Shambhala: వెర్సటైల్ యాక్టర్ ఆది సాయి కుమార్ (Aadi Sai Kumar) హీరోగా.. షైనింగ్ పిక్చర్స్ బ్యానర్‌పై రాజశేఖర్ అన్నభిమోజు, మహీధర్ రెడ్డి నిర్మించిన చిత్రం ‘శంబాల’ (Shambhala). యగంధర్ ముని (Ugandhar Muni) దర్శకత్వంలో ఈ చిత్రం రూపుదిద్దుకుంది. అర్చన అయ్యర్, స్వసిక, రవివర్మ, మధునందన్, శివ కార్తీక్ తదితరులు కీలక పాత్రల్ని పోషించిన ఈ సినిమాను డిసెంబర్ 25న భారీ ఎత్తున రిలీజ్ చేసేందుకు మేకర్స్ సన్నద్ధమయ్యారు. చిత్ర ప్రమోషన్స్‌లో భాగంగా ఈ చిత్ర ప్రీ రిలీజ్ వేడుకను గ్రాండ్‌గా నిర్వహించారు. ఈ ఈవెంట్‌కు మంచు మనోజ్, కిరణ్ అబ్బవరం, ప్రియదర్శి, థమన్, అనిల్ రావిపూడి, నవీన్ యెర్నెని, టీజీ విశ్వ ప్రసాద్, అశ్విన్ బాబు, మైత్రి శశి వంటి ప్రముఖులు గెస్ట్‌లుగా హాజరయ్యారు.

హిట్లు కొట్టడం ఒకెత్తు అయితే..

ఈ కార్యక్రమంలో కిరణ్ అబ్బవరం (Kiran Abbavaram) మాట్లాడుతూ.. ‘శంబాల’పై మొదటి నుంచీ పాజిటివ్ వైబ్ ఉంది. యుగంధర్ ముని దర్శకత్వ ప్రతిభ ఏంటో అందరికీ తెలుసు. శ్రీ చరణ్ పాకాల ఆర్ఆర్, మ్యూజిక్ నాకు చాలా ఇష్టం. ‘ఎస్ఆర్ కళ్యాణమండపం’లో ధర్మ కారెక్టర్ కోసం సాయి కుమార్ సార్ వద్దకు వెళ్లాను. ఆ టైంలో ఆయన మాకు చేసిన సపోర్ట్‌ని ఎప్పటికీ మర్చిపోలేను. ఇండస్ట్రీలో నాకు పరిచయమైన పెద్ద హీరో ఆయనే. ఆయన వల్లే నా కెరీర్ బాగుందని అనుకుంటూ ఉంటాను. ఇండస్ట్రీలోని ప్రతీ ఒక్కరి గురించి పాజిటివ్‌గానే మాట్లాడతారు. ప్రతీ సినిమా హిట్ అవ్వాలని కోరుకుంటారు. ఆది అన్న ‘ప్రేమ కావాలి’ సినిమా టైంకి నేను ఇంటర్‌లో ఉన్నాను. హిట్లు కొట్టడం ఒకెత్తు అయితే.. ఇండస్ట్రీలో నిలదొక్కుకోవడం మరో ఎత్తు.. అని ఆది అన్నని చూస్తే అర్థమైంది. ‘శంబాల’ గురించి పాజిటివ్ టాక్ వింటున్నాను. ఈ సారి ఆది అన్నకి మంచి సక్సెస్ రావాలని మనస్ఫూర్తిగా కోరుకుంటున్నానని అన్నారు. మంచు మనోజ్ (Manchu Manoj) మాట్లాడుతూ.. ‘శంబాల’ ట్రైలర్ చాలా బాగుంది. ఆదికి ఈ చిత్రంతో మంచి విజయం రావాలి. చిన్న సినిమా పెద్ద సినిమా అని ఉండదు.. మంచి చిత్రాల్ని ఆడియెన్స్ ఎప్పుడూ ఆదరిస్తూనే ఉంటారు. నిరంతరం కష్టపడుతూ ఉండే ఆదికి ఈ చిత్రంతో బ్లాక్ బస్టర్ రావాలి. కథను నమ్మి ఇంత ఖర్చు పెట్టిన నిర్మాతలకు హ్యాట్సాఫ్ చెబుతున్నాను. ఈ చిత్రం పెద్ద హిట్ అవ్వాలని కోరుకుంటున్నాను. డిసెంబర్ 25న ఈ చిత్రాన్ని అందరూ థియేటర్లోనే చూడండని అన్నారు.

Also Read- Bigg Boss Telugu 9: విన్నర్ ప్రైజ్ మనీ ఎంతంటే? తనూజ రాంగ్ డెసిషన్!

ఆది అద్భుతమైన నటుడు

అనిల్ రావిపూడి (Anil Ravipudi) మాట్లాడుతూ.. ఈ సినిమాకు పని చేసిన ప్రతీ ఒక్కరికీ మంచి పేరు, సక్సెస్ రావాలని కోరుకుంటున్నాను. సాయి కుమార్ సార్ నాకు ఫ్యామిలీ మెంబర్. ఆది నాకు బ్రదర్ వంటి వాడు. ఆది ఇప్పటి వరకు ఎన్నో జానర్లను ట్రై చేశాడు. ఎన్నో వైవిధ్యమైన చిత్రాలు చేశాడు. నా దృష్టిలో ఆది అద్భుతమైన నటుడు. ఈ చిత్రంతో ఆదికి మంచి విజయం దక్కాలి. డిసెంబర్ 25న ‘శంబాల’ బ్లాక్ బస్టర్ అన్న టాక్‌‌తో టీమ్ అంతా సంతోషంగా ఉండాలని కోరుకుంటున్నానని తెలిపారు. సంగీత దర్శకుడు థమన్ (Thaman) మాట్లాడుతూ.. సాయి కుమార్ సార్, ఆది మంచి మనసు చూసి ఈ రోజు ఇంత మంది ఇక్కడికి వచ్చారు. ఆది చాలా మంచి పర్సన్. ఆది ‘శంబాల’ గురించి ఎప్పుడూ చెబుతూనే ఉంటాడు. డిసెంబర్ 25న ఈ చిత్రం బ్లాక్ బస్టర్ అవ్వాలని కోరుకుంటున్నాను. శ్రీ చరణ్ పాకాల ఆర్ఆర్ అదిరిపోయింది. ఈ రోజు ఇచ్చిన లైవ్ పర్ఫామెన్స్ కూడా అదరగొట్టేశాడు. దర్శక, నిర్మాతలు, శంబాల టీంకు ఆల్ ది బెస్ట్ అని చెప్పారు.

అన్ని రకాల ఎమోషన్స్ పండించే హీరో

దర్శకుడు యుగంధర్ ముని మాట్లాడుతూ.. నిర్మాత రాజశేఖర్ వల్లే ఈ ‘శంబాల’ స్టార్ట్ అయింది. ఆ తర్వాత కథను మరో నిర్మాత అయిన మహీధర్‌కు కూడా చెప్పాం. ఆ ఇద్దరే ఈ చిత్రానికి బ్యాక్ బోన్‌లా నిల్చున్నారు. అన్ని రకాల ఎమోషన్స్ పండించే హీరో కావాలని నిర్మాతలకు చెప్పాను. అప్పుడే ఈ ప్రాజెక్ట్‌లోకి ఆది వచ్చారు. ఆయనకు కూడా కథ చాలా నచ్చింది. నాకు అండగా నిలిచిన ఆదికి థాంక్స్. నా టెక్నికల్ టీం సపోర్ట్ వల్లే సినిమాను ఇంత గొప్పగా తీయగలిగానని తెలిపారు. నిర్మాత మహీధర్ రెడ్డి మాట్లాడుతూ.. ‘శంబాల’ కోసం టీం అంతా చాలా కష్టపడింది. యుగంధర్ ఈ మూవీని అద్భుతంగా తెరకెక్కించారు. డిసెంబర్ 25న రాబోతోన్న మా సినిమాను అందరూ చూసి విజయాన్ని అందించాలని కోరుకుంటున్నామని అన్నారు. మరో నిర్మాత రాజశేఖర్ అన్నభిమోజు మాట్లాడుతూ.. ‘శంబాల’ చిత్రం చాలా బాగా వచ్చింది. డిసెంబర్ 25న మా మూవీ రాబోతోంది. అందరూ మా సినిమాను చూసి హిట్ చేయాలని కోరుకుంటున్నాను’ అని అన్నారు.

Also Read- Shambhala: నేచురల్ స్టార్ వదిలిన ‘శంబాల’ మిస్టికల్ ట్రైలర్.. ఎలా ఉందంటే?

హిట్టు కోసం నాన్న ఎదురు చూస్తున్నారు

ఆది సాయి కుమార్ మాట్లాడుతూ.. ‘శంబాల’ వేడుకకు వచ్చిన అందరికీ ధన్యవాదాలు. నా ఈ ప్రయాణంలో ఇప్పటి వరకు మీడియా, ఆడియెన్స్ ఎప్పుడూ సపోర్ట్ చేస్తూనే వచ్చారు. గత ఏడాది డిసెంబర్‌లో ‘శంబాల’ ఫస్ట్ పోస్టర్‌ నుంచి అంతా సపోర్ట్ ఇస్తూనే ఉన్నారు. టీజర్‌ను దుల్కర్ విడుదల చేశారు. ప్రభాస్, నాని రిలీజ్ చేసిన ట్రైలర్‌లు అంచనాల్ని పెంచేశాయి. యుగంధర్ ముని అద్భుతంగా తీశాడు కాబట్టే ఈ రోజు చిత్రంపై ఇంత హైప్ ఏర్పడింది. దర్శక, నిర్మాతలు ఎక్కడా కాంప్రమైజ్ కాలేదు. బడ్జెట్ ఎక్కువైనా కూడా నిర్మాతలు మహీధర్, రాజశేఖర్ వెనుకాడలేదు. ప్రవీణ్ విజువల్స్, శ్రీచరణ్ ఆర్ఆర్ సినిమాకు ప్రధాన ఆకర్షణగా నిలుస్తాయి. ‘శంబాల’లో అందరూ అద్భుతంగా నటించారు. థియేటర్లో అందరూ మా మూవీని చూసి సర్‌ప్రైజ్ అవుతారు. ఈ చిత్రాన్ని అందరూ థియేటర్లలో చూస్తేనే ఆ ఫీల్‌‌ను ఎంజాయ్ చేయగలరు. నాకు సినిమా తప్ప ఇంకో ప్రపంచం తెలీదు. సాయి కుమార్ కొడుకుగా పుట్టడం నేను చేసుకున్న అదృష్టం. ఆయన కొడుకుని అని చెప్పుకోవడాన్ని ఎప్పటికీ గర్వంగా ఫీల్ అవుతాను. నేను హిట్టు కొట్టాలని ఆయన ఎంతగానో ఎదురు చూస్తున్నారు. ఈసారి ఆయన కోరిక తీరుతుంది. ‘శంబాల’తో మేం డిసెంబర్ 25న హిట్టు కొట్టబోతున్నాం. క్రిస్మస్‌కి రిలీజ్ కాబోతోన్న అన్ని చిత్రాలు హిట్ అవ్వాలని కోరుకుంటున్నానని చెప్పుకొచ్చారు. ఇంకా ఈ కార్యక్రమంలో హాజరైన పలువురు ప్రముఖులు మాట్లాడారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు