Brahmanda: ‘బ్రహ్మాండ’ మూవీ ‘ఏమైనాదే పిల్ల’ సాంగ్ రాకింగ్..!

Brahmanda: మొట్టమొదటిసారి ఒగ్గు కళాకారుల నేపథ్యంలో వారి సాంస్కృతి సాంప్రదాయాలకు పెద్దపీట వేస్తూ రూపుదిద్దుకుంటోన్న చిత్రం ‘బ్రహ్మాండ’ (Brahmanda). సీనియర్ నటి ఆమని (Amani) ప్రధాన పాత్రలో.. మమత ప్రొడక్షన్స్ పతాకంపై దాసరి సురేష్ ఈ చిత్రాన్ని నిర్మిస్తున్నారు. ఈ సినిమాతో రాంబాబు అనే దర్శకుడు ఇండస్ట్రీకి పరిచయం అవుతున్నారు. ఇటీవలే ఈ సినిమా ఫస్ట్ లుక్ పోస్టర్‌ను నిర్మాత మిరియాల రవీందర్ రెడ్డి ఆవిష్కరించగా, మంచి స్పందనను రాబట్టుకుంది. ఒగ్గు కళాకారుల నేపథ్యంలో వస్తున్న తొలి సినిమా కావడంతో ఈ సినిమాపై భారీగా అంచనాలున్నాయి. దీనికి తోడు తెలంగాణ నేపథ్యంలో సాగే భావోద్వేగ భరితమైన సినిమా ఇదని చిత్ర హీరో బన్నీరాజు అంటున్నారు. అంతేకాదు, డివోషనల్ యాక్షన్ థ్రిల్లర్‌గా ప్రేక్షకులను ఈ సినిమా అలరిస్తుందని ఆయన స్పష్టం చేశారు. ఈ సినిమాను ఆగస్ట్ 22వ తేదీన విడుదల చేసేందుకు మేకర్స్ సన్నాహాలు చేస్తున్నారు.

‘బ్రహ్మాండ’ లిరికల్ సాంగ్ రాకింగ్..
భారీ అంచనాల మధ్య ప్రేక్షకుల ముందుకు రాబోతున్న ఈ సినిమా నుంచి ‘ఏమైనాదే పిల్ల’ అంటూ సాగే లిరికల్ సాంగ్‌ను చిత్ర బృందం విడుదల చేసింది. ప్రస్తుతం యూట్యూబ్‌లో ఈ సాంగ్ దూసుకెళుతోంది. ‘ఏమైనాదే పిల్ల ఏమైనాదే.. ఏమైనాదే.. నీ మీదకే గాలి మళ్లిందే.. మరి ఏమైనాదే..’ అనే లిరిక్స్‌తో వచ్చిన ఈ సాంగ్ శ్రోతలను అలరిస్తూ.. చార్ట్ బస్టర్ లిస్ట్‌లో చేరేలా అలరిస్తోంది. ఇంకా చెప్పాలంటే యూట్యూబ్‌లో ఈ పాట సంచలనాన్ని క్రియేట్ చేస్తుందని చెప్పుకోవచ్చు.

Also Read- Rajinikanth: ‘బాషా’ సినిమాకు ఆంటోని ఎలాగో.. ‘కూలీ’ సినిమాకు సైమన్ అలాగే.. నాగ్ అదరగొట్టేశాడు

ట్రెండింగ్‌లో ‘ఏమైనాదే పిల్ల’
లిరికల్ సాంగ్ ఇంతలా ఆదరణ పొందడానికి కారణం.. సాంగ్‌లోని విజువల్స్ కూడా. నటీనటుల పర్ఫామెన్స్ కూడా అద్భుతంగా ఉందని నెటిజన్స్ కామెంట్లు చేస్తున్నారు. ప్రముఖ సింగర్ వరికప్పుల యాదగిరి మ్యూజిక్ అందించడమే కాకుండా, ఈ పాటను ఆలపించడం విశేషం. ఫిమేల్ లీడ్‌కి శ్రీయా మాధురి తన అద్భుతమైన స్వరాన్ని వినిపించారు. ఇక్కడ మరో విశేషం ఏమిటంటే.. ఈ పాటకు లిరిక్స్ అందించింది కూడా వరి కప్పుల యాదగిరి కావడం గమనార్హం. కళాధర్ అందించిన కొరియోగ్రఫీ మరింత హైలెట్‌గా నిలిచింది.

Also Read- Actress Urvashi: ‘ఉత్తమ నటి కావాలంటే.. యంగ్‌గా ఉండాలేమో’.. నటి షాకింగ్ కామెంట్స్!

బ్రహ్మాండ విశేషాలివే..
‘బ్రహ్మాండ’ సినిమా విషయానికి వస్తే ఒగ్గు కథ అనేది తెలంగాణ జానపద కళారూపం. ఒగ్గు అంటే శివుని చేతిలోని ఢమరుకం అని అర్థం. ఈ పదం కేవలం ఒక్క తెలంగాణ ప్రాంతంలోనే వినిపిస్తుంది. ఇది అచ్చమైన దేశీ పదం కూడా. ఈ చిత్ర కథ, స్క్రీన్‌ప్లే ప్రేక్షకులను తప్పకుండా రంజింప చేస్తుందని.. యాక్షన్‌తో పాటు డివోషనల్ థ్రిల్లింగ్ అంశాలు ప్రేక్షకులకు గూస్ బంప్స్ తెప్పిస్తాయని మేకర్స్ చెబుతున్నారు.

ఆమని, జయరాం, కొమరం బన్నీ రాజ్, జోగిని శ్యామల, విజయ రంగరాజు, అమిత్, చత్రపతి శేఖర్, కనిక వాద్య, ఆనంద్ భారతి, దిల్ రమేష్, ప్రసన్నకుమార్, మీసం సురేష్, దేవి శ్రీ, ఐడ్ల మధుసూదన్ రెడ్డి, అనంత కిషోర్ దాస్ తదితరులు కీలకపాత్రలు పోషిస్తున్న ఈ సినిమా కచ్చితంగా గ్రాండ్ సక్సెస్ అవుతుందని చిత్రయూనిట్ ధీమాగా చెబుతోంది.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు