Real Gold For That Role: బీటౌన్లో తెరకెక్కుతున్న హిస్టారికల్ మూవీ రామాయణ. ప్రస్తుతం ఈ మూవీ షూటింగ్ వర్క్స్ శరవేగంగా నడుస్తున్నాయి. ఇప్పటికే ఈ మూవీ గురించి ఎన్నో వార్తలు నెట్టింట ట్రెండ్ అవుతున్నాయి. అయితే గతంలో రణ్బీర్, సాయిపల్లవికి సంబంధించిన షూటింగ్ స్టిల్స్ బయటకి రావడం వల్ల మేకర్స్ కూడా చాలా జాగ్రత్తపడుతున్నారు. అఫీషియల్ అనౌన్స్మెంట్ వచ్చేంతవరకు అన్నీ సీక్రెట్గా ఉంచాలని భావిస్తున్నారు. అయితే ఎన్ని జాగ్రత్తలు తీసుకున్నా సరే తాజాగా ఈ మూవీలో నటిస్తున్న యశ్ పాత్ర గురించి ఓ రూమర్ నెట్టింట తెగ ట్రెండ్ అవుతోంది.
ఇందులో రావణుడి రోల్లో కనిపించనున్న యశ్ కోసం మేకర్స్ భారీ సన్నాహాలే చేస్తున్నారట. తన రోల్కు సంబంధించిన చిన్న డీటైలింగ్ కూడా గ్రాండ్గా ఉండాలనుకుంటున్నారట. ఇందులో భాగంగానే తాను ధరించనున్న దుస్తులు, ఆభరణాలు, వాడే వస్తువులు అన్నీంటినీ నిజమైన బంగారంతో తయారు చేసినవే వినియోగించనున్నట్లు టాక్. రావణుడు స్వర్ణనగరమైన లంకాపురికి రాజు. అప్పట్లో ఆయన ధరించిన వస్త్రాలు కూడా బంగారుతో తయారుచేసినవని ఇతిహాసాల్లోనూ పేర్కొంది. అందుకే ఈ సినిమాలోనూ రావణుడి పాత్రను కూడా సేమ్ టూ సేమ్ అలాగే చూపించాలని మూవీ టీమ్ ప్లాన్ చేస్తోందట.
Also Read:దేవర ఫియర్ సాంగ్, ఫ్యాన్స్కి పూనకాలే..!
ఇది విన్న ఫ్యాన్స్ ఒకింత షాకైనప్పటికీ, మేకర్స్ థాట్కి హ్యాట్సాఫ్ చెప్తున్నారు. పలువురు యశ్ లుక్ కోసం ఈగర్గా వెయిట్ చేస్తున్నారు.ఇక ఈ సినిమాలో యశ్ కీలక పాత్ర పోషించడమే కాకుండా నిర్మాతగానూ వ్యవహరిస్తున్నారు. ఇప్పటికే రణ్బీర్, సాయి పల్లవితో పాటు యశ్ కూడా షూట్లో పాల్గొన్నారని సమాచారం. హనుమంతుడిగా సన్నీ దేఓల్ కనిపించనున్నారు. ఆయన కూడా ఈ సినిమా చిత్రీకరణకు వచ్చారట.మరోవైపు ఈ మూవీ బడ్జెట్ దాదాపు రూ.835 కోట్లు అని నెట్టింట టాక్ నడుస్తోంది. అది కూడా కేవలం తొలి భాగాన్ని తెరకెక్కించడం కోసమేనట. పాన్ ఇండియా లెవెల్లో ఈ మూవీని 2025లోనే రిలీజ్ చేసేందుకు సన్నాహాలు జరిగాయి. కానీ ఇప్పుడు అది కాస్త 2027కి షిష్ట్ అయ్యిందని అంటున్నారు. ఈ లెక్కన చూస్తే ఈ మూవీ దాదాపు 600 రోజులకు పైగా షూటింగ్ జరుపుకుంటుంది.
