Epaper 
Crime | విడాకుల కోసం వచ్చిన ఓ యువతిని ఏకంగా ప్రెగ్నెంట్ చేశాడు ఓ లాయర్. ఈ ఘటన భద్రాద్రి కొత్తగూడెం జిల్లాలో చోటుచేసుకుంది. సదరు బాధితురాలు సెల్ఫీ వీడియో రిలీజ్ చేసింది. భద్రాచలం సర్పాకకు చెందిన తాను భర్త నుంచి విడాకుల కోసం రెండేళ్ల క్రితం లాయర్ కార్తీక్ వద్దకు వెళ్లినట్టు ఆమె చెప్పింది. పెళ్లి చేసుకుంటానని చెప్పడంతో కలిసి సహజీవనం చేశామని.. చివరకు తాను ప్రెగ్నెంట్ కావడంతో ముఖం చాటేస్తున్నాడని కార్తీక్ పై ఆమె ఆరోపణలు చేస్తోంది. అబార్షన్ అయ్యేందుకు ట్యాబ్లెట్లు ఇస్తే తాను వేసుకోలేదని.. పెళ్లి చేసుకోమంటే తప్పించుకుని తిరుగుతున్నాడంటూ ఆమె చెప్పుకొచ్చింది.
లాయర్ కార్తీక్ పై ఇప్పటికే తాను పోలీసులను కలిస్తే.. పెళ్లి చేసుకునేది లేదని కార్తీక్ తేల్చి చెబుతున్నట్టు ఆమె వివరించింది. దీంతో ఈ ఘటన ఇప్పుడు సెన్సేషన్ గా మారిపోయింది. ప్రస్తుతం కార్తీక్ ఎక్కడున్నాడో తెలియదని.. తనకు న్యాయం చేయాలని ఆమె వీడియోలో కోరుతోంది.
