Thompson win 100-metre titles at Jamaican Olympic trials cross the record Ussain Bolt
ప్రపంచంలోనే అత్యంత వేగంగా పరిగెత్తే వ్యక్తి ఎవరంటే ఠక్కున చెప్పేస్తాం ఉసేన్ బోల్ట్ . అతని అనితరసాధ్యమైన రికార్డులు ఇప్పటిదాకా ఎవరూ అధిరోహించలేకపోయారు. తన ఆటతో హవభావాలతో స్ప్రింట్కు అతడు తెచ్చిన క్రేజ్ అలాంటిది. బోల్ట్ రిటైరై ఏడేళ్లయినా అతడిలా పరుగులో ఆధిపత్యం చెలాయించే మరో వీరుడు రాలేదు. బోల్ట్ రికార్డులు ఇప్పటికీ భద్రంగా ఉన్నాయి.
ఆ రికార్డులు చెదురుతాయో లేదో గానీ.. వేగంలో ఉసేన్ను గుర్తుచేస్తూ అతడి దేశం జమైకా నుంచే మరో చిరుత దూసుకొస్తోంది. 100 మీటర్ల పరుగులో ఈ రెండేళ్లలోనే అత్యుత్తమ టైమింగ్ నమోదు చేసి అందరి దృష్టిని తనవైపు తిప్పుకున్న ఆ అథ్లెటే కిషేన్ థాంప్సన్. జమైకా ట్రయల్స్లో 9.77 సెకన్లు నమోదు చేసిన థాంప్సన్ పారిస్ ఒలింపిక్స్లో ప్రత్యేక ఆకర్షణగా నిలవనున్నాడు. ఒలింపిక్స్లో థాంప్సన్కు గట్టిపోటీ ఎదురు కానుంది. అమెరికా స్టార్లు కోల్మన్, నోవా లేల్స్, ఫ్రెడ్ కెర్లీ బరిలో ఉన్నారు. మరి వారి పోటీని తట్టుకుని థాంప్సన్ నిలవగలిగితే ఉసేన్ వారసుడు వచ్చేసినట్టే.
