Epaper 
Samantha: స్టార్ హీరోయిన్ సమంత గురించి ప్రత్యేకంగా చెప్పాల్సిన పనిలేదు. అందం, అభినయంతో ఎంతో మంది అభిమానులను సొంతం చేసుకుంది. అక్కినేని నాగచైతన్య హీరోగా నటించిన ‘ఏ మాయ చేశావే’ అనే మూవీతో తెలుగు పరిశ్రమకు హీరోయిన్‌గా పరిచయమైంది. ఈ సినిమాతో ఎంతో మంది దగ్గరైంది. కుర్రకారుల మనస్సు దోచుకుంది. తొలి చిత్రంతోనే భారీ హిట్‌ని సొంతం చేసుకుంది. ఆ తరవాత బ్యాక్ టు బ్యాక్ మూవీస్ చేస్తూ దూసుకెళ్లింది. బృందావనం, దూకుడు, ఈగ, ఎటో వెళ్ళిపోయింది మనసు, సీతమ్మ వాకిట్లో సిరిమల్లె చెట్టు, అత్తారింటికి దారేది, ఆటోనగర్ సూర్య, మనం, ఓ బేబీ వంటి బ్లాక్ బస్టర్ హిట్ చిత్రాల్లో నటించింది. టాలీవుడ్‌లో అందరూ స్టార్ హీరోస్‌తో కలసి స్క్రీన్ షేర్ చేసుకుంది.
అయితే సమంత సినీ ప్రపంచానికి పరిచయమై 15 ఏళ్లు పూర్తి అయ్యింది. ఈ సందర్బంగా సోషల్ మీడియా వేదికగా పలు విషయాలు పంచుకుంది. ‘అప్పుడే జీవితం ఏమీ అయిపోలేదు. ట్రావెల్ చేయాల్సింది ఇంకా చాలా ఉంది. ఈ ప్రయాణంలో విజయాలు.. పరాజయాలు రెండూ కూడా పోరాట తత్వాన్నే నేర్పించాయి. ఓసారి భారీ సక్సెస్ దక్కిందంటే చాలు.. చాలా మంది సంతృప్తి చెందుతారు. కానీ, నేను దాన్ని ఓ సవాల్‌లా తీసుకుని అంతకు మించి సక్సెస్ సాధించాలన్న లక్ష్యంతో మరో కొత్త పోరాటాన్ని స్టార్ట్ చేస్తా. అదే పరాజయం చెందితే అదొక మచ్చగా భావిస్తా. ఒకరకంగా విజయాలు.. పరాజయాలు నేర్పిన పోరాట తత్వమే నా జీవితమంతా విజయసూత్రమని నమ్ముతా’ అని సమంత చెప్పుకొచ్చింది.
ఇక 2017లో నాగచైతన్య, సమంత ప్రేమించి పెళ్లిచేసుకున్నారు. ఇక 2021లో వ్యక్తిగత కారణాలతో డైవర్స్ తీసుకున్నారు. ఆ తర్వాత ఈ జంటపై రకరకాల రూమర్స్ వచ్చినప్పటికీ ఎవరి దారి వారు చూసుకుని లైఫ్ లీడ్ చేస్తున్నారు. అయితే నాగచైతన్యతో విడాకుల అనంతరం సమంత బాలీవుడ్‌కు షిఫ్ట్ అయ్యింది. అక్కడ వెబ్ సిరీస్ చేస్తూ ఆడియన్స్ అలరిస్తోంది. అయితే విడాకుల తర్వాత టాలీవుడ్‌కి దూరంగా ఉంది. ఎన్నో అవకాశాలు వచ్చిన అన్నింటిని రిజెక్ట్ చేసింది. తెలుగు పరిశ్రమకు సమంత గుడ్‌బై చెప్పిందని ప్రచారం కూడా నడించింది. ఇదిలా ఉంటే.. మరోవైపు ఈ క్యూటీ టాలీవుడ్ మూవీస్ చేసేందుకు రెడీ అయినట్టు తెలుస్తుంది. త్వరలోనే తెలుగులో ఓ చిత్రం చేస్తానంటూ ఇటీవల ప్రకటించింది. ఇటీవల సోషల్ మీడియాలో ఫ్యాన్స్‌తో ముచ్చటిస్తూ.. మంచి కథలు వస్తే తప్పకుండా తెలుగు చిత్రాల్లో నటిస్తానని చెప్పింది. మంచి చిత్రాలను అసలు వదులుకోను అని వెల్లడించింది. చాలా ఏళ్ల తరువాత మళ్ళీ తెలుగులో మూవీస్ చేసేందుకు సమంత ఇంట్రెస్ట్ చూపిస్తుండంతో అభిమానులు ఫుల్ ఖుషి అవుతున్నారు. తెలుగులో ఈమె నటించిన చిత్రాలు అన్ని కూడా సూపర్ డూపర్ హిట్ అయ్యాయి. గోల్డెన్ లెగ్ అని పేరు కూడా వచ్చింది. తెలుగులో ఆమెకు ఎంతో మంది అభిమానులు ఉన్నారు. ఈ బ్యూటీ తెలుగులో రీ-ఎంట్రీ ఇచ్చి అదే జోరు కొనసాగించాలని కోరుకుందాం.
