Kalki 2: ‘కల్కి 2’ లో ప్రభాస్ సరసన గ్లోబల్ హీరోయిన్ ఎంట్రీ?.. అయితే ఫ్యాన్స్‌కు పండగే..

Kalki 2: ‘కల్కి 2898 AD’ చిత్రం సృష్టించిన సునామీ తర్వాత, ప్రభాస్, నాగ్ అశ్విన్ కలయికలో రాబోయే సీక్వెల్ ‘కల్కి 2’పై అంచనాలు భారీగా ఉన్నాయి. ఈ సమయంలో, ‘కల్కి 2’ కాస్టింగ్‌కు సంబంధించి ఫిల్మ్ ఇండస్ట్రీలో ఒక సంచలన వార్త చక్కర్లు కొడుతోంది. మొదటి భాగంలో కీలకమైన SUM-80 (సుమతి) పాత్రను పోషించిన స్టార్ హీరోయిన్ దీపికా పదుకొణె ‘కల్కి 2’ నుండి తప్పుకున్న విషయం తెలిసిందే. ఆమె స్థానంలో ఆ పాత్ర కోసం మేకర్స్ ఇప్పుడు గ్లోబల్ ఐకాన్ ప్రియాంక చోప్రా జోనస్ పేరును బలంగా పరిశీలిస్తున్నట్లు ఇండస్ట్రీ వర్గాలు చెబుతున్నాయి.
ప్రియాంకను సంప్రదించడం జరిగిందని, ఆమె ప్రస్తుతం SUM-80 పాత్రకు ప్రధాన పోటీదారుగా ఉన్నారని సమాచారం.

Read also-Smriti Mandhana: స్మృతి మంధానా వివాహ తేదీపై క్లారిటీ ఇచ్చిన ఆమె సోదరుడు.. ఏం అన్నాడంటే?

ప్రియాంక చోప్రాకు అంతర్జాతీయంగా ఉన్న స్టార్‌డమ్ దృష్ట్యా, ఆమె ‘కల్కి’ ఫ్రాంచైజీని తదుపరి స్థాయికి, ముఖ్యంగా హాలీవుడ్ ప్రేక్షకులకు చేరువ చేస్తుందని కొందరు అభిప్రాయపడుతున్నారు. మొదటి భాగంలో దీపికా పోషించిన సుమతి పాత్రకు సీక్వెల్‌లో వేరే నటిని తీసుకోవడం ప్రేక్షకులకు కాస్త షాక్‌గా ఉంటుందని, కథలో ఈ మార్పును మేకర్స్ ఎలా సమర్థిస్తారనే దానిపై ఆసక్తి నెలకొంది. ఇప్పటికే ప్రియాంక చోప్రా మహేష్ బాబు సరసన వారణాసి సినిమాలో నటిస్తున్నారు. ఈ సినిమా గ్లోబల్ రేంజ్ లో విడుదల కానుంది. ఇప్పటికే వారణాసి టైటిల్ గ్లింప్ ఏం రేంజ్ లో విడుదల చేశారో తెలిసిందే.. అయితే ప్రభాస్ సరసన ప్రియాంక చోప్ర కల్కీలో చేస్తే.. సినిమా గ్లోబల్ రేంజ్ అందుకుంటుందని అభిమానులు ఆసిస్తున్నారు.

Read also-Akhanda 2: బాలయ్య ‘అఖండ 2 తాండవం’ సినిమాకు ఏపీ ప్రభుత్వం గుడ్ న్యూస్.. ప్రీమియర్ ఎప్పుడంటే?

ఎందుకు ఈ రీప్లేస్‌మెంట్?

దీపికా పదుకొణె తప్పుకోవడానికి గల కారణాలు ఇంకా అధికారికంగా తెలియకపోయినా, ఆమె షెడ్యూలింగ్ సమస్యలు లేదా కొన్ని రెమ్యునరేషన్/పని గంటల విషయంలో వ్యత్యాసాలు ఉండవచ్చని సినీ పండితులు అంచనా వేస్తున్నారు. కల్కి యూనివర్స్ ఇప్పటికే ప్రపంచవ్యాప్తంగా గుర్తింపు పొందింది. ఈ క్రమంలో, హాలీవుడ్‌లో కూడా స్టార్‌డమ్‌ను కలిగి ఉన్న ప్రియాంక చోప్రాను తీసుకోవడం ద్వారా, ‘కల్కి 2’ మార్కెట్‌ను మరింత విస్తరించడానికి మేకర్స్ వ్యూహాత్మకంగా అడుగులు వేస్తున్నారని తెలుస్తోంది. ప్రభాస్ పక్కన ప్రియాంక చోప్రా లాంటి గ్లోబల్ స్టార్ నటిస్తే, ఈ కాంబినేషన్ భారతీయ సినిమాకు ఒక మైలురాయిగా నిలిచే అవకాశం ఉంది. ఈ వార్తపై చిత్ర యూనిట్ నుంచి త్వరలో అధికారిక ప్రకటన వెలువడే అవకాశం ఉంది.