Ram Setbacks: రామ్ పోతినేని ‘ఆంధ్రకింగ్‌ తాలూకా’ క్లోజింగ్ రిపోర్ట్.. ఆ రికార్డుల్లోకి మరో సినిమా..

Ram Setbacks: ఎనర్జిటిక్ స్టార్ రామ్ పోతినేని నటించిన తాజా చిత్రం ‘ఆంధ్రకింగ్‌ తాలూకా’ థియేట్రికల్ రన్ ముగిసింది. అభిమానుల అంచనాలు, భారీ ప్రమోషన్స్‌తో విడుదలైంది కానీ, బాక్సాఫీస్ వద్ద మాత్రం చతికిలపడింది. ఈ సినిమా కేవలం రూ.30 కోట్ల గ్రాస్ కలెక్షన్‌తో తన ప్రయాణాన్ని నిలిపివేయడం ట్రేడ్ వర్గాలను నిరాశపరిచింది. అంచనాలకు ఏమాత్రం తగ్గట్టుగా ప్రదర్శన ఇవ్వకపోవడంతో, ఈ చిత్రంపై ట్రేడ్ వర్గాలు అధికారికంగా ఆశించినంత మార్కెట్ రాలేదనే ముద్ర వేశాయి.

Read also-Pragathi Fitness: నటి ప్రగతి పవర్ లిఫ్టింగ్‌లో మెడల్స్ సాధించడానికి కారణం ఇదే?.. వారి గురించి చెబుతూ..

రామ్ కెరీర్‌కు వరుస ఎదురుదెబ్బలు

‘ఆంధ్రకింగ్‌ తాలూకా’ సాధించిన ఈ తక్కువ వసూళ్లు.. రామ్ పోతినేని గతంలో సాధించిన భారీ హిట్స్, ముఖ్యంగా ‘ది వారియర్’, ‘స్కంద’ వంటి చిత్రాల వసూళ్లను కూడా అందుకోలేకపోయింది. అద్భుతమైన ఎనర్జీ, డ్యాన్స్, ఫైటింగ్ స్కిల్స్‌తో రామ్ మాస్ ప్రేక్షకులను ఆకట్టుకున్నప్పటికీ, ఈ చిత్రం కంటెంట్‌లో పట్టు తప్పడంతో కలెక్షన్లు లేవు. ‘రెడ్’ చిత్రం తర్వాత కూడా రామ్ మరో విజయాన్ని అందుకోవడంలో విఫలం కావడం గమనార్హం. వరుసగా వచ్చిన ఈ పరాజయాలు రామ్ కెరీర్‌కు ‘బ్యాక్-టు-బ్యాక్ సెట్‌బ్యాక్స్’గా నిలిచాయి. ప్రస్తుతం ఆయనకు ఒక బలమైన కమర్షియల్ హిట్టు అత్యవసరం. కేవలం తన ఎనర్జీపై ఆధారపడకుండా, కథ, కథనంలో కొత్తదనం ఉండేలా చూసుకోవాల్సిన బాధ్యత రామ్ మీద ఇప్పుడు మరింతగా పడింది. ఫామ్‌లోకి రావాలంటే, తన తదుపరి ప్రాజెక్టు ఎంపిక విషయంలో చాలా జాగ్రత్త వహించాలి.

Read also-Sandeep Raj: నా మాటలను తప్పుగా అర్థం చేసుకున్నారు.. ‘మోగ్లీ’ దర్శకుడి పోస్ట్‌ వైరల్!

మైత్రీ మూవీ మేకర్స్ కఠిన పరీక్ష

టాలీవుడ్‌లో తిరుగులేని నిర్మాణ సంస్థల్లో ఒకటైన మైత్రీ మూవీ మేకర్స్కు కూడా ‘ఆంధ్రకింగ్‌ తాలూకా’ పరాజయం చేదు అనుభవాన్ని మిగిల్చింది. అగ్ర హీరోలతో రికార్డు విజయాలు సాధిస్తున్న ఈ సంస్థకు, తెలుగులో ‘టైర్-2’ హీరోలతో చేస్తున్న ప్రాజెక్టుల విషయంలో కొంతకాలంగా కఠినమైన దశ కొనసాగుతోంది. పెద్ద బడ్జెట్‌తో, అత్యుత్తమ నిర్మాణ విలువలతో సినిమాలు తీస్తున్నప్పటికీ, మీడియం రేంజ్ హీరోలతో చేసిన కొన్ని ప్రయత్నాలు బాక్సాఫీస్ వద్ద ఫెయిల్ అవుతుండటం మైత్రీకి ఆందోళన కలిగిస్తోంది. నిర్మాణ సంస్థ ప్రతిష్టను, హీరో స్టామినాను మార్కెట్‌లో క్యాష్ చేసుకోలేకపోయిన ఈ చిత్రం, మైత్రీ సంస్థ వ్యూహాలకు ఒక హెచ్చరికలా నిలిచింది. కంటెంట్ విషయంలో మరిన్ని జాగ్రత్తలు తీసుకుని, ఈ ‘రఫ్ ఫేజ్’ను అధిగమించాల్సిన అవసరం మైత్రీ మూవీ మేకర్స్‌కు ఉంది. మొత్తం మీద, ‘ఆంధ్రకింగ్ ‌తాలూకా’ సినిమా ఫలితం ఇండస్ట్రీలో ఒక చర్చనీయాంశంగా మారింది. ఒక వైపు హీరో రామ్ హిట్టు కోసం నిరీక్షిస్తుంటే, మరోవైపు ప్రతిష్టాత్మక నిర్మాణ సంస్థ మైత్రీ మూవీ మేకర్స్ టైర్-2 హీరోలతో విజయాలు సాధించేందుకు కొత్త ప్రణాళికలు రచించుకోవాల్సిన పరిస్థితి ఏర్పడింది.