Nayanthara | యష్ తో నయన్… ఒక్క హింట్ తో దొరికిపోయారుగా!!

అతి తక్కువ సమయంలోనే స్టార్ హీరోల జాబితాలో చేరిపోయిన యష్ నుండి తాజాగా వస్తున్న చిత్రం ‘టాక్సిక్’. కేజీఎఫ్ 1, కేజీఎఫ్ 2 చిత్రాల సిరీస్ తో పాన్ ఇండియా హీరోల సరసన చేరారు యష్. కేజీఎఫ్ సిరీస్ లలో రాఖీభాయ్ గా అలరించాడు. ప్రస్తుతం ఈ హీరో ‘టాక్సిక్’ మూవీతో ప్రేక్షకుల ముందుకు వస్తున్నాడు. ఏప్రిల్ 10న ప్రపంచవ్యాప్తంగా ఈ సినిమా రిలీజ్ కాబోతోంది. ఇప్పటికే చిత్రీకరణ కూడా సగం పూర్తయింది. ఇటీవలే టీజర్ ని కూడా రిలీజ్ చేశారు. ఈ టీజర్ తో ఒక్కసారిగా మూవీపై అంచనాలు భారీగా పెరిగిపోయాయి. కానీ ఇందులో హీరోయిన్ గా నటిస్తున్న కియారా అద్వానీని మాత్రం టీజర్ లో చూపించలేదు. దీనికి తోడు ఈ సినిమాలో నయనతార (Nayanthara) కీలక పాత్ర పోషిస్తున్నట్లు వార్తలు వినిపిస్తున్నాయి.

అయితే ఇది చిత్ర బృందం నుండి లీక్ అవ్వడంతో అఫీషియల్ గా కన్ఫామ్ చేసేసుకుంటున్నారు అభిమానులు. ఈ విషయాన్ని ఎవరో కాదు ఇందులో విలన్ పాత్ర పోషిస్తున్న బాలీవుడ్ నటుడు అక్షయ్ ఒబెరాయ్ వెల్లడించారు. ఒక ఇంటర్వ్యూలో భాగంగా ఆయన మాట్లాడుతూ.. ప్రస్తుతం తాను సినిమా షూటింగ్లో ఉన్నట్లు తెలిపారు. ఈ సినిమాలో నయనతార (Nayanthara) కూడా నటిస్తోందని హింట్ ఇచ్చారు అక్షయ్. ఇంతకుమించి వివరాలను ఆయన ఏమి వెల్లడించలేదు. త్వరలోనే ఈ సినిమాపై మహిళా దర్శకురాలు గీతూ మోహన్ దాస్ ఒక ప్రకటన చేస్తారని చెప్పిన ఆయన, అప్పటివరకు ఎదురుచూడాల్సిందే అని కూడా తెలిపారు. ఇకపోతే ఇందులో హీరోయిన్ గా ఉన్న కియారాతో రెండు కీలక షెడ్యూల్స్ కూడా చిత్ర బృందం పూర్తి చేసింది.