Biker Movie: శర్వానంద్ ‘బైకర్’ సినిమా రిలీజ్ డేట్ మార్పు..
biker (X)
ఎంటర్‌టైన్‌మెంట్

Biker Movie: శర్వానంద్ ‘బైకర్’ సినిమా రిలీజ్ డేట్ మార్పు.. ఎందుకంటే?

Biker Movie: యంగ్ హీరో శర్వానంద్ నటించిన స్పోర్ట్స్ యాక్షన్ డ్రామా చిత్రం ‘బైకర్’ విడుదల వాయిదా పడింది. వాస్తవానికి ఈ సినిమా డిసెంబర్ 6న ప్రేక్షకుల ముందుకు రావాల్సి ఉంది. అయితే, యూవీ క్రియేషన్స్ నిర్మాణ సంస్థ అధికారికంగా ఈ విషయాన్ని వెల్లడించింది. కొత్త విడుదల తేదీని త్వరలోనే ప్రకటిస్తామని తెలిపింది. చిత్ర యూనిట్ తెలిపిన వివరాల ప్రకారం, ప్రేక్షకులకు “ఒక పెద్ద, మంచి అనుభూతిని” అందించడానికి ఈ నిర్ణయం తీసుకున్నారట. ‘బైకర్’ చిత్రాన్ని 3D, 4DX సహా మరిన్ని అత్యాధునిక ఫార్మాట్లలో విడుదల చేయాలని మేకర్స్ నిర్ణయించుకున్నారు. ఈ అదనపు ఫార్మాట్లకు సంబంధించిన పనుల కారణంగానే సినిమా విడుదలను వాయిదా వేస్తున్నట్లు ప్రకటించారు. “సినిమా స్క్రీన్‌లను దాటే అనుభూతి” అందించాలనే లక్ష్యంతో తాము ఎంతో జాగ్రత్తగా, ప్యాషన్‌తో ఈ పని చేస్తున్నామని యూవీ క్రియేషన్స్ తమ ట్వీట్‌లో పేర్కొంది.

Read also-Sanjjanaa Galrani: ఆ ఒక్క మాటతో బిగ్ బాస్ 9 విన్నింగ్ రేసులోకి సంజన.. ఆమె ఘట్స్‌కి హ్యాట్సాఫ్!

అంచనాలు పెంచుతున్న ‘బైకర్’
దర్శకుడు అబిలాష్ కనకరా తెరకెక్కిస్తున్న ఈ చిత్రంలో శర్వానంద్ ఒక నైపుణ్యం కలిగిన బైక్ రేసర్‌గా కనిపించనున్నారు. మోటోక్రాస్ రేసింగ్ నేపథ్యంతో పాటు, మూడు తరాల కుటుంబ కథను కూడా ఈ సినిమాలో చూపించనున్నారు. ముఖ్యంగా, 90వ దశకం, 2000ల ప్రారంభ కాలం నేపథ్యంలో కథ సాగుతుందని సమాచారం. శర్వానంద్ చేసిన సాహసోపేతమైన స్టంట్లు ప్రేక్షకులకు కొత్త అనుభూతిని ఇస్తాయని చిత్ర బృందం నమ్మకంగా ఉంది. ఈ రేసింగ్ అనుభూతి ప్రేక్షకుల్లో అడ్రినలిన్ రష్ పెంచుతుందని, అందుకే ఉత్తమమైన అవుట్‌పుట్ కోసం వాయిదా నిర్ణయం తీసుకున్నామని వారు స్పష్టం చేశారు.

Read also-AB4: ఘట్టమనేని వారసుడి మూవీ టైటిల్ రివీలయ్యేది ఎప్పుడో.. అజయ్ భూపతి చెప్పేశాడు

పోటీని తప్పించుకునే ప్రయత్నమా?
అధికారికంగా మేకర్స్ సాంకేతిక కారణాలనే వెల్లడించినప్పటికీ, పరిశ్రమలో మరో ప్రచారం కూడా జోరుగా సాగుతోంది. అదేంటంటే, డిసెంబర్ 5న నందమూరి బాలకృష్ణ నటించిన ‘అఖండ 2: తాండవం’ విడుదల కానుంది. బాలకృష్ణ సినిమాకు ఉండే భారీ క్రేజ్, ఓపెనింగ్స్ దృష్టిలో ఉంచుకుని, బాక్సాఫీస్ వద్ద నేరుగా పోటీని నివారించేందుకు శర్వానంద్ ‘బైకర్’ను వాయిదా వేసుకున్నట్లు సినీ వర్గాల్లో చర్చ జరుగుతోంది. ఏదేమైనా, మాళవికా నాయర్ హీరోయిన్‌గా నటిస్తున్న ఈ సినిమా కోసం అభిమానులు ఆసక్తిగా ఎదురుచూస్తున్నారు. త్వరలో కొత్త విడుదల తేదీని ప్రకటించనున్నట్లు మేకర్స్ తెలిపారు. ‘బైకర్’ టీమ్ చెబుతున్నట్లుగా ఈ సినిమా నిజంగానే తెలుగు సినిమాకు కొత్త స్థాయిని తీసుకువస్తుందేమో చూడాలి.

Just In

01

Balakrishna: బోయపాటి నోటి వెంట చిరు, ప్రభాస్ పేరు.. హర్టయిన బాలయ్య!

Tollywood: రషా తడానీ, హర్షాలి.. నెక్ట్స్ టాలీవుడ్‌ను ఊపేసే భామలు వీరేనా?

Sahakutumbanam: తన ఫ్రెండ్ చనిపోతే.. ఆసక్తికర విషయం చెప్పిన బుచ్చిబాబు సానా!

Jailer 2: ‘జైలర్ 2’లో గెస్ట్ రెల్ చేసేది బాలయ్య కాదట.. ఎవరంటే?

Bhartha Mahasayulaku Wignyapthi: కలర్‌ఫుల్‌గా ఫస్ట్ సింగిల్.. సాంగ్ ప్రోమో చూశారా?