Saturday, May 18, 2024

Exclusive

Hyderabad : అంతేగా.. అంతేగా..!

– క్రెడిట్ వస్తే మనదే ఇదంతా..
– తేడా వస్తే పక్కోడి మీదకు తోసేయడమే
– తప్పించుకునే ధోరణి మారని కేసీఆర్
– ఫోన్ ట్యాపింగ్‌ తప్పంతా ఇంటెలిజెన్స్ మీదకు తోసే ప్రయత్నం
– కాళేశ్వరం ప్రాజెక్టు రీ డిజైన్‌ బాధ్యత అంతా ఇంజనీర్లదేనట
– అప్పులు తేవడం బడ్జెట్‌లో భాగమేనంటూ వ్యాఖ్యలు
– టచ్‌లో ఉన్న కాంగ్రెస్ నేతలపై నో క్లారిటీ
– ఆనాడు కాంగ్రెస్‌లో బీఆర్ఎస్ విలీనంపైనా యూటర్న్

Kcr private channal interview fals statements: తప్పులెన్నువారు తమ తప్పులెరగరు అనే సామెత అక్షరాలా కేసీఆర్‌కు వర్తిస్తుందేమో. ఏదైనా క్రెడిట్ వస్తే తాను తీసుకుంటారు. తేడా వస్తే ఎదుటివారిపై నెట్టేస్తుంటారు. దీనికి ఎన్నో ఉదాహరణలున్నాయి. తాజాగా ఓ ఛానల్ ఇంటర్వ్యూలో మాట్లాడిన ఆయన మాటలు చూశాక ఇది మరోసారి రుజువైంది. కాళేశ్వరం నుంచి ఫోన్ ట్యాపింగ్ వ్యవహారం దాకా తప్పించుకునే ధోరణే తప్ప, తప్పు చేశాననే భావన ఎంత మాత్రం లేదనే విమర్శలు వినిపిస్తున్నాయి. చింత చచ్చినా పులుపు చావలేదన్నట్టు ఇప్పటికీ అవే అహంకారపు మాటలు మాట్లాడుతున్నారని ఇతర పార్టీల నుంచి వినిపిస్తున్న మాట. పదేళ్ల పాలనలో ఎక్కడా తన తప్పు లేదనట్టుగా సాగిన ఇంటర్వ్యూ అంతా అబద్ధాలేనంటూ ఆరోపణలు వెల్లువెత్తుతున్నాయి.

కాంగ్రెస్‌లో విలీనంపై డబుల్ టంగ్

తెలంగాణ ప్రజలు బాధలు చూడలేక సోనియా గాంధీ ప్రత్యేక రాష్ట్రాన్ని ఏర్పాటు చేశారని కాంగ్రెస్ నేతలు చెబుతుంటారు. కానీ, కేసీఆర్ కష్టం వల్లే తెలంగాణ ఏర్పాటైందనేది బీఆర్ఎస్ వాదన. ఈ గొడవ ఎటు వెళ్లినా, విలీనం అంశం మాత్రం ఎప్పుడూ చర్చల్లోనే ఉంటుంది. ఆనాడు ప్రత్యేక రాష్ట్రం ఏర్పాటైతే బీఆర్ఎస్‌ను కాంగ్రెస్‌లో విలీనం చేస్తానని కేసీఆర్ అన్నారు. కానీ, చివరి నిమిషంలో రివర్స్ గేర్ వేశారు. దీనిపై తాజా ఇంటర్వ్యూలో కీలక వ్యాఖ్యలు చేశారు. వాస్తవానికి విలీనం చేస్తానన్న మాట వాస్తవమని, అప్పట్లో కాంగ్రెస్ వాళ్లే తన మాటను వినలేదంటూ వ్యాఖ్యానించారు. ముఖ్యమంత్రి పదవిలోకి రాక ముందు సోనియాగాంధీని దేవత అని పొగిడారు కేసీఆర్. తీరా అధికారం దక్కించుకున్నాక కాంగ్రెస్ పార్టీని లేకుండా చేద్దామనే కుట్రలు చేశారు. కానీ, చివరకు బీఆర్ఎస్‌నే కష్టాలు వెంటాడుతున్నాయి. ఇక, రాష్ట్రం అప్పుల పాలు ఎందుకయిందని ప్రశ్నిస్తే, బడ్జెట్‌లో భాగంగా అప్పులు తెచ్చుకోవడం సహజమే అని సమర్థించుకోవడంలో కేసీఆర్ అహంకారం కనిపిస్తోందనే విమర్శలు వినిపిస్తున్నాయి.

ఫోన్ ట్యాపింగ్‌‌లోనూ తన తప్పేం లేదట!

కొన్ని రోజులుగా రాష్ట్రాన్ని పొలిటికల్‌గా షేక్ చేస్తోంది ఫోన్ ట్యాపింగ్ అంశం. దీనిపై కొద్ది రోజుల క్రితం ప్రెస్ మీట్ పెట్టి పూర్తి వివరాలు వెల్లడిస్తానన్నారు. కానీ, ఆ ప్రెస్ మీట్ జరిగింది లేదు. తాజా ఇంటర్వ్యూలో మాత్రం కీలక వ్యాఖ్యలు చేశారు. ఫోన్ ట్యాపింగ్ అనేది కొత్త విషయం కాదన్నారు. గూఢచారి వ్యవస్థ, వేగులు అనేవి అనాదిగా వస్తున్నాయని పేర్కొన్నారు. ఏ దేశానికి, రాష్ట్రానికైనా నిఘా వ్యవస్థ అనేది అవసరం అని అన్నారు. అందుకు సమాచార సేకరణ కోసం ఇంటెలిజెన్స్ విభాగం ప్రత్యేకంగా ఉంటుందని తెలిపారు. ట్యాపింగ్ అనేది పరిపాలన సంబంధమైన వ్యవహారమని తెలిపారు. ఆ పని ప్రభుత్వం చేయదని, పోలీసులే చేస్తారంటూ సమాధానమిచ్చారు. ఫోన్లు ట్యాపింగ్ చేయాలని సీఎం, మంత్రులు చెప్పరని అన్నారు. ఇప్పుడు సీఎం రేవంత్‌ రెడ్డికి ఇంటెలిజెన్స్ రిపోర్ట్ ఇవ్వదా అని ప్రశ్నించారు. మొత్తానికి ట్యాపింగ్ అంశం ఇంటెలిజెన్స్ డిపార్ట్‌మెంట్‌ బాధ్యత అని, తమ ప్రభుత్వానిది కాదంటూ మాట్లాడారు కేసీఆర్. దీనిపై అభ్యంతరాలు వ్యక్తం అవుతున్నాయి. కేసీఆర్ కనుసైగ లేనిదే అధికారులు ప్రతిపక్ష నేతల ఫోన్లు ట్యాప్ చేస్తారా? అని ప్రశ్నిస్తున్నారు కొందరు.

కాళేశ్వరం లోపాలు ఇంజినీర్ల మీదకు నెట్టే ప్రయత్నం!

కాళేశ్వరం ప్రాజెక్ట్ రీడిజైన్‌ పైనా కేసీఆర్ కీలక వ్యాఖ్యలు చేశారు. తెలంగాణ అవసరాలను దృష్టిలో ఉంచుకొని ప్రాజెక్ట్‌ను రీడిజైన్ చేయాలని ఇంజినీర్లకు సూచించినట్లు తెలిపారు. తమ్మిడిహట్టి దగ్గర నీటి లభ్యత లేదని వ్యాప్కో వాళ్లే చెప్పారని వెల్లడించారు. అందుకే, ఏడాది పాటు గోదావరిని సజీవంగా ఉంచే ప్రయత్నం చేశామని అన్నారు. అనుకోకుండా కొన్ని లోపాలు జరిగాయని, ఇదంతా సహజమే అన్నట్టు మాట్లాడారు. డిజైన్ తాను చేయలేదని స్పష్టం చేశారు. ఇక్కడ కూడా ఇంజినీర్లదే తప్పు అన్నట్లుగా మాట్లాడారు కేసీఆర్. కాళేశ్వరం నీళ్లు ఎత్తిపోయగానే, అపర భగీరథుడు, పేదల దేవుడు అంటూ గప్పాలు కొట్టించుకున్న కేసీఆర్, లోపాలను మాత్రం అధికారులపై నెట్టే ప్రయత్నం చేస్తున్నారని ఇతర పార్టీల నేతలు మండిపడుతున్నారు.

టచ్‌లో ఉన్న కాంగ్రెస్ వారెవరో నో క్లారిటీ

ముఖ్యమంత్రే పార్టీ మారుతారని ప్రచారం జరుగుతుంటే, ఇంతవరకూ ఖండించలేదని అన్నారు కేసీఆర్. నిజానికి, రేవంత్ రెడ్డి మొదటి రోజే దీనిపై క్లారిటీ ఇచ్చారు. కాంగ్రెస్ ప్రభుత్వం జోలికి వస్తే తాటతీస్తామంటూ స్ట్రాంగ్ వార్నింగ్ ఇచ్చారు. కాంగ్రెస్‌లో ఉన్న కొందరు మీరు, మేము కలిసి గవర్నమెంట్‌ ఫామ్‌ చేద్దామని తమ నేతల వద్దకు ప్రతిపాదనలు వచ్చాయని కేసీఆర్ చెప్పుకొచ్చారు. కానీ, వాళ్లు ఎవరనేది మాత్రం నోరు విప్పలేదు. దీన్నిబట్టి ఇదంతా డ్రామాగా అర్థం అవుతోందని అంటున్నారు కాంగ్రెస్ నేతలు. ఉన్న కొంతమంది లీడర్లను కాపాడుకునే ప్రయత్నం చేస్తున్నారని చురకలంటిస్తున్నారు.

Publisher : Swetcha Daily

Latest

BJP: సీఎం రేవంత్‌ను కలిసిన బీజేపీ ఎమ్మెల్యేలు.. ఎందుకు కలిశారు?

CM Revanth: రాష్ట్రంలో మూడు ప్రధాన పార్టీల మధ్య రాజకీయ వైరం...

LS Polls: ఆరో విడతలో 889 మంది అభ్యర్థులు.. 25న పోలింగ్

Lok Sabha Elections: సార్వత్రిక ఎన్నికల్లో ఆరో విడతకు సంబంధించి నామినేషన్ల...

Bharati Builders: భారతి.. భూముల హారతి!

- అప్పుడు పుప్పాలగూడ.. ఇప్పుడు కొంపల్లి..! - హైదరాబాద్‌లో మరో ప్రీ లాంచ్...

Cabinet Meeting: కేబినెట్‌ భేటీకి ఈసీ ‘నో’.. ‘అవసరమైతే ఢిల్లీకి వెళ్తాం’

- కేబినెట్ సమావేశానికి బ్రేక్ - పర్మిషన్ ఇవ్వని ఈసీ -...

RGV: సీఎం రేవంత్ రెడ్డిపై ఆర్జీవీ ట్వీట్

CM Revanth Reddy: ప్రముఖ సినీ దర్శకుడు ఆర్జీవీ గత కొంతకాలంగా...

Don't miss

BJP: సీఎం రేవంత్‌ను కలిసిన బీజేపీ ఎమ్మెల్యేలు.. ఎందుకు కలిశారు?

CM Revanth: రాష్ట్రంలో మూడు ప్రధాన పార్టీల మధ్య రాజకీయ వైరం...

LS Polls: ఆరో విడతలో 889 మంది అభ్యర్థులు.. 25న పోలింగ్

Lok Sabha Elections: సార్వత్రిక ఎన్నికల్లో ఆరో విడతకు సంబంధించి నామినేషన్ల...

Bharati Builders: భారతి.. భూముల హారతి!

- అప్పుడు పుప్పాలగూడ.. ఇప్పుడు కొంపల్లి..! - హైదరాబాద్‌లో మరో ప్రీ లాంచ్...

Cabinet Meeting: కేబినెట్‌ భేటీకి ఈసీ ‘నో’.. ‘అవసరమైతే ఢిల్లీకి వెళ్తాం’

- కేబినెట్ సమావేశానికి బ్రేక్ - పర్మిషన్ ఇవ్వని ఈసీ -...

RGV: సీఎం రేవంత్ రెడ్డిపై ఆర్జీవీ ట్వీట్

CM Revanth Reddy: ప్రముఖ సినీ దర్శకుడు ఆర్జీవీ గత కొంతకాలంగా...

Bharati Builders: భారతి.. భూముల హారతి!

- అప్పుడు పుప్పాలగూడ.. ఇప్పుడు కొంపల్లి..! - హైదరాబాద్‌లో మరో ప్రీ లాంచ్ మోసం - భారతీ లేక్ వ్యూ పేరుతో వసూళ్లు - అతి తక్కువ ధరకే ఫ్లాట్ అనడంతో ఎగబడ్డ జనం - రోజులు గడుస్తున్నా...

Hyderabad:గులాబీల్లో ‘లోకల్’ గుబులు

బీఆర్ఎస్ తో కొనసాగుతున్న వలసలు అసెంబ్లీ , పార్లమెంట్ ఎన్నికలలోనూ జంపింగ్స్ కొత్తగా భయపెడుతున్న స్థానిక సంస్థల ఎన్నికలు కొన్ని జిల్లాలలో ఇప్పటికే కాంగ్రెస్ లో చేరిన స్థానిక నేతలు ఉమ్మడి...

Hyderabad:ఆ.. త (అ)ప్పు చేయొద్దు

రుణాల రీస్ట్రక్చరింగ్ దిశగా రేవంత్ సర్కార్ అడుగులు మార్కెట్లో తక్కువ వడ్డీకి రుణాలిచ్చే సంస్థలపై ఫోకస్ తెలంగాణ రాష్ట్రం వచ్చిన కొత్తల్లో రాష్ట్ర అప్పుల భారం రూ.72,658 కోట్లు పదేళ్ల కేసీఆర్...