Epaper 
Mirai Train Stunt: తేజ సజ్జా నటించిన పాన్ ఇండియా సినిమా ‘మిరాయ్’ సెప్టెంబర్ 12న విడుదలవుతుందన్న విషయం తెలిసిందే. ఇప్పటికే హీరో తేజ సజ్జా అన్ని భాషల్లో ప్రమోషన్స్ చేయడంలో బిజీ బిజీ గా ఉంటున్నారు. తాజాగా సినిమానుంచి రైలుపై చేసిన యాక్షన్ సీన్లకు సంబంధించి ఓ వీడియోను విడుదల చేశారు నిర్మాతలు. అందులో తేజ సజ్జా రియల్ యాక్షన్ సీన్లను చూస్తుంటే ఒళ్లు గగుల్పరిచేలాగా ఉన్నాయి. దీనిని చూసిన అభిమానులు అంత కష్టం అవసరమా అంటూ ప్రశ్నిస్తున్నారు. అయితే ఈ సినిమా విజువల్స్ గురించి కొంత మంది చేసిన వ్యాఖ్యలకు గాను ఈ వీడియోను విడుదల చేశారు. దీంతో ఈ సినిమా అంతా ఏఐ తో చేశారు అంటున్న వారికి చెంపపెట్టు సమాధానం అయింది.
Read also-PM Modi: భారత్‌తో వాణిజ్య చర్చలు.. ట్రంప్ పోస్టుకు.. ప్రధాని ఆసక్తికర ఆన్సర్!
‘మిరాయ్’ చిత్రంలో తెజ సజ్జా చేసిన రైలు సన్నివేశం అందరినీ ఆశ్చర్యానికి గురిచేస్తుంది. సాంకేతిక, శారీరక, లాజిస్టికల్ భావోద్వేగ సవాళ్ల సమ్మేళనం ‘ మిరాయ్’ చిత్రం. సినిమాలో రైలు సన్నివేశం యూనిట్ కు అతిపెద్ద సవాలుగా నిలిచింది. ఇది కేవలం సాంకేతికంగా మాత్రమే కాకుండా, శారీరకంగా, లాజిస్టికల్‌గా భావోద్వేగంగా కూడా సవాళ్లతో నిండి ఉంది. శ్రీలంకలోని కొండలు, ఎత్తైన శిఖరాల మధ్య వంపుతిరిగిన రైలు మార్గాల్లో ఈ సన్నివేశాన్ని చిత్రీకరించారు. కదిలే రైలుపై చిత్రీకరణలో ప్రమాదాల కారణంగా ఖచ్చితమైన సమయం కీలకంగా మారింది. ప్రధాన నటుడు తేజ తన స్టంట్లను స్వయంగా చేశాడు. రైలు పైభాగంలో పరుగెత్తడం, కోచ్‌ల మధ్య దూకడం వంటి ప్రమాదకరమైన స్టంట్లను అతడు నిర్వహించాడు. ఈ సన్నివేశంలో తీవ్రత, ప్రమాదం వాస్తవికతను సంగ్రహించి, ప్రేక్షకులను ఆకట్టుకునేలా, చిత్రంలో కీలక క్షణంగా మలచడమే చిత్ర బృందం లక్ష్యంగా పెట్టుకుంది. బృందంలోని అంకితభావం పరస్పర నమ్మకం, పరిమితులు ఉన్నప్పటికీ, ఈ సన్నివేశాన్ని అద్భుతమైన సినిమాటిక్ అనుభవంగా మలిచారు.
యంగ్ హీరో తేజ సజ్జా నటించిన ఒక భారీ పాన్-ఇండియా యాక్షన్ అడ్వెంచర్ చిత్రం ‘మిరాయ్’. ఈ చిత్రానికి కార్తీక్ ఘట్టమనేని దర్శకత్వం వహించగా, పీపుల్ మీడియా ఫ్యాక్టరీ బ్యానర్‌పై టి.జి. విశ్వప్రసాద్ నిర్మించారు. ‘మిరాయ్’ అనే టైటిల్ జపనీస్ పదం, దీని అర్థం ‘భవిష్యత్తు కోసం ఆశ’. ఈ సినిమా అశోకుడి కళింగ యుద్ధం తర్వాత రహస్య గ్రంథాలను కాపాడే తొమ్మిది మంది యోధుల కథ ఆధారంగా రూపొందింది. ఇందులో పురాణ చారిత్రక అంశాలు ఫాంటసీతో మేళవించబడ్డాయి. తేజ సజ్జా సూపర్ యోధుడి పాత్రలో నటిస్తుండగా, మంచు మనోజ్ విలన్‌గా, రితికా నాయక్ హీరోయిన్‌గా, శ్రియా శరణ్ తల్లి పాత్రలో, జగపతి బాబు, జయరాం వంటి నటులు కీలక పాత్రల్లో కనిపిస్తారు. గౌర హరి సంగీతం అందించిన ఈ చిత్రం టీజర్, ట్రైలర్‌లతో సోషల్ మీడియాలో వైరల్ అయింది. దీంతో ఈ సినిమాపై భారీ అంచనాలు నెలకొన్నాయి.
Read also-Anuparna Roy Controversy: వివాదంలో చిక్కుకున్న వెనీస్ ఫిల్మ్ ఫెస్టివల్‌ విజేత.. ఎందుకంటే?
ఈ చిత్రం యాక్షన్, ఫాంటసీ, డివోషనల్ ఎలిమెంట్స్‌తో పాటు అద్భుతమైన విజువల్ ఎఫెక్ట్స్‌తో ప్రేక్షకులను ఆకట్టుకుంది. 60 కోట్లకు పైగా బడ్జెట్‌తో నిర్మితమైన ఈ సినిమా, ఓటిటి, శాటిలైట్ హక్కుల ద్వారా 45 కోట్లు, తెలుగు థియేట్రికల్ రైట్స్ ద్వారా 24.5 కోట్ల రూపాయలు రాబట్టి, విడుదలకు ముందే లాభాలను అందుకుంది. సెన్సార్ బోర్డు నుంచి యూ/ఏ సర్టిఫికెట్ పొందిన ఈ చిత్రం 2 గంటల 49 నిమిషాల రన్‌టైమ్‌తో రూపొందింది.
