– తెలంగాణలో రెయిన్ వార్నింగ్
– పలు జిల్లాలకు ఎల్లో అలర్ట్
– ఉరుములు, మెరుపులతో వర్షాలకు ఛాన్స్
Telangana Weather Update: నైరుతి రుతుపవనాలు ఈ నెల 19వ తేదీన దక్షిణ అండమాన్ సముద్రం, ఆగ్నేయ బంగాళాఖాతంలో కొన్ని ప్రాంతాలు, నికోబార్ దీవుల వరకు పురోగించే అవకాశం ఉంది. ఈ నేపథ్యంలో రానున్న నాలుగు రోజులు రాష్ట్ర వ్యాప్తంగా పలు జిల్లాలకు వాతావరణ శాఖ ఎల్లో అలర్ట్ జారీ చేసింది. ఇవాళ ఉరుములు మెరుపులు, ఈదురు గాలులతో కూడిన వర్షాలు పడనున్నాయి. భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ, జనగామ, యాదాద్రి, రంగారెడ్డి, నాగర్ కర్నూల్, వనపర్తి, గద్వాల జిల్లాలలో అక్కడక్కడ వానలు కురిసే అవకాశం ఉంది.
రేపు కూడా ఉరుములు, మెరుపులు, ఈదురు గాలులతో కూడిన వర్షాలు పడతాయని అధికారులు తెలిపారు. ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, నాగర్ కర్నూల్ జిల్లాలలో అక్కడక్కడ వర్షం పడుతుందని చెప్పారు. ఎల్లుండి భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబ్ నగర్, నాగర్ కర్నూల్, వనపర్తి, నారాయణపేట, గద్వాల జిల్లాలలో వానలు పడతాయి. 21న మంచిర్యాల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, మహబూబాబాద్, వరంగల్, హన్మకొండ జిల్లాలలో వానలు పడతాయని అధికారులు హెచ్చరించారు. జూన్ 8వ తేదీ నుంచి మాన్సున్ సీజన్ స్టార్ట్ అవుతుందని తెలిపారు.
