iBomma Case: విచారణలో మారిపోతానంటున్న ఐబొమ్మ రవి..

iBomma Case: తెలుగు సినిమాలను పైరసీ చేస్తూ పోలీసులకు పట్టుబడిన ఐ బొమ్మ రవి కేసు ఎంతటి సంచలనం రేపిందో తెలిసిందే. ఈ కేసుకు సంబంధించి ఇప్పటికే విచారణ జరుగుతుంది. విచారణలో భాగంగా ఓ బొమ్మ రవి చేసిన వ్యాఖ్యలు ఇప్పుడు సంచలనంగా మారుతున్నాయి. పైరసీ కేసులో రవి పోలీసులు ఎదుట పశ్చాత్తాపం పొందాడని తెలుస్తోంది. ఇప్పటికే రవికి నెటిజన్ల నుంచి మద్ధతు కూడా లభించింది. గత కొన్ని రోజులుగా విచారిస్తున్న పోలీసు అసలు ఏమీ సమాచారం ఇవ్వడంలేదంటూ తెలిపారు. అయితే ఇప్పుడు తాజాగా ఐ బొమ్మ రవి మారిపోవాలనుకుంటున్నాడు అంటూ పోలీసులు తెలిపారు. ఇన్నాళ్లుగా పైరసీకి పాల్పడి డబ్బులు సంపాదించాలి అనే లక్ష్యంతోనే ఈ పనులు చేశానని, అదే సమయంలో పేదలకు సినిమాను దగ్గర చేస్తున్నానని అనుకున్నా కానీ అది తప్పు అని తెలియలేదన్నారు. ఇది తప్పు అని, తెలిసిన తర్వాత పశ్చాత్తాప పడుతున్నా అని, ఎవరూ గమనించక పోవడంతో పోలీసులకు సవాలు విసిరానని, ఎవరూ పట్టుకోలేరని అనుకుంటే ఇలా జరిగిందని చెప్పుకొచ్చారు. విచారణ సమయంలో ఆయన ఎమెషనల్ అయినట్లు తెలుస్తోంది.

ఐ-బొమ్మలో నెలనెలా 35-40 లక్షల మంది సినిమాలు చూసేవారు. సినిమా ప్రేక్షకులను బెట్టింగ్‌ యాప్‌ల ఊబిలోకి దించేందుకు రవి, బెట్టింగ్‌ యాప్స్‌ నిర్వాహకులతో డీల్స్ చేసుకున్నట్లు పోలీసులు గుర్తించారు. యాడ్స్ రూపంలో రవికి డబ్బులు అందినట్లు తేలింది. అక్రమ నగదు లావాదేవీలపై అనుమానం వ్యక్తం చేస్తూ ఎన్‌ఫోర్స్‌మెంట్ డైరెక్టరేట్ (ED) ఈ కేసులో రంగంలోకి దిగింది. మనీలాండరింగ్‌ కోణంలో దర్యాప్తు చేపట్టాలని హైదరాబాద్ సీపీ సజ్జనార్‌కు లేఖ రాసింది. రవి బ్యాంకు ఖాతాల నుంచి ఇప్పటికే పోలీసులు రూ. 3.5 కోట్లను ఫ్రీజ్‌ చేశారు. క్రిప్టోవాలెట్‌ నుంచి రవి ఎన్నారై ఖాతాకు నెలకు రూ. 15 లక్షలు ట్రాన్స్‌ఫర్ అయినట్లు దర్యాప్తులో వెల్లడైంది. ప్రస్తుతం పోలీసుల కస్టడీలో ఉన్న రవి విచారణలో సరిగా సహకరించడం లేదని సమాచారం. యూజర్ ఐడీ, పాస్‌వర్డ్‌లు అడిగితే ‘గుర్తు లేదు’, ‘మర్చిపోయాను’ వంటి పొంతనలేని సమాధానాలు చెబుతున్నట్లు తెలుస్తోంది. రవి అరెస్టు తర్వాత ఐ-బొమ్మ వెబ్‌సైట్‌ను పోలీసులు డిలీట్ చేయించారు. ఆ తర్వాత ఆ వెబ్‌సైట్ నుంచి “మా సేవలను దేశంలో శాశ్వతంగా నిలిపేస్తున్నందుకు మేం చింతిస్తున్నాం” అనే మెసేజ్ వచ్చింది.

రవి అరెస్టు తర్వాత సోషల్ మీడియాలో ‘ఐబొమ్మ’ ట్రెండింగ్‌లో ఉంది. కొన్ని వర్గాల ప్రజలు రవికి మద్దతుగా నిలుస్తున్నట్లు ప్రచారం జరుగుతోంది. ఈ కేసుపై పోలీసులు, ఈడీ లోతుగా దర్యాప్తు చేస్తున్నారు. పైరసీ వెనుక ఉన్న అంతర్జాతీయ లింకులు, సహకరించిన ఏజెంట్లపై దృష్టి సారించారు. ఇప్పటికే ఐ బొమ్మ రవి తరపున వాదించడానికి అనేక మంది లాయర్లు ముందుకు వస్తున్నారు. మారిపోతాను అని అంటున్న రవికి చాలా మంది మద్దతు పలుకుతున్నప్పటికీ కొంత మంది మాత్రం ఆయనకు వ్యతిరేకిస్తున్నారు. అయితే ఈ కేసులో ఇంకా ఏం జరుగుతుందో తెలియాల్సి ఉంది.