NBK111: ‘చరిత్ర సృష్టించాలన్నా మేమే.. దాన్ని తిరగరాయాలన్నా మేమే’ అంటూ అప్పట్లో బాలయ్య చెప్పిన డైలాగ్ ఇప్పటికీ వైరల్ అవుతూనే ఉంటుంది. బాలయ్య అభిమానులు ఎవరికైనా సమాధానం ఇవ్వాలంటే, ఈ డైలాగ్‌కు ఎక్కువగా వాడుతుంటారు. మళ్లీ ఇప్పుడు అలాంటి పవర్ ఫుల్ డైలాగ్‌ ఒకటి బాలయ్య చెబుతున్న వీడియో వైరల్ అవుతోంది. ఇందులో కూడా ఆయన చరిత్ర గురించే మాట్లాడుతున్నారు. ఆ వివరాల్లోకి వెళితే.. బోయపాటి శ్రీను (Boyapati Srinu) దర్శకత్వంలో గాడ్ ఆఫ్ మాసెస్ బాలయ్య (God Of Masses Balakrishna) చేసిన ‘అఖండ 2: తాండవం’ (Akhanda 2: Thaandavam) డిసెంబర్ 5న విడుదల కాబోతున్న విషయం తెలిసిందే. ఈ సినిమా షూటింగ్ పూర్తి చేసి, ప్రొమోషన్స్‌లో బిజీగా ఉన్న బాలయ్య.. మరోవైపు ఇంకో చిత్రానికి శ్రీకారం చుట్టారు.

Also Read- Shobha Shetty VS Divya: ‘చిక్కులు, దిక్కులు, లెక్కలు’ టాస్క్ విజేత ఎవరు? యోధురాలిని దివ్య ఓడించిందా?

నాదే ఆ చరిత్ర

అవును ‘వీరసింహారెడ్డి’ వంటి మాస్ హిట్ ఇచ్చిన గోపీచంద్ మలినేని (Gopichand Malineni) దర్శకత్వంలో నటసింహం బాలయ్య మరో సినిమా చేయబోతున్న విషయం తెలిసిందే. ఆ సినిమా బుధవారం పూజా కార్యక్రమాలతో ప్రారంభమైంది. ఈ కార్యక్రమానికి టాలీవుడ్ నుంచి ప్రముఖ దర్శకులెందరో హాజరయ్యారు. ఈ ప్రారంభోత్సవ కార్యక్రమంలో బాలయ్యపై ఆయనకు ఎన్నో మరుపురాని హిట్స్ ఇచ్చిన దర్శకుడు బి. గోపాల్ క్లాప్ కొట్టారు. ఫస్ట్ సన్నివేశానికి బోయపాటి శ్రీను గౌరవ దర్శకత్వం వహించారు. ఈ ఫస్ట్ షాట్‌లో బాలయ్య చెప్పిన డైలాగ్ వీడియో ఇప్పుడు వైరల్ అవుతోంది. ఈ షాట్‌లో.. ‘చరిత్రలో చాలా మంది ఉంటారు. చరిత్ర సృష్టించేవాడు ఒక్కడే. అదే ఈ చరిత్ర. నాదే ఆ చరిత్ర’ అంటూ బాలయ్య పవర్ ఫుల్‌గా ఈ డైలాగ్ చెబుతున్నారు. బాలయ్య ఆ డైలాగ్ చెప్పగానే అందరూ క్లాప్స్ కొట్టారు. ఇప్పుడీ వీడియోని నందమూరి ఫ్యాన్స్ బాగా వైరల్ చేస్తున్నారు.

Also Read- Magic of Chikiri Chikiri: ‘తలా జారుతుంది చూస్కో’.. బుచ్చిబాబుపై రామ్ చరణ్ కామెడీ.. మేకింగ్ వీడియో వైరల్

సమరశూరుడిలా బాలయ్య

మరోవైపు ఈ డైలాగ్‌పై నెగిటివ్ కామెంట్స్ కూడా పడుతున్నాయి. ‘అది నువ్వు చెప్పడం కాదు.. నీ గురించి ఇతరులు చెప్పాలి’ అంటూ నెటిజన్లు కొందరు చేస్తున్న కామెంట్స్ కూడా వైరల్ అవుతున్నాయి. ఈ సినిమాను వృద్ధి సినిమాస్ బ్యానర్‌పై నిర్మాత వెంకట సతీష్ కిలారు గ్రాండ్‌గా నిర్మిస్తున్నారు. ‘సింహ, జై సింహా, శ్రీ రామరాజ్యం’ తర్వాత మరోసారి బాలకృష్ణ సరసన నయనతార (Nayanthara) నటిస్తోంది. హిస్టారికల్ డ్రామాగా రూపుదిద్దుకోబోతున్న ఈ చిత్రానికి సంబంధించి మేకర్స్ ఓ స్పెషల్ పోస్టర్ వదిలారు. ఈ పోస్టర్‌లో బాలకృష్ణ.. ఒక చేతిలో ఖడ్గం, మరో చేతిలో యాంకర్‌ పట్టుకుని అఖండమైన రాజసంతో కనిపిస్తున్నారు. గడ్డం, పొడవాటి జుట్టు, శక్తివంతమైన తీరుతో సమరశూరుడిలా కనిపిస్తున్నారు. నిజంగా ఈ లుక్‌ని యాజీటీజ్‌గా దించితే మాత్రం.. థియేటర్లు బద్దలవడం ఖాయం అనేలా ఫ్యాన్స్ ఈ పోస్టర్‌పై రియాక్ట్ అవుతున్నారు. ఈ చిత్రానికి సంబంధించిన ఇతర తారాగణం, సాంకేతిక సిబ్బంది వివరాలను త్వరలోనే మేకర్స్ తెలియజేయనున్నారు.

#NBK111 ప్రారంభోత్సవంలో మాస్ డైలాగ్ తో అదరగొట్టిన #Balakrishna 🔥#NBK #TeluguFilmNagar pic.twitter.com/43jLzDMADi

— Telugu FilmNagar (@telugufilmnagar) November 27, 2025