సినిమాకు బలం, వెన్నెముక కూడా ఆయనే. చాలా కాలం తర్వాత రామ్ తన సహజమైన ఎనర్జిటిక్, ఇన్నోసెంట్ నటనతో ప్రేక్షకులను కట్టిపడేశారు. సాగర్ పాత్రలోని అమాయకత్వం, ప్రేమ, కోపం, ఆరాధన ఈ నాలుగు కోణాలను అద్భుతంగా పలికించారు. ముఖ్యంగా, క్లైమాక్స్ లోని ఎమోషనల్ సన్నివేశాలలో ఆయన నటనకు ప్రేక్షకులు కంటతడి పెట్టుకోక తప్పదు. ఇది ఆయన కెరీర్‌లో ఉత్తమ ప్రదర్శనల్లో ఒకటిగా నిలుస్తుంది. హీరో పాత్రలో ఉపేంద్ర గంభీరంగా, స్టైలిష్‌గా కనిపించారు. తన పరిధి మేరకు పర్ఫెక్ట్ గా నటించారు. హీరోకు ఉండాల్సిన గ్లామర్, మాస్ అప్పీల్ ను తెరపై చూపించడంలో విజయం సాధించారు. రామ్‌తో ఆయన కెమిస్ట్రీ కూడా చక్కగా కుదిరింది. హీరోయిన్ పాత్రకు సినిమాలో పెద్ద ప్రాధాన్యత లేదు. కేవలం కథనంలో ఒక భాగంలా మాత్రమే కనిపిస్తుంది.

సాంకేతిక అంశాలు

దర్శకుడు మహేష్ బాబు ఎంచుకున్న పాయింట్ సింపుల్ అయినా, దానిని ప్యాకప్ చేసిన విధానం మెచ్చుకోదగినది. కథను నిజాయితీగా, భావోద్వేగంగా చెప్పడానికి ప్రయత్నించారు. ఫస్టాఫ్‌లో కాస్త నెమ్మదించినా, సెకండాఫ్‌లో ప్రేక్షకుడిని భావోద్వేగంతో పాటు నడిపించడంలో విజయం సాధించారు. డైలాగ్స్ చాలా పవర్‌ఫుల్‌గా, ఆలోచింపజేసేలా ఉన్నాయి. వివేక్-మెర్విన్ అందించిన సంగీతం బాగుంది. ముఖ్యంగా టైటిల్ సాంగ్, ఎమోషనల్ మెలోడీ ప్రేక్షకులకు కనెక్ట్ అవుతాయి. నేపథ్య సంగీతం అయితే కథలోని ఎమోషన్‌ని, హీరోల ఎలివేషన్‌ను పెంచడంలో కీలక పాత్ర పోషించింది. సినిమాటోగ్రఫీ చాలా రిచ్‌గా ఉంది. కలర్ టోన్ ఫ్రేమింగ్ బాగుంది. నిర్మాణ విలువలు కూడా ఉన్నతంగా ఉన్నాయి.